Agriculture news in marathi jaggry rate down due to slows down demand from Gujarat | Agrowon

गुजरातमधून मागणी मंदावल्याने गूळ दरांत पडझड

टीम अॅग्रोवन
शनिवार, 30 नोव्हेंबर 2019

अगोदर हंगाम उशिरा सुरू झाला. त्यात दर घसरणीने दणका देण्यास सुरुवात केली. आता गूळ तयार करावा की नको, याचा विचार करावा लागत आहे. 
- शिवाजी पाटील, गूळ उत्पादक 

यंदाचा हंगाम गूळ उत्पादकांबरोबर व्यापाऱ्यांचीही परीक्षा पाहणारा ठरला आहे. अपेक्षित मागणी नसणे, गुळाच्या दर्जाची अडचण आदी कारणांमुळे आम्हाला जादा प्रमाणात गूळ खरेदी करणे अशक्‍य बनत आहे. उत्पादकांना दर मिळायलाच पाहिजे. पण, सध्याची परिस्थिती प्रतिकूल आहे. कारखाने सुरू झाल्यानंतर नक्कीच दर वाढतील असे वाटते. 
- निमेश वेद, गूळ व्यापारी, कोल्हापूर.

कोल्हापूर : गेल्या वर्षीच्या तुलनेत यंदा गुजरातला गुळाची मागणी मंदावली आहे. याचा परिणाम गूळ उद्योगावर होत आहे. महापुरामुळे उसाचे नुकसान झाल्याने गुळाचा दर्जाही बिघडत आहे. परिणामी, गुळाच्या दरात गेल्या आठवड्यात क्विंटलला तब्बल ५०० रुपयांची घसरण झाली. गेल्या हंगामाच्या तुलनेत येथील बाजार समितीत तब्बल दीड लाख गूळ रव्यांची आवक घटली आहे. महापूर व अतिवृष्टीमुळे यंदा उसाचे मोठे नुकसान झाले. त्यामुळे यंदा गुळाचे उत्पादन कमी होऊन दर वाढतील, ही अपेक्षा फोल ठरली आहे.

यंदा गेल्या वर्षीच्या तुलनेत फक्त पंचवीस टक्के गुऱ्हाळे सुरू झाली आहेत. परंतु, ऊस खराब असल्याने त्यातून अपेक्षित उत्पादन मिळत नसल्याने उत्पादक हैराण आहेत. गेल्या पंधरा दिवसांपासून पाऊस पूर्णपणे थांबल्याने गुऱ्हाळघरांना गती येताना दिसते. पण, खराब ऊस असल्याने दर्जा राखताना कसरती होत आहेत. दर्जावरही परिणाम होत आहे. 

गुजरातच्या बाजारात कोल्हापूरच्या गुळाला खास मागणी आहे. पण, यंदा ऊस उत्पादन कमी असल्याने तेथील व्यापाऱ्यांनी सांगलीसह कर्नाटकातूनही गुळाची मागणी नोंदविली. कोल्हापूरपेक्षा या बाजारपेठांत हमाली कमी असल्याने गूळ वाहतूक स्वस्त आहे. व्यापाऱ्यांनी या भागातून गूळ खरेदीला प्राधान्य दिले. याचा परिणाम ही जिल्ह्यातील गुळावर झाला असल्याचे व्यापारी सूत्रांनी सांगितले. यंदा दररोज १५ हजार गूळ रव्यांची आवक दररोज होत आहे. याच कालावधीत गेल्या वर्षी २५ ते ३० हजार गूळ रव्यापर्यंत आवक होत होती. 

येथील व्यापारीही गूळ शीतगृहासाठी पाठविण्यासाठी फारसे इच्छुक नसल्याची स्थिती आहे. यामुळे जादा गूळ खरेदी करून ठेवायचा कोठे, हा प्रश्‍न आहे. पंधरवड्यापूर्वी गुळाचा दर क्विंटलला ३८०० ते ४५०० रुपये होता. या सप्ताहात तो सरासरी ५०० रुपयांनी घसरून ३३०० ते ४१०० रुपयांवर आला. 

कारखाने सुरू झाल्यावर दरवाढीची शक्‍यता

गुळाला दर नसल्याने शेतकरी गुळाऐवजी कारखान्याला ऊस पाठविण्याची शक्‍यता आहे. असे झाले आणि बाजार समितीत गुळाची अगदीच चणचण भासू लागली, तर मात्र गुळाचे दर पुन्हा वाढतील, असा अंदाज आहे. पण सध्या तरी गूळ उत्पादकांना तोटाच सहन करावा लागत आहे. 


इतर अॅग्रोमनी
खाद्यतेल आयात शुल्क कमी कराः ग्राहक...नवी दिल्ली: देशांतर्गत वाढलेले खाद्यतेलाचे...
खाद्यतेल बाजारात सटोडियांकडून खोड्याचा...पुणे : खाद्यतेलासह तेलबिया वायदे बाजारात सध्या...
नव्या बेदाण्यास १७५ रुपये दर तासगाव, जि. सांगली ः तासगाव कृषी उत्पन्न बाजार...
कापड गिरण्या बाजारातून कापूस खरेदीस...मुंबई ः साउथ इंडियन मिल्स असोसिएशनने केंद्रीय...
देशात साखर उत्पादनात २६ टक्के घटनवी दिल्ली ः देशात १५ जानेवारीपर्यंत ४४० साखर...
साखर दराची दुहेरी पद्धत ठरवाकोल्हापूर : साखर उद्योगाला बळकटी आणण्यासाठी...
जालन्यात रेशीम कोषाला मिळाला ५०० रुपये...जालना : येथील बाजार समितीच्या आवारात रेशीम कोष...
तादंळाच्या आफ्रिकेतील बाजारपेठेवर चीनचा...नवी दिल्ली : तांदळाची आयात करणारा देशच आता...
खान्देशची केळी निर्यातीत आघाडीकेळीने जगात जळगावला मोठी ओळख दिली आहे. ही ओळख...
कोल्हापुरात गुळाच्या आवकेत तीस टक्क्‍...कोल्हापूर: येथील बाजार समितीत गेल्या हंगामाच्या...
हळद, कापसाच्या फ्युचर्स किमतीत वाढया सप्ताहात बहुतेक सर्वच पिकांच्या मागणीत वाढ...
खाद्यतेल आयात शुल्कात कपात करू नयेः एसईएनवी दिल्ली: आग्नेय आशियातील देशांबरोबर...
देशात आगाप रब्बी कांदा लागणीत १७...पुणे : डिसेंबरच्या पहिल्या आठवड्याअखेर प्रमुख...
उत्तम शेतीसोबत पूरक उद्योगातून वाढवले...लातूर जिल्ह्यातील भोईसमुद्रगा गावातील रावसाहेब...
अन्न सुरक्षेत कृषी अर्थशास्त्रज्ञांची...परभणी : शेतकऱ्यांचे उत्पन्न दुप्पट...
केंद्र सरकार कडधान्याचा पुरवठा करणार;...नवी दिल्ली: खरिप हंगामात कडधान्याचे उत्पादन...
कापूस, मक्याला वाढती मागणी या सप्ताहात सर्वच पिकांच्या मागणीत वाढ झाली,...
परभणी कृषी विद्यापीठात शनिवारपासून...परभणी : वसंतराव नाईक मराठवाडा कृषी विद्यापीठातील...
साखर निर्यात अनुदान सहा महिन्यांपासून...कोल्हापूर : साखर निर्यातीला प्रोत्साहन देण्यासाठी...
साखर उत्पादनात उत्तरप्रदेशच राहणार...कोल्हापूर : यंदाच्या गाळप हंगामात साखर उत्पादनात...