सांगलीत गूळ ३३०० ते ४४०० रुपये प्रतिक्विंटल

सांगलीत गूळ ३३०० ते ४४०० रुपये प्रतिक्विंटल
सांगलीत गूळ ३३०० ते ४४०० रुपये प्रतिक्विंटल

सांगली : येथील कृषी उत्पन्न बाजार समितीत बुधवारी (ता. २१) गुळाची ३५३९ क्विंटल आवक झाली. त्यास प्रतिक्विंटल ३३०० ते ४४००, तर सरासरी ३८५० रुपये असा दर मिळाला, अशी माहिती बाजार समितीच्या सूत्रांनी दिली.

हळदीची २३१ क्विंटल आवक झाली. तिला प्रतिक्विंटल ६००० ते ८८५०, तर सरासरी ७१०० रुपये असा दर मिळाला. विष्णूअण्णा पाटील फळे व भाजीपाला दुय्यम बाजार आवारात कांद्याची १७४६ क्विंटल आवक झाली. त्यास प्रतिक्विंटल १००० ते २९०० रुपये असा दर मिळाला. बटाट्याची १०२३ क्विंटल आवक झाली.  त्यास प्रतिक्विंटल ८०० ते १४०० रुपये असा दर मिळाला. मोसंबीची ३००० डझनाची आवक झाली. तिला प्रतिदहा किलोस ३०० ते ४०० रुपये असा दर होता. आल्याची १३ क्विंटल आवक झाली होती. त्यास प्रतिक्विंटल ८००० ते १०००० रुपये दर मिळाला.

डाळिंबाची ७७६० डझनाची आवक झाली. त्यांना प्रतिदहा किलोस ३०० ते ९०० रुपये दर मिळाला. चिकूची ४८१० डझन आवक झाली. त्यांना प्रतिदहा किलोस ५० ते ४०० रुपये दर मिळाला. सीताफळाची ९२० डझनाची आवक झाली. त्यांना प्रतिडझनास ५० ते २५० रुपये असा दर मिळाला.

शिवाजी मंडईत भाजीपाल्यांची आवक घटली. मात्र दर वराधले आहेत. वांग्याची १२० ते २०० किलोची आवक झाली. त्यांना प्रतिदहा किलोस ९०० ते १००० रुपये दर मिळाला. सिमला मिरचीची ५० ते ६० पिशवीची आवक झाली. तिला प्रतिदहा किलोस २०० ते २५० रुपये असा दर मिळाला. कारल्याची २० बॅगची आवक झाली. त्यांना प्रति दहा किलोस ४०० ते ५०० रुपये असा दर होता. कोथिंबिरीची १००० पेंड्यांची आवक झाली. तिला प्रति शेकडा १००० ते १५०० रुपये दर मिळाला.

मेथीची २०० पेंड्यांची आवक झाली. तिला प्रतिशेकडा २००० ते २५०० रुपये दर मिळाला. भेंडीची ३० बॉक्सची आवक झाली. त्यास प्रति दहाकिलोस ५०० ते ६०० रुपये दर मिळाला. दोडक्याची ३० बॉक्सची आवक झाली. त्याला प्रति दहा किलोस ४०० ते ५०० रुपये असा दर मिळाला. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com