जळगावात वांगी १५०० ते २८०० रुपये प्रतिक्विंटल

जळगाव : कृषी उत्पन्न बाजार समितीत बुधवारी (ता.१८) वांग्यांची ११ क्विंटल आवक झाली. त्यांना प्रतिक्विंटल १५०० ते २८०० रुपये दर मिळाला. दर्जेदार हिरव्या, लहान काटोरी वांग्यांना अधिकचे दर मिळाले. आवक जामनेर, पाचोरा, औरंगाबादमधील सिल्लोड, सोयगाव, जालना भागांतून होत आहे. वांग्यांचे दर टिकून असल्याचे समितीतील सूत्रांनी सांगितले. 

बाजारात गवारीची अडीच क्विंटल आवक झाली. कूस असलेल्या गवारीला चांगला उठाव होता. गवारीला प्रतिक्विंटल ४२०० रुपये दर मिळाला. संकरित प्रकारच्या गवारीला २५०० ते ३९०० रुपये प्रतिक्विंटलचा दर राहिला. बिटाची पाच क्विंटल आवक झाली. त्याला प्रतिक्विंटल १४०० ते २२०० रुपयांचा दर मिळाला. लिंबांची आठ क्विंटल आवक झाली. त्यांना प्रतिक्विंटल १८५० ते २४०० रुपये दर राहिला. 

कोथिंबिरीची १३ क्विंटल आवक झाली. तिला १००० ते १५०० रुपये प्रतिक्विंटलचा दर मिळाला. शेवग्याची दोन क्विंटल आवक झाली. त्याच्या शेंगांना प्रतिक्विंटल १८०० ते २४०० रुपये दर मिळाला. आल्याची २३ क्विंटल आवक झाली. त्याला प्रतिक्विंटल २००० ते ५१०० रुपये दर मिळाला. हिरव्या मिरचीची ३५ क्विंटल आवक झाली. त्यांना प्रतिक्विंटल ११०० ते १८०० रुपये दर मिळाला.

डाळिंबाची ३० क्विंटल आवक झाली. त्यास प्रतिक्विंटल २२०० ते ४८०० रुपये दर मिळाला. बटाट्याची ३०० क्विंटल आवक झाली. त्यास प्रतिक्विंटल ६५० ते ११०० रुपयांचा दर राहिला. भेंडीची १३ क्विंटल आवक झाली. तिला प्रतिक्विंटल १४०० ते २००० रुपये दर मिळाला. गंगाफळाची ३५ क्विंटल आवक झाली, तर दर प्रतिक्विंटल ७०० ते ९०० रुपये मिळाला. 

टोमॅटोची १५ क्विंटल आवक झाली. त्यांना प्रतिक्विंटल ७५० ते १२०० रुपये दर होता. कोबीची १७ क्विंटल आवक झाली, दर प्रतिक्विंटल १७५० ते २८०० रुपये मिळाला. गाजराची १२ क्विंटल आवक झाली. त्यास प्रतिक्विंटल ८०० ते १२०० रुपये दर मिळाला. कारल्याची दोन क्विंटल आवक झाली. त्यास कमाल दर प्रतिक्विंटल २५०० रुपयांचा मिळाला. मेथीची पाच क्विंटल आवक झाली. तिला प्रतिक्विंटल २४०० ते ४००० रुपये दर होता. पालकाची दोन क्विंटल आवक झाली. त्याला प्रतिक्विंटल १२०० रुपयांचा दर मिळाला.