गूळ सौदे सुरू करण्यासाठी दोन्ही घटकांना दिली समज...

jaggery
jaggery

कोल्हापूर  : गेल्या दोन दिवसांपासून व्यापारी व माथाडी कामगारांमध्ये सुरू असलेल्या हमाली दरवाढीच्या वादावर अखेर पडदा पडला आहे. दहा टक्के हमाल वाढीचे पत्र व्यापाऱ्यांनी बाजार समितीकडे सुपूर्त केल्यांनतर बुधवारी (ता. २०) सकाळपासून गूळ सौदे नियमित सुरू झाले.

बुधवारी नऊ हजार गूळ रव्यांची आवक झाली. या वेळी गुळाला सरासरी ३७०० रुपये क्विंटल असा दर मिळाला. गेल्या काही दिवसांपासून हमाली दरवाढीच्या मुद्यावरून बाजार समितीचे गूळ आवार व्यापारी आणि हमाल यांच्या संघर्षाने धुमसत होते. सोमवारी सकाळी यातूनच वाद होऊन सौदे बंद पडले. शेतकऱ्यांनीही आक्रमक भूमिका घेत तुमच्या वादात आमचे नुकसान कशासाठी असे सांगत बाजार समितीतील वाहतूक बंद केली. सोमवारी बैठक होऊन वाढीबाबतचे पत्र देण्याबाबतचा निर्णय झाला.

मंगळवारी दिवसभर अडेलतटट्टूपणाची भूमिका व्यापारी व माथाडी कामगारांनी घेतली. सायंकाळी पुन्हा बाजार समितीच्या संचालकांची बैठक होऊन मार्ग काढण्याबाबत चर्चा झाली. सत्ताधारी पक्षाच्या वरिष्ठ नेत्यांबरोबरही संचालक मंडळानी चर्चा केली. या वेळी कोणत्याही परिस्थितीत वाद मिटविण्याचा इशारा नेत्यांनी दिल्यानंतर सौदे सुरू करण्याबाबत दोन्ही घटकांना समज देण्यात आली.  व्यापाऱ्यांनी दहा टक्के वाढीचे पत्र दिले असून, बुधवारी सकाळपासून नियमित सौदे सुरू झाल्याची, माहिती बाजार समितीचे सचिव मोहन सालपे यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com