agriculture news in marathi, jalyukt shivar scheme status, pune, maharashtra | Agrowon

पुणे विभागात ‘जलयुक्त’ची आठ हजारांवर कामे पूर्ण 
टीम अॅग्रोवन
बुधवार, 22 मे 2019

जलयुक्त शिवार अभियानासाठी पुणे विभागात निवडलेल्या गावांमध्ये मोठ्या प्रमाणात कामे पूर्ण झाली आहेत. प्रगतिपथावरील कामांनाही निधी उपलब्ध करून दिला आहे. त्यामुळे लवकरच ही कामे पूर्ण होतील. विभागातील एकूण प्रस्तावित कामांपैकी ७६.३० टक्के कामे पूर्ण झाली आहेत. पूर्ण झालेल्या कामांमुळे २६,८१४ टीसीएम पाणीसाठा क्षमता निर्माण झाली आहे. 
- विनयकुमार आवटे, अधीक्षक कृषी अधिकारी, विभागीय आयुक्तालय, पुणे.
 

पुणे : भूजल पातळी वाढविण्याच्या उद्देशाने राज्य शासनामार्फत जलयुक्त शिवार अभियान राबविण्यात येत आहे. या अभियानाअंतर्गत पुणे विभागात १० मेअखेरपर्यंत निवडलेल्या ६०२ गावांमध्ये आठ हजार ४४६ कामे पूर्ण झाली. या गावात प्रकल्प आराखड्यानुसार ७६.३० टक्के कामे पूर्ण झाली आहेत. अजूनही ‘जलयुक्त’ची कामे सुरू असून झालेल्या कामांमुळे पावसाळ्यात सुमारे २६ हजार ८१४ टीसीएम पाणीसाठा निर्माण होईल, असा अंदाज पुणे विभागीय कार्यालयाच्या सूत्रांनी व्यक्त केला आहे. 

पुणे विभागास २०१८-१९ मध्ये जलयुक्त शिवार अभियानातंर्गत कामांसाठी शासनाकडून १० मे २०१९ च्या शासन निर्णयान्वये ३३.७१ कोटी रुपये वितरित झाले आहेत. जलयुक्त शिवार अभियानाअंतर्गत २०१८-१९ या आर्थिक वर्षासाठी विभागातील ६०२ गावांची निवड करण्यात आली होती. निवड केलेल्या गावांचा गाव आराखडा तयार करून त्याला जिल्हाधिकारी, विभागीय आयुक्तांनी मान्यता दिल्यानंतर प्रत्यक्षात कामास सुरवात झाली होती. निवडलेल्या गावातील प्रस्तावित ११,०६९ कामांपैकी सध्या आठ हजार ४४६ कामे पूर्ण झाली आहेत. एक हजार ८२५ कामे प्रगतिपथावर आहेत. त्यासाठी विभागीय आयुक्त आणि जिल्हाधिकाऱ्यांकडून निधी वितरित करण्यात आला आहे. त्यामुळे कामे जलदगतीने पूर्ण होण्यास मदत होईल.

दरवर्षी या योजनेतून सिमेंट साखळी नाला बांध बांधणे, जुने अस्तित्वातील सिंमेट नालाबांध, कोल्हापूरपद्धतीच्या बंधाऱ्यांची दुरुस्ती व नूतनीकरण करणे, जलस्रोतांमधील गाळ काढणे, जलस्रोतांचे बळकटीकरण करणे, विहीर पुर्नभरण, ओढे, नाल्याचे खोलीकरण व रूंदीकरण करणे आदी हाती घेण्यात आली आहेत. प्रकल्प आराखड्यानुसार ५० टक्क्यांपेक्षा जास्त कामे पूर्ण झालेल्या गावांची संख्या अधिक आहे. 
 

जलयुक्त शिवार अभियानाअंतर्गत पुणे विभागातील कामांची स्थिती ः
जिल्हा  गावांची संख्या  पूर्ण झालेली कामे  होणारा पाणीसाठा (टीसीएममध्ये) 
पुणे २१३ २७६५  ८२८८
सातारा  ९१ ६८५  २१२६ 
सांगली १०३ २५६३  ६७८३
सोलापूर   १२३ २०२५ ८१४१ 
कोल्हापूर ७२ ४०८   १४७७

 

इतर ताज्या घडामोडी
मराठवाड्यातील ११ मंडळांत जोरदार पाऊसऔरंगाबाद : मराठवाड्यातील ४२१ मंडळांपैकी ३८४...
`प्रक्रिया उत्पादनांवरील १२ टक्के...रत्नागिरी : कोकणातील फळ उद्योगांसाठी...
सांगली जिल्हा बॅंकेच्या ऑनलाइन परिक्षा...सांगली : जिल्हा बॅंकेतील कनिष्ठ लिपिक पदाच्या...
कापूस उत्पादकांचा दसऱ्याचा मुहूर्त...अकोला  ः ऑगस्टच्या शेवटच्या आठवड्यापासून...
पहुर्जीरा गावात पाण्यात बैलगाडी उलटलीबुलडाणा  : जिल्ह्यातील खामगाव तालुक्यात...
चांदा ते बांदा योजनेअंतर्गत विविध करारः...मुंबई: राज्यात चांदा ते बांदा योजनेअंतर्गत...
पुणे जिल्ह्यात हलक्या ते मध्यम...पुणे ः गेल्या चार ते पाच दिवसांपासून पुणे...
मालेगाव तालुक्यात पावसामुळे पिके भुईसपाटनाशिक : मालेगाव तालुक्यातील सौंदणे गावाच्या...
पुणे जिल्ह्यात दोन हजार ३५४ पीककापणी...पुणे ः पिकांची उत्पादकता आणि पीकविमा नुकसानभरपाई...
छावण्या सुरू ठेवण्यासाठी शेवगावात आंदोलननगर ः शेगाव तालुक्यातील बहुतांश गावांमध्ये अजूनही...
आघाडीचे सरकार आल्यास सरसकट कर्जमाफी ः...जालना : केंद्र आणि राज्य सरकारच्या चुकीच्या...
नगरमध्ये कांदा प्रतिक्विंटल कमाल पाच...नगर : नगर तालुका कृषी उत्पन्न बाजार समितीच्या...
नाशिकच्या सभेत पंतप्रधानांकडून ज्वलंत...नाशिक : मुख्यमंत्री देवेंद्र फडणवीस यांच्या...
साताऱ्याच्या दुष्काळी भागात दुसऱ्या...सातारा : जिल्ह्यातील दुष्काळी माण, खटाव तालुक्‍...
विधानसभा निवडणुकीसाठी मनसे १०० जागा...मुंबई : आगामी विधानसभा निवडणुकीत महाराष्ट्र...
विधानसभा निवडणुकीच्या आचारसंहितेची...मुंबई ः चौदाव्या विधानसभा निवडणुकीची आचारसंहिता...
परभणीत शेवगा ३५०० ते ५००० रुपये...परभणी : येथील पाथरी रस्त्यावरील फळे भाजीपाला...
उन्हाळ कांद्याचा आलेख चढाचनाशिक : मागील दोन आठवड्यांपासून उन्हाळ कांद्याची...
औरंगाबाद, जालना जिल्ह्यांत पावसाचा कमी-...औरंगाबाद  : मराठवाड्यातील ४२१ पैकी तब्बल २७५...
कोल्हापूर, सिंधुदुर्गात पावसाची रिपरिपकोल्हापूर, सिंधुदुर्ग : सप्टेंबरच्या पहिल्या...