jaggery Rs 3200 to 3700 per quintal in Sangli
jaggery Rs 3200 to 3700 per quintal in Sangli

सांगलीत गूळ सरासरी ३४६० रुपये

सांगली :  येथील बाजार समितीत गुळाची आवक कमी अधिक होऊ लागली आहे. मंगळवारी (ता. ३) गुळाची ४३७ क्विंटलची आवक झाली. त्यास प्रतिक्विंटल ३२०० ते ३७००; तर सरासरी ३४६० रुपये असा दर मिळाला, अशी माहिती बाजार समितीच्या सूत्रांनी दिली.

बाजार आवारात सोयाबीनची १६५ क्विंटलची आवक झाली. त्यास प्रतिक्विंटल ३७१० ते ४०००; तर सरासरी ३८५५ असा दर होता. मटकीची ६१ क्विंटलची आवक झाली. त्यास प्रतिक्विंटल ५००० ते ७०००, तर सरासरी ६००० रुपये असा दर मिळाला. गव्हाची ११ क्विंटल आवक झाली होती.

गव्हास प्रतिक्विंटल २६०० ते ३१०० रुपये; तर सरासरी २८५० रुपये असा दर होता. वाटाण्याची ९६ क्विंटलची आवक झाली होती. त्यास प्रतिक्विंटल ७००० ते ८००० रुपये, तर सरासरी ७५०० रुपये असा दर मिळाला. तांदळाची २७५ क्विंटल आवक झाली. त्यास प्रतिक्विंटल २२०० ते ६०००, तर सरासरी ४१०० रुपये असा दर होता.

शिवाजी मंडईत दोडक्याची ७० बॉक्सची आवक झाली. त्यास प्रति दहा किलोस १५० ते २०० रुपये असा दर मिळाला. हिरव्या मिरचीची ३०० पोत्यांची आवक, तर दर १५० ते २०० रुपये राहिला. भेंडीची ७० बॉक्सची आवक झाली. तिला प्रतिदहा किलोस १५० ते २५० रुपये असा दर मिळाला. कारल्याची १०० ते १३० पिशव्यांची आवक झाली. त्यांना प्रतिदहा किलोस १५० ते २०० रुपये असा दर होता.

वांग्याची ७०० बॉक्सची आवक झाली असून त्यास प्रतिदहा किलोस १०० ते ३०० रुपये असा दर होता. टोमॅटोची २७० क्रेटची आवक झाली. टोमॅटोस प्रति दहा किलोस १०० ते ११० रुपये असा दर मिळाला. 

रताळ्याची ४० पोत्यांची आवक झाली. त्यास प्रतिदहा किलोस १५० ते २५० रुपये असा दर होता. ढोबळी मिरचीची १०० पिशवीची आवक झाली. तिला प्रतिदहा किलोस ३५० ते ४०० रुपये असा दर होता. मेथीची ६ हजार पेंड्यांची आवक झाली. त्यास प्रतिशेकडा ५०० ते ६०० रुपये असा दर मिळाला.

पालकाची २ हजार पेंड्यांची आवक झाली. त्यास प्रतिशेकडा ७०० ते ८०० रुपये असा दर होता. चाकवतीची ६०० पेंड्यांची आवक झाली. त्यास प्रतिशेकडा ७०० ते ८०० रुपये असा दर मिळाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com