agriculture news in Marathi jowar fodder has market than jowar Maharashtra | Agrowon

ज्वारीपेक्षा कडबा यंदा खातोय भाव 

टीम अॅग्रोवन
सोमवार, 15 मार्च 2021

रब्बीत ज्वारीसोबत चाऱ्यासाठी कडबा महत्त्वाचा मानला जात आहे. यंदा कडब्याचे चांगले उत्पादन निघाले आहे. मात्र बाजारात ज्वारीपेक्षा कडब्याला अधिक दर आहेत. त्यामुळे ज्वारीपेक्षा यंदा कडबाच अधिक भाव खात असल्याचे दिसत आहे.

नगर ः रब्बीत ज्वारीसोबत चाऱ्यासाठी कडबा महत्त्वाचा मानला जात आहे. यंदा कडब्याचे चांगले उत्पादन निघाले आहे. मात्र बाजारात ज्वारीपेक्षा कडब्याला अधिक दर आहेत. त्यामुळे ज्वारीपेक्षा यंदा कडबाच अधिक भाव खात असल्याचे दिसत आहे. सध्या ग्रामीण भागात कडब्याची जुळवाजुळव करण्यासाठी शेतकऱ्यांची लगबग सुरू आहे. यंदा एकरी सरासरी दोन ते तीन टन कडब्याचे उत्पादन निघाले आहे. 

राज्यात ज्वारीचे २० लाख २७ हजार २५८ हेक्टर सरासरी क्षेत्र आहे. यंदा १६ लाख ३४ हजार ६२६ हेक्टर क्षेत्रावर ज्वारीचे उत्पादन घेतले आहे. गेल्या वर्षी १८ लाख ८८ हजार ९९५ हेक्टरवर ज्वारीचे उत्पादन घेतले. यंदा परतीचा पाऊस सलग पंधरा दिवस पडला. त्यामुळे अनेक भागांत वेळेत ज्वारी पेरता आली नाही. त्याचा परिणाम पेरणी क्षेत्रावर झाला आणि क्षेत्र घटले.

हवामान बदल, रोगांचा प्रादुर्भाव यामुळे ज्वारीच्या प्रत्यक्ष उत्पादनाला फटका बसला आहे. मात्र रब्बीत ज्वारीसोबत कडब्याचे उत्पादनही महत्त्वाचे मानले जात आहे. यंदा एकरी सरासरी दोन ते तीन टन कडब्याचे उत्पादन निघाले आहे. त्यामुळे सरासरी नगर जिल्ह्यात १० लाख टनांपेक्षा अधिक, तर राज्यात ८० ते ९० लाख टन कडब्याचे उत्पादन निघण्याचा अंदाज आहे. 

नगरसह राज्यातील अनेक भागांत हाती आलेला कडबा बाजारात येऊ लागला असला, तरी सुरुवातीपासून कडब्याचे दर तेजीत दिसत आहेत. सध्या बाजारात नगरमध्ये ज्वारीला १८०० ते ३३०० रुपये क्विंटल दल मिळत आहे. तर कडब्याला प्रति टन ४ हजार ते साडेपाच हजारांपर्यंत दर मिळत आहे. शेकड्यालाही तीन हजारांच्या जवळपास दर आहे. त्यामुळे बाजारात ज्वारीपेक्षा कडबाच भाव खात असल्याचे दिसून येत आहे. 

पुरवठ्यापेक्षा मागणी अधिक 
बाजारात कडब्याला मागणी अधिक असते. साधारण मार्च ते जूनपर्यंत कडब्याची खरेदी-विक्री होते. जनावरांसाठी वाळलेला सकस आहार म्हणून कडब्याकडे पाहिले जाते. त्यामुळे दूध व्यावसायिक, शेळीपालन करणारे शेतकरी कडब्याला प्राधान्य देतात. मात्र मागणीच्या तुलनेत नेहमीच कडब्याचा तुटवडा होत असल्याचे दिसून आले आहे. ज्वारीच्या ओल्या कडवळालाही मागणी चांगली असते. बहुतांश भागात शेतकरी जागेवरच कडब्याची विक्री करतात. 
 


इतर अॅग्रो विशेष
राज्यात आठवडाभर हलक्या पावसाची शक्यतापुणे : कोकणसह राज्यातील काही भागांत पावसाने...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
आयातशुल्क वाढीचा संत्रा निर्यातीवर...अमरावती : संत्र्याचा मुख्य आयातदार असलेल्या...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
प्रक्रिया उद्योगातून ‘सूर्या’ची झळाळी तेलगाव (ता. वसमत. जि. हिंगोली) येथील सूर्या...
संकटांमधून जांभूळ शेती उद्योगाची वाटचालसिंधुदुर्ग जिल्ह्यातील निरुखे येथील अनिरुद्ध...
पावसाचा जोर कमी होणार पुणे : कोकण, कोल्हापूर, सातारा, सांगली, पुणे व...
कोकणात पावसाचा जोर ओसरला पुणे : कोकणात धुमाकूळ घातलेल्या पावसाचा जोर...
सोसायट्यांवर बॅंकिंग सुधारणांचा परिणाम...पुणे ः बॅंकिंग नियमन कायद्यात झालेल्या...
राज्यात ‘एचटीबीटी’च्या ७५ लाख पाकिटांची...पुणे ः बंदी असूनही देशात कपाशीच्या तणनाशक सहनशील...
राज्यातील धरणांत २३४ टीएमसी पाणीसाठानगर ः राज्याच्या एकूण सहा महसूली विभागांतील...
कोकण, विदर्भात मुसळधारेचा अंदाज पुणे : दक्षिण कोकणची किनारपट्टी ते उत्तर...
राज्यात ठिकठिकाणी मुसळधारपुणे : कोकणातील रायगड, रत्नागिरी, सिंधुदुर्ग...
उत्तरेत मॉन्सूनचा वेगाने प्रवास पुणे : गेल्या दोन दिवसांपासून उत्तर भारतात पुन्हा...
तुम्हीच अभ्यास करा, अन् विम्याचे ठरवा...सोलापूर ः पुनर्रचित हवामान आधारित फळपीक...
चिकू विमा हप्त्यात सहा पटीने वाढ पालघर ः कोरोनाच्या संकटात चहूबाजूंनी शेतकरी...
फळपीक विमा योजनेत हवामान धोके कायम, ...सोलापूर ः पुनर्रचित हवामान आधारित फळपीक विमा...
चार पिकांमध्ये पूर्ण बियाणे बदल नगर ः चांगले उत्पादन घ्यायचे तर नवी सुधारित...
द्राक्ष उत्पादकांची फसवणूक, ५...नाशिक : दिंडोरी तालुक्यातील वळखेड, निगडोळ, नळवाडी...
राज्यात ३.१४ लाखांवर नवीन वीजजोडण्या सांगली ः कोरोना विषाणूच्या दुसऱ्या लाटेत मार्च...