agriculture news in marathi, Joint Secretary visits in purandar, pune, maharashtra | Page 2 ||| Agrowon

जलसंधारण कामासाठी जलशक्ती योजना : कटारिया

सकाळ वृत्तसेवा
शनिवार, 20 जुलै 2019

या परिसरामध्ये ‘जलयुक्त शिवार’ची कामे मोठ्या प्रमाणावर झाली आहेत. मात्र, पावसाचे पाणी जमिनीमध्ये मुरविण्यासाठी ही कामे पुरेशी नाहीत. त्यासाठी जल व मृद्‌संधारणअंतर्गत येणारी पारंपरिक कामे म्हणजे सलग समतल चर, दगडी बंधारे (लूज बोल्डर), माती बांध, बोअरवेल, विहीर पुनर्रभरण अशा प्रकारची कामे मोठ्या प्रमाणावर होणे गरजेचे आहे. 
- राकेश कटारिया, सहसचिव, पंतप्रधान कार्यालय. 

वाल्हे, जि. पुणे  : राज्यात जलयुक्त शिवारच्या माध्यमातून मोठ्या प्रमाणावर जलसंधारणाची कामे झाली. मात्र, केवळ जलसंधारणाची कामे करून निसर्गाचा समतोल राखणे शक्‍य नाही. त्यासाठी मृद्‌संधारण आणि पाण्याचे व्यवस्थापन होणे अत्यावश्‍यक आहे. म्हणूनच केंद्र सरकार जलशक्ती योजना कार्यान्वित करीत आहे. त्याद्वारे जल आणि मृद्‌संधारणाची पारंपरिक कामे नव्याने सुरू करणार आहे. यामध्ये ग्रामस्थांनी सक्रिय सहभाग नोंदवावा, असे आवाहन पंतप्रधान कार्यालयाचे सहसचिव राकेश कटारिया यांनी केले. 

वाल्हे (ता. पुरंदर) येथे कटारिया यांच्या नेतृत्वाखालील पथकाने भेट देऊन येथे झालेल्या जलयुक्त शिवारच्या कामाची पाहणी करीत जलशक्ती योजनेंतर्गत काय कामे करता येतील, याची चाचपणी व मार्गदर्शन केले. या प्रसंगी प्रांताधिकारी प्रमोद गायकवाड, जिल्हा अधीक्षक कृषी अधिकारी बाळासाहेब पडघलमलकर, तहसीलदार अतुल म्हेत्रे, उपविभागीय कृषी अधिकारी बालाजी ताटे, संजय फडतरे, अमोल खवले, राजाराम भामे, नीलेश पाटील, हनुमंत डांबे, प्रदीप भंडलकर, जॉन गायकवाड, गीता पवार उपस्थित होते.

पथकाने पुरंदर तालुक्‍यातील दिवे व नाझरे धरण परिसरात पूर्वनियोजित पाहणी दौरा होता. मात्र, पथकाने अचानक वाल्हे परिसरातही भेट देऊन परिसराची पाहणी केली. भाऊसाहेब फुंडकर फळबाग योजनेंतर्गत प्रस्तावित कामासंदर्भातही कटारिया यांनी सूचना केल्या. 

पुरंदरमधील ६० गावांमध्ये योजना 
जलशक्ती योजनेंतर्गत पुणे जिल्ह्यातून पुरंदर आणि शिरूर या तालुक्‍यांची निवड केंद्र सरकारमार्फत करण्यात आली आहे. पुरंदर तालुक्‍यातील जवळपास ६० गावांमध्ये ही योजना राबविण्यात येणार आहे. जलसंपदा, पाटबंधारे, कृषी, वन विभाग या सरकारी यंत्रणांच्या समन्वयातून हे काम पार पाडले जाणार आहे. 
 


इतर ताज्या घडामोडी
अधिक आर्द्रतायुक्त वातावरणात द्राक्ष...सध्याच्या परिस्थितीत द्राक्ष बागेत पाऊस व पावसाळी...
जमीन सुपिकतेसाठी कंपोस्ट खत निर्मितीकंपोस्ट खताचा उपयोग जमिनीत केल्यास जमिनीत पूर्वी...
खानदेशात कांदेबाग केळी लागवडीची तयारी...जळगाव : खानदेशात कांदेबाग केळी लागवडीची तयारी...
औरंगाबाद, जालना, परभणीत बहुतांश मंडळांत...औरंगाबाद : औरंगाबाद, जालना, परभणी या तीनही...
नाशिक बाजार समितीतील कर्मचारी...नाशिक : नाशिक कृषी उत्पन्न बाजार समितीच्या...
सोलापूर जिल्हा परिषदेत सेसफंड, करनिधी...सोलापूर  ः कोरोनामुळे कधी नव्हे, ती सहा-सात...
नगर जिल्ह्यात शेततळ्यांच्या कामांची...नगर ः दुष्काळी परिस्थितीत शेततळ्याच्या पाण्यावर...
पूर्णा नदी काठच्या गावांना सतर्कतेचा...हिंगोली  ः ‘‘जिल्ह्यातील पूर्णा नदीवरील...
वाखारी येथे शेतकरी, शेतमजुरांना कौशल्य...पुणे ः कृषी तंत्रज्ञान व्यवस्थापन यंत्रणा व...
नांदेड, परभणी, हिंगोली जिल्ह्यात १४२...नांदेड : नांदेड, परभणी, हिंगोली जिल्ह्यातील १४२...
दहिवडीत शेतीकामांच्या मजुरीदरांसह...नाशिक : कोरोनाच्या पार्श्वभूमीवर शेतीव्यवस्था...
औरंगाबाद, जालना जिल्ह्यात दीड लाख...औरंगाबाद  : दोन जिल्ह्यांतील साडेचार हजारावर...
उजनीची पाणीपातळी २८ टक्केवर सोलापूर  ः पुणे जिल्ह्यातील पावसाच्या...
वरखेडीतील पशुधनाचा बाजार उद्यापासून...पाचोरा, जि.जळगाव  ः वरखेडी (ता.पाचोरा) येथील...
जळगाव जिल्ह्यात शेतकऱ्यांवर लिंबं...भडगाव, जि.जळगाव  ः जिल्ह्यात लिंबू पिकासाठी...
कृषी महाविद्यालयाच्या जागेचा प्रश्न...भंडारा : कृषी महाविद्यालयाच्या प्रस्तावित...
परभणी जिल्ह्यात कपाशी बियाण्याच्या साडे...परभणी : जिल्ह्यात यंदा खरीप हंगामात विविध...
सिंधुदुर्ग जिल्ह्यातील ७०...वैभववाडी, जि. सिंधुदुर्ग ः ऑगस्ट महिन्यात मुदत...
चंद्रपूर जिल्ह्यात कापूस कोंडीत भर...चंद्रपूर : येत्या  हंगामातील कापूस खरेदीसाठी...
पंधरा शेतकऱ्यांच्या सौरकृषी पंपात...चंद्रपूर : मुख्यमंत्री सौर कृषी पंप योजनेअंतर्गत...