जळगावात डाळिंब प्रतिक्विंटल २००० ते ५५०० रुपये

जळगाव ः येथील कृषी उत्पन्न बाजार समितीमध्ये शनिवारी (ता. १३)  डाळिंबाची २२ क्विंटल आवक झाली. डाळिंबास प्रतिक्विंटल २००० ते ५५०० व सरासरी ३२०० रुपये दर मिळाला. डाळिंबाची आवक औरंगाबादसह जिल्ह्यातील जामनेर, एरंडोल, यावल, पाचोरा भागातून झाली. दर शनिवारी डाळिंबाची आवक व लिलाव होतात. आवक स्थिर असल्याची माहिती मिळाली.

बाजारात शनिवारी मुळ्याची नऊ क्विंटल आवक झाली. मुळ्यास प्रतिक्विंटल ६०० ते १२०० व सरासरी ८०० रुपये दर मिळाला. बीटची सात क्विंटल आवक झाली. बीटला प्रतिक्विंटल १००० ते २००० व सरासरी १५०० रुपये दर मिळाला. भोपळ्याची १० क्विंटल आवक झाली. त्यास प्रतिक्विंटल ५०० ते ११०० व सरासरी ८०० रुपये दर मिळाला. लिंबूची ११ क्विंटल आवक झाली.

लिंबूला प्रतिक्विंटल २००० ते ४००० व सरासरी ३००० रुपये दर होता. मोसंबीची ४० क्विंटल आवक झाली. मोसंबीला प्रतिक्विंटल १५०० ते ३००० व सरासरी २००० रुपये दर मिळाला. सफरचंदाची ६५ क्विंटल आवक झाली. सफरचंदास प्रतिक्विंटल ३००० ते ७५०० व सरासरी ५००० रुपये दर मिळाला. संत्र्याची २५ क्विंटल आवक झाली. संत्र्याला प्रतिक्विंटल ७०० ते १८०० व सरासरी १२०० रुपये दर मिळाला. सीताफळाची आठ क्विंटल आवक झाली. त्यास प्रतिक्विंटल ३१०० ते ४२०० व सरासरी ३६०० रुपये दर होता.

टरबूजाची ११ क्विंटल आवक झाली. टरबूजला प्रतिक्विंटल ६०० ते १००० व सरासरी ८०० रुपये दर होता. अद्रकची ४० क्विंटल आवक झाली. अद्रकला २५०० ते ६००० व सरासरी ४००० रुपये प्रतिक्विंटलचा दर मिळाला. आवळ्याची दोन क्विंटल आवक झाली. त्यास प्रतिक्विंटल २००० रुपये दर होता. बटाट्याची ३०० क्विंटल आवक झाली. बटाट्याला प्रतिक्विंटल १००० ते १६०० व सरासरी १२०० रुपये दर मिळाला.

भेंडीची १८ क्विंटल आवक झाली. भेंडीला प्रतिक्विंटल ९०० ते १८०० व सरासरी १३०० रुपये दर मिळाला. गंगाफळाची ३५ क्विंटल आवक झाली. त्यास प्रतिक्विंटल ५०० ते १००० व सरासरी ६०० रुपये दर मिळाला. कोबीची ३२ क्विंटल आवक झाली. कोबीला प्रतिक्विंटल ८०० ते २००० व सरासरी १५०० रुपये दर होता. गवारची चार क्विंटल आवक झाली. गवारला प्रतिक्विंटल २००० ते ४००० व सरासरी ३२०० रुपये दर मिळाला. काकडीची २२ क्विंटल आवक झाली. काकडीला प्रतिक्विंटल ७०० ते १२०० व सरासरी १००० रुपये दर होता.