agriculture news in marathi, jayant patil comment on chandrakant patil, sangli, maharashtra | Page 2 ||| Agrowon

आमदार फोडण्याच्या नादात चंद्रकांतदादा अलमट्टीचा आढावा घ्यायला विसरले : जयंत पाटील

टीम अॅग्रोवन
शनिवार, 24 ऑगस्ट 2019

लाखोंच्या उद्ध्वस्त झालेल्या संसाराला जबाबदार कोण? रेस्क्यू ऑपरेशन मदत वेळेत पोचली का नाही? याचा सरकारने खुलासा द्यावा. भविष्यात अशी दुर्घटना घडू नये यासाठी काय उपाययोजना केल्या, हेही जाहीर करावे.
- जयंत पाटील, प्रदेशाध्यक्ष, राष्ट्रवादी.

इस्लामपूर, जि. सांगली ः राज्यातील आमदार फोडण्याच्या नादात मंत्री चंद्रकांत पाटील यांना अलमट्टी धरणाचा आढावा घ्यायला वेळच मिळाला नाही, अशी टीका राष्ट्रवादी काँग्रेसचे प्रदेशाध्यक्ष आमदार जयंत पाटील येथे केली. 

भाजपचे प्रदेशाध्यक्ष आणि मंत्री चंद्रकांत पाटील यांनी येथे कर्नाटक व महाराष्ट्र या दोन राज्यांची संयुक्त समिती नेमून अलमट्टीतून पाण्याच्या विसर्गाच्या मुद्द्यावर योग्य निर्णय घेतला जाईल, असे विधान केले होते. त्यावर प्रतिक्रिया देताना जयंत पाटील यांनी अशी समिती आधीच नेमली असल्याचे सांगून इकडे आमदार फोडण्याच्या नादात त्यांना अलमट्टीसाठी वेळच मिळाला नाही, अशी टीका केली.

श्री. पाटील म्हणाले, की अलमट्टी धरणाचा विषय जुना आहे. शासन त्याबाबत गंभीर नाही. कोयनेतून योग्य वेळी विसर्ग न केल्याने महापुराचा अनेकांना फटका बसला. अतिवृष्टीच्या पहिल्या दोन दिवसांत विसर्गाच्या सूचना दिल्या असत्या तर दुर्घटना टळली असती. ज्यांना महापुरामुळे विस्थापित व्हावे लागले, त्या सर्वांना सरकारने मदतीचा हात द्यायला हवा. खासदार शरद पवार यांच्यासोबत मुख्यमंत्र्यांशी झालेल्या बैठकीत त्यांनी दिलेली आश्वासने अद्याप पाळली नाहीत. आम्हाला राजकारण करायचे नाही, पण लोकांना होणारा त्रास, नुकसान महत्त्वाचे आहे.

तातडीने पूरग्रस्त भागातील पंचनामे करून पूरग्रस्तांना नुकसानभरपाई द्यावी. अतिवृष्टी व पुराच्या पाण्याने पडलेली घरे सरकारने बांधून द्यावीत. ज्या घरांना भेगा पडल्या आहेत, कच्च्या विटा - मातीची आहेत, त्यांनाही घरे बांधून द्यावीत. त्याचबरोबर शेतकऱ्यांना ऊस, केळी, द्राक्षे, डाळिंब या पिकांना एकरी एक लाख तर सोयाबीन, हळद, आले, भुईमुगास एकरी ४० हजार रुपयांची नुकसान भरपाई द्यावी. जनावरांसाठी ७० हजारांची भरपाई हवी. पूरपट्ट्यातील व्यापारी, दुकानदार, टपऱ्यांसह ज्यांचे नुकसान झाले आहे, त्याची मोजदाद करून त्यांना योग्य तो मोबदला मिळायला हवा. पूरग्रस्तांना होणाऱ्या मदतवाटपात कोणावरही अन्याय होऊ नये. अनेक ठिकाणच्या तक्रारी येताहेत, त्याची दखल घ्यावी, अशी मागणी श्री. पाटील यांनी केली.

बिचुद, डिग्रज भागात फिरताना तिथल्या पूरग्रस्तांच्या अडचणी ऐकून मुख्यमंत्री फडणवीस यांना संपर्क साधला असता, आपल्या सर्व मागण्या मान्य केल्या आहेत. संबंधितांना सूचनाही दिल्या आहेत, असे उत्तर त्यांनी दिले, पण प्रत्यक्षात यातले काहीच झाले नसल्याचे जयंत पाटील यांनी सांगितले. सध्या निवडणूक तोंडावर असल्याने काहीच नाही म्हणायचे नाही, असे सुरू असल्याची टीका त्यांनी केली.
 


इतर ताज्या घडामोडी
रेशीम उद्योगासाठी शेतकऱ्यांनी पुढे यावे...औसा, जि. लातूर :  ‘‘रेशीम उद्योगाकडे...
सकाळी सौम्य थंडी तर दुपारी उष्ण हवामानमहाराष्ट्रावर आठवड्याच्या सुरुवातीला १०१४...
औरंगाबाद जिल्ह्यात विजेअभावी सिंचनाची...औरंगाबाद : पंधरवडा रात्री तर पंधरवडा दिवसा...
जीआय टॅगिंगयुक्त हापूसला दीड लाखापर्यंत...रत्नागिरी : ‘‘निर्यातीत हापूसचा टक्के घसरत असून...
कावपिंप्रीत चार वर्षांनंतर बहरली पिकेकावपिंप्री, जि. जळगाव : यंदा कावपिंप्रीसह...
नीरा-देवघरच्या पाणीवाटपावरुन पिलीवमध्ये...सोलापूर : राज्य सरकारने नीरा- देवघर धरणातील...
खानदेशात कांदा दरातील चढउतारामुळे...जळगाव : खानदेशातील प्रमुख बाजार समित्यांमध्ये...
पूरक अन् प्रक्रिया उद्योगावर जर्मनीचा भरउत्तर जर्मनीतील सपाट भूप्रदेश आणि पूर्व...
जालन्यात कांदा २२०० ते २५०० रुपये...जालना : येथील कृषी उत्पन्न बाजार समितीमध्ये...
गुणकारी डाळिंबडाळिंब हे अत्यंत गुणकारी फळ असून भारतात सर्वत्र...
हुंडी चिठ्ठी, मायक्रो फायनान्स...अकोला  ः जिल्ह्यात हुंडी चिठ्ठी तसेच मायक्रो...
नाशिक येथे तीनदिवसीय पुष्पोत्सवाला...नाशिक  : प्रत्येकाच्या हक्काची तीन झाडं हवी...
न्हावी परिसरात मका पिकावर लष्करी अळीचा...न्हावी, जि. जळगाव ः न्हावीसह परिसरात मक्‍याची...
पोल्ट्री उद्योगाला हवा मदतीचा हातपुणे: बाजारभावातील नरमाईमुळे पोल्ट्री उद्योग...
हापूस निर्यातीसाठी निर्यातीसाठी पणन...रत्नागिरी ः निर्यातीत हापूसचा टक्का घसरत असून तो...
नीरा देवधर, गुंजवणीतून समन्यायी पाणीवाटपमुंबई ः नीरा देवघर व गुंजवणी धरणांचे कालवे...
तापमानवाढीचा धोका वेळीच ओळखावा लागेल:...औरंगाबाद: निसर्गाच्या दोलायमानतेत मानवी...
नगरमधील नऊ तालुक्यांत तेलबियांची पेरणीच...नगर ः तेलबियांची (गळीत धान्य) पेरणी वाढावी यासाठी...
सातारा जिल्ह्यात ५५ लाख क्विंटल...सातारा : जिल्ह्यात सध्या सुरू असलेल्या गाळपाची...
निर्यातबंदीमुळे कांदा फुगवटा;...पुणे: कांद्यावरील संपूर्ण निर्यातबंदी तातडीने...