जत तालुक्यात द्राक्ष, डाळिंब बागा गेल्या वाळून

जत तालुक्यात द्राक्ष, डाळिंब बागा गेल्या वाळून
जत तालुक्यात द्राक्ष, डाळिंब बागा गेल्या वाळून

सांगली : जत तालुक्यात पश्‍चिम भाग वगळता दुष्काळाची दाहकता वाढू लागली आहे. यावर्षी अतिशय कमी पर्जन्यमान झाल्याने रब्बी व खरीप दोन्ही हंगाम वाया गेले आहेत. पाण्याअभावी द्राक्ष आणि डाळिंब बागा वाळून गेल्या आहेत. सर्वत्र विदारक चित्र आहे. दुष्काळाचा परिणाम सर्वच घटकावर झाला आहे. पाण्यासाठी भटकंती सुरू आहे. गावेच्या गावे ओस पडली आहेत. पुढील तीन महिने कसे काढायचे, असा प्रश्न दुष्काळग्रस्तांच्या काळजाचा ठोका चुकत आहे. 

पश्‍चिम भागात कमी झळा जत तालुक्याच्या पश्चिम भागात म्हैसाळ योजनेचे पाणी दाखल झाल्याने या भागात यंदा पाणीटंचाईच्या झळा कमी बसल्या आहेत. जत उत्तर, दक्षिण व पूर्व भागात पाणीटंचाई जाणवू लागली आहे. यंदा पावसाने पाठ फिरवल्याने नोव्हेंबरपासूनच पाणीटंचाईस सुरवात झाली आहे. दिवसेंदिवस टॅंकरची मागणी वाढत चालली आहे. विशेषतः पूर्व भागात वाढती मागणी आहे. ४२ गावांचा पाणीप्रश्न बिकट बनला आहे. या ४२ गावात ना कर्नाटकातून पाणी आले ना म्हैसाळ उपसा सिंचन योजनेचे पाणी पोचले. त्यामुळे जनता पाण्यासाठी टाहो फोडताना दिसते आहे. 

कर्जाची शेतकऱ्यांना चिंता... जत तालुक्यात प्रामुख्याने द्राक्ष आणि डाळिंब पिके घेतली जातात. परंतु पावसाची अवकृपा, आणि भूगर्भातील खालावलेली पाण्याची पातळी यामुळे द्राक्ष उत्पादक शेतकरी चिंतातूर झाला आहे. द्राक्ष आणि डाळिंबाच्या हंगामापासून टॅंकरने पाणी देवून बागा जगविल्या आहेत. मात्र, आता पाणीटंचाई इतकी गडद झाली आहे, की टॅंकरने पाणी देणे मुश्कील झाले आहे. पाणी मिळत नसल्याने बागा वाळू गेल्या आहेत.

चाऱ्याचा प्रचंड तुटवडा  पिण्याच्या पाण्याबरोबर चाऱ्याचा प्रचंड तुटवडा जानवू लागला आहे. जत तालुक्यात २ लाखांहून अधिक जिनावरे आहेत. रब्बी आणि खरीप हंगाम वाया गेल्याने चारा मिळत नसल्याने पशुपालकांच्यात चिंतेचे वातावरण निर्माण झाले आहे. त्यामुळे चारा छावण्या सुरू कराव्यात, अशी मागणी सातत्याने पशुपालकांनी केली आहे. मात्र, चारा छावण्या सुरू करण्याबाबत अद्यापही जिल्हा प्रशासनाने हालचाली सुरू केलेल्या नाहीत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com