Agriculture news in Marathi, In Jalgaon, rates of guar, BlackeyeBean and fenugreek survive | Agrowon

जळगावात गवार, चवळी, मेथीचे दर टिकून

टीम अॅग्रोवन
मंगळवार, 27 ऑगस्ट 2019

जळगाव ः कृषी उत्पन्न बाजार समितीमध्ये गेल्या आठवड्यात गवार, चवळी व मेथीचे दर टिकून राहिले. मेथीला कमाल साडेतीन हजार रुपये प्रतिक्विंटलचा दर मिळाला. तर गवारीला कमाल ४५०० आणि चवळीला २८०० रुपये प्रतिक्विंटलचा कमाल दर राहिला.

जळगाव ः कृषी उत्पन्न बाजार समितीमध्ये गेल्या आठवड्यात गवार, चवळी व मेथीचे दर टिकून राहिले. मेथीला कमाल साडेतीन हजार रुपये प्रतिक्विंटलचा दर मिळाला. तर गवारीला कमाल ४५०० आणि चवळीला २८०० रुपये प्रतिक्विंटलचा कमाल दर राहिला.

टोमॅटो, भेंडीच्या दरात गेल्या आठवड्यात काहीशी घसरण झाली. भेंडीची आवक धरणगाव, एरंडोल, जामनेर भागांतून होत आहे. दर प्रतिक्विंटल १४०० ते २२०० रुपयांपर्यंत मिळाला. आवक प्रतिदिन १६ क्विंटल झाली. टोमॅटोची स्थानिक भागातील आवक सुरू झाली आहे. धुळ्यासह नाशिकमधील सटाणा, मालेगाव, जळगाव जिल्ह्यातील जामनेर, एरंडोल, औरंगाबादमधील सिल्लोड, सोयगाव येथून टोमॅटोची आवक होत आहे. दरात क्विंटलमागे सुमारे २०० ते २५० रुपयांची घसरण झाली.  टोमॅटोला प्रतिक्विंटल १००० ते १६५० रुपये प्रतिक्विंटलचे दर मिळाले. आवक प्रतिदिन १७ क्विंटलपर्यंत झाली. चवळीची प्रतिदिन साडेतीन क्विंटल आवक झाली. आवक पाचोरा, जामनेर, भुसावळ, यावल, चोपडा भागांतून होत आहे. दर किमान १८०० व कमाल २८०० रुपये प्रतिक्विंटलचा मिळाला. 

गवारीची प्रतिदिन अडीच क्विंटल आवक झाली. कूस असलेल्या गवारीची अधिकची आवक राहिली. गवारीला प्रतिक्विंटल किमान २६०० व कमाल ४५०० रुपये प्रतिक्विंटलचा दर मिळाला. गवारीची आवक जामनेर, पाचोरा, एरंडोल या भागांतून होत आहे. मेथीची स्थानिक भागातील आवक दोन ते अडीच महिन्यांपासून रखडत सुरू आहे. मेथीचे दर टिकून असून, प्रतिक्विंटल कमाल साडेतीन हजार रुपयांचा दर मिळाला. आवक जामनेर, पाचोरा, एरंडोल, धरणगाव भागांतून होत आहे. कारल्यांच्या दरांवरही दबाव दिसून आला. गेल्या आठवड्यात कारल्यांची प्रतिदिन नऊ क्विंटल आवक झाली. कारल्यांना प्रतिक्विंटल १५०० ते २४०० रुपयांचा दर मिळाला. आवक पाचोरा, यावल, चोपडा, भुसावळ, जळगाव आदी भागांतून होत आहे. पालक, पोकळ्याचे दर स्थिर राहिले. पोकळ्याची प्रतिदिन दोन क्विंटल आवक झाली. दर प्रतिक्विंटल १४०० रुपयांपर्यंत मिळाले. पालकची प्रतिदिन दोन क्विंटल आवक झाली. दर प्रतिक्विंटल १३०० रुपयांपर्यंत राहिले.
 
केळीचे दरही स्थिर
उत्तरेकडे श्रावणी सोमवार आटोपले असले तरी उत्तरेकडील दिल्ली, पंजाब, उत्तर प्रदेशातून केळीची मागणी कायम आहे. रावेरात नवती केळीला प्रतिक्विंटल १४०० तर जळगाव भागात प्रतिक्विंटल १३३० रुपये दर मिळाले. दर मागील आठ-नऊ दिवसांपासून स्थिर आहेत. रावेरात पिलबाग केळीची काढणी सुरू असून, पिलबाग केळीला प्रतिक्विंटल १२८० रुपये प्रतिक्विंटलचे दर मिळाले. रावेर, यावल, मुक्ताईनगर, जळगाव भागात मिळून केळीची प्रतिदिन ३२५ ट्रक (एक ट्रक १५ मेट्रिक टन क्षमता) आवक झाली. आवकही फारशी वाढली नसल्याची माहिती सूत्रांनी दिली.


इतर बाजारभाव बातम्या
नाशिकमध्ये ढोबळी मिरची १८७५ ते २८१०...नाशिक : येथील कृषी उत्पन्न बाजार समितीमध्ये...
जळगावात गवार १८०० ते ४२०० रुपये...जळगाव : कृषी उत्पन्न बाजार समितीत मंगळवारी (ता.२५...
नाशिकमध्ये आल्याच्या आवकेत वाढ, दरात घट नाशिक : नाशिक कृषी उत्पन्न बाजार समितीमध्ये चालू...
नगरला गवार, शेवग्याच्या दरात तेजी कायम नगर ः नगर कृषी उत्पन्न बाजार समितीत भाजीपाल्याची...
जालन्यात कांदा २२०० ते २५०० रुपये...जालना : येथील कृषी उत्पन्न बाजार समितीमध्ये...
राज्यात कांदा २०० ते २५०० रुपये क्विंटललासलगावात १००० ते २२११ रुपये दर नाशिक :...
वाईत हळदीला दहा हजारांवर दर वाई, जि. सातारा : वाई शेती उत्पन्न बाजार...
नाशिकमध्ये गवार ३००० ते ५५००...नाशिक : येथील कृषी उत्पन्न बाजार समितीमध्ये...
जळगावात आले २२०० ते ४८०० रुपये...जळगाव  : कृषी उत्पन्न बाजार समितीत मंगळवारी...
पपई १४.५५ रुपये प्रतिकिलो शहादा, जि. नंदुरबार  : पपई उत्पादक शेतकरी व...
कोल्हापुरात गवार, घेवड्याच्या दरात...कोल्हापूर : येथील कृषी उत्पन्न बाजार समितीत या...
सोलापुरात द्राक्ष, डाळिंबाला उठाव, दर...सोलापूर : सोलापूर कृषी उत्पन्न बाजार समितीच्या...
नगर जिल्ह्यात ज्वारीची आवक वाढली, दरात...नगर : नगर कृषी उत्पन्न बाजार समितीत गेल्या...
महाशिवरात्रीनिमित्त पुण्यात रताळी,...पुणे  ः गुलटेकडी येथील पुणे कृषी उत्पन्न...
औरंगाबादेत बटाटे ८०० ते १६०० रुपये...औरंगाबाद : येथील कृषी उत्पन्न बाजार समितीमध्ये...
हिरव्या मिरचीला प्रतिक्विंटलला १५०० ते...परभणी ः  येथील पाथरी रस्त्यावरील फळे...
राज्यात वांगी प्रतिक्विंटल ३०० ते ३५००...पुणे  ः गुलटेकडी येथील पुणे कृषी उत्पन्न...
जळगावात गवार १८०० ते ३८०० रुपये...जळगाव : कृषी उत्पन्न बाजार समितीत मंगळवारी (ता....
कोल्हापुरात गवार दहा किलोस २०० ते ५००...कोल्हापूर : येथील कृषी उत्पन्न बाजार समितीत या...
नगरला ज्वारीच्या आवकेत वाढनगर ः नगर कृषी उत्पन्न बाजार समितीत गेल्या...