agriculture news in marathi In Jalgaon, a quintal of cutting weighs 4 kg | Agrowon

जळगावात एक क्विंटल कापसामागे चार किलोची कटती : शेतकऱ्याची तक्रार

टीम अॅग्रोवन
रविवार, 24 मे 2020

जळगाव : एक क्विंटल कापसामागे चार किलो कापसाची कटती (घट) लावण्याचा प्रकार जळगावसाठी नियुक्त केलेल्या कापूस महामंडळाच्या (सीसीआय) कापूस खरेदी केंद्रात झाला आहे. यासंदर्भात शेतकरी नितीन पाटील (भादली खुर्द, ता.जळगाव) यांनी संबंधित केंद्रातील कारभाराबाबत तक्रार केली आहे. 

जळगाव : एक क्विंटल कापसामागे चार किलो कापसाची कटती (घट) लावण्याचा प्रकार जळगावसाठी नियुक्त केलेल्या कापूस महामंडळाच्या (सीसीआय) कापूस खरेदी केंद्रात झाला आहे. यासंदर्भात शेतकरी नितीन पाटील (भादली खुर्द, ता.जळगाव) यांनी संबंधित केंद्रातील कारभाराबाबत तक्रार केली आहे. 

पाटील यांनी दोन दिवसांपूर्वी ‘सीसीआय’च्या केंद्रात दर्जेदार कापसाची विक्री केली. त्यांनी ४१ क्विंटल ७८ किलो कापूस ट्रॅक्‍टरमध्ये विक्रीसाठी आणला होता. त्याची तोलाई झाल्यानंतर ट्रॅक्‍टर रिकामे करण्यात आले. तोलाईसाठी सुमारे २२० रुपये आकारले. ट्रॅक्‍टर रिकामे करण्याच्या भागात हमाल किंवा मजूर खुशाली (चहापाणीसाठी पैसे) अडून बसले. पैसे दिले तरच ट्रॅक्‍टर रिकामे करू, अशी अडवणूक तेथे झाली. तेथे २०० रुपये द्यावे लागले. 

कारखाना चालकाकडून स्वतः कटती 

रिकामे ट्रॅक्‍टर पुन्हा तोलकाट्यावर तोलाईसाठी आले. तोलकाट्यावर कटती लावण्यासाठी तोलकाट्यावर स्वतः जिनींग प्रेसिंग कारखान्याचे मालक उभे राहिले. संबंधित मालक राजकीय व्यक्ती असल्याने व कापूस विक्रीसंबंधी शेतकऱ्यासमोर दुसरे पर्याय नसल्याने हा प्रकार बिनबोभाट सुरू राहिला. कापूस ४१ क्विंटल ७८ किलो होता. परंतु, तो फक्त ४० क्विंटल आठ किलो एवढाच असल्याचे तोलकाट्याच्या पावतीवर नमूद करण्यात आले. अर्थातच एक क्विंटल ६० किलो कापसावर संबंधित कारखानाचालकाने डल्ला मारला, असे शेतकरी नितीन म्हणाले. 

हमालीपोटी २० रुपये प्रतिक्विंटल प्रमाणे आकारणी 

रिकाम्या ट्रॅक्‍टरची तोलाई झाल्यानंतर हे ट्रॅक्‍टर थांबवून ठेवण्यात आले. मग २० रुपये प्रतिक्विंटलप्रमाणे हमालीचे पैसे द्यावे लागले. खुशाली, तोलकाट्यावरील तोलाई व नंतर हमाली यासंबंधी जे पैसे दिले, त्यापोटी कुठलीही पावती मिळाली नाही. हा लुटीचा प्रकार असल्याचे शेतकरी नितीन म्हणाले. 

१० हजार रुपयांची लूट, सर्वांची मिलिभगत 

शेतकरी नितीन यांची एक क्विंटल ६० किलो कापसाची कटती (घट) लावून लूट केली. यापोटी ५३३५ रुपये प्रतिक्विंटल या दरानुसार आठ हजार ५३६ रुपयांची लूट झाली. तर, हमाली, तोलाई, खुशालीपोटी सुमारे ९०० रुपयांची लूट झाली. अर्थातच किमान १० हजार रुपयांची लूट झाली, असा दावा शेतकरी नितीन यांनी केला. हा प्रकार ‘सीसीआय’चे अधिकारी व केंद्रचालक यांची मिलिभगत असल्याशिवाय होवू शकत नाही. पालकमंत्री गुलाबराव पाटील, मुख्यमंत्री उद्धव ठाकरे यांनी यासंदर्भात दखल घ्यावी, अशी मागणी त्यांनी केली. 

लूट बेकायदेशीरच 

कटती, हमाली, तोलाई, खुशालीसंबंधी ‘सीसीआय’च्या निर्देशित केंद्रात कुठलेही लेखी आदेश शासन, वस्त्रोद्योग विभागाने दिलेले नसल्याचे ‘ॲग्रोवन’ने केलेल्या संशोधनानंतर समोर आले आहे. ‘सीसीआय’कडे स्वतःच्या मालकीचे जिनींग प्रेसिंग कारखाने नाहीत. कापूस खरेदी केंद्र सीसीआय खासगी कारखान्यात सुरू करते. या कारखान्यात खरेदी केलेल्या कापसावर प्रक्रिया केली जाते. रुई व सरकी वेगळी केली जाते. या सर्व प्रक्रियेसंबंधी लागणाऱ्या खर्चापोटी प्रतिगाठ (एक गाठ १७० किलो) ९०० रुपये कारखाना मालकास दिले जातात. या मोबदल्यामध्ये कापसाची हाताळणी, तोलाई, हमाली आदी सर्व खर्च समाविष्ट असतो. कटती लावणे तर बेकायदेशीर आहे. अर्थातच, ‘सीसीआय’चे केंद्र असलेल्या कारखान्यात हमाली, तोलाई, खुशाली, कटतीपोटी जो प्रकार सुरू आहे, तो बेकायदेशीर असल्याची माहिती सूत्रांनी दिली. 
 


इतर ताज्या घडामोडी
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
दोन वाहनांतील कापूस घेण्याचे आदेश द्या...परभणी : भारतीय कापूस महामंडळाच्या (सीसीआय) मानवत...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...
पंतप्रधान मोदी यांच्याकडून संशोधक...नाशिक : जिल्ह्यातील वऱ्हाणे (ता.बागलाण) येथील...
ग्रामविकास विभागामार्फत मोफत आर्सेनिक...कोल्हापूर  : नागरिकांची रोगप्रतिकारक शक्ती...
कापसाच्या वाती करून शासनाची आरती...अमरावती  ः पूर्व विदर्भातील पांढऱ्या...
एचटीबीटीबाबत केंद्र सरकारकडे पाठपुरावा...नागपूर  ः एचटीबीटीचा विषय केंद्र सरकारच्या...