agriculture news in marathi, jowar prodution decrease, nagar, maharashtra | Agrowon

नगर जिल्ह्यात दुष्काळी स्थितीमुळे ज्वारीचे उत्पादन घटले

सुर्यकांत नेटके
सोमवार, 27 मे 2019

नगर बाजार समितीत नगरसह सोलापूर, बीड, औरंगाबाद, उस्मानाबादसह राज्याच्या काही भागांतून ज्वारीची आवक होत असते. यंदा आवकेचे प्रमाण अल्प आहे. कित्येक वेळा आवकही होताना दिसत नाही. गंभीर दुष्काळाचा परिणाम ज्वारीच्या आवकेवर झाला आहे.
- अभय भिसे, सचिव, बाजार समिती, नगर

नगर ः उसासोबत ज्वारीचे आगार म्हणून ओळख असलेल्या नगरसह राज्यातील सोलापूर, उस्मानाबाद, बीड, लातूर भागांत यंदा ज्वारीचे उत्पादन ६० ते ७० टक्क्यांनी घटले. गंभीर दुष्काळाचा हा परिणाम असल्याचे दिसून येत आहे. उत्पादकता घटल्याने नगर बाजार समितीतही ज्वारीची आवक कमालीची घटली असून, गतवर्षीच्या तुलनेत यंदा सत्तर टक्के आवक कमी झाली आहे. मात्र सात वर्षांच्या तुलनेत यंदा उच्चांकी दर मिळाला असल्याचे ज्वारी आवकेच्या अहवालावरून स्पष्ट झाले. 

नगर जिल्ह्यामध्ये सर्वाधिक साखर कारखाने असल्याने उसाचे क्षेत्र अधिक असते. मात्र रब्बीत ज्वारीचे क्षेत्रही मोठ्या प्रमाणात असते. प्रशासनाच्या नोंदीनुसार पावणे पाच लाख हेक्टर क्षेत्र ज्वारीचे आहे. मात्र साडेपाच, पावणे सहा लाख हेक्टर क्षेत्रापर्यंत ज्वारीचा पेरा होत असतो. जिल्ह्याच्या दक्षिण भागातील पारनेर, कर्जत, श्रीगोंदा, जामखेड, पाथर्डी, नगर, शेवगाव तालुक्यासह उत्तर भागातील संगमनेर, कोपरगाव, नेवासा भागांत ज्वारीचे पीक मोठ्या प्रमाणात घेण्यात येते. अनेक भागात रब्बीतील ज्वारीचे पीक महत्त्वाचे असून, त्यावरच शेतीचे भवितव्य अवलंबून आहे. नगर व शेजारच्या जिल्ह्यामध्ये ज्वारीचे क्षेत्र जास्त राहत असल्याने नगर बाजार समितीत ज्वारीची आवकही लक्षवेधी असते.

यंदा मात्र दुष्काळी परिस्थितीमुळे ज्वारीचे आगार करपले आहे. खरिपात पिके आली नाहीत आणि रब्बीत पन्नास टक्के क्षेत्रावरही पेरणी झाली नाही तर जेथे पेरले तेथे पीक आलेच नाही. त्याचा परिणाम बाजार समितीमधील ज्वारीच्या आवकेवर परिणाम झालेला दिसत आहे. दरवर्षीच्या तुलनेत यंदा तीस टक्केही आवक झाली नाही असे बाजार समितीच्या आवक अहवालातून दिसून येत आहे. दुष्काळात ज्वारीची आमदनी दुपटीने कमी झाल्याने शेतकऱ्यांना यंदा आर्थिक फटका बसला आहे.

जिल्ह्यामध्ये दूध उत्पादनाला प्राधान्य दिले जाते. दूध व्यवसायात ज्वारीचा चारा (कडबा) महत्त्वाचा मानला जातो. यंदा मात्र कडबा चारा उत्पादनाला मोठा फटका बसला आहे. दुष्काळग्रस्त भागात चारा छावण्या सुरू झाल्या आहेत. त्यात सध्या ऊसाचा चारा दिला जात आहे. त्यासोबत भुसा, कडबा देण्याचे आदेश आहेत. मात्र कडबाच उपलब्ध नसल्याने कोणत्याही छावणीत कडबा दिसत नाही.  
 

नगर येथे वर्षनिहाय ज्वारीची आवक व दर
वर्ष  आवक (क्विंटल) किमान दर कमाल दर
२०१३-१४  २९,५४८  १५२०  २९०१
२०१४-१५   १.०६,९१२  १५५१ ३१००
२०१५-१६ ३०,५१२ १६०० ३१००
२०१६-१७   ४६५५२   १६००   ३०००
२०१७-१८ २८,४८३  १३०० २९००
२०१८-१९ १०,९८१ १२०० ४००० (मार्चअखेर)

 
 


इतर ताज्या घडामोडी
मोदी सरकारकडून शेतकऱ्यांच्या ह्रदयावर...नवी दिल्ली : कृषी सुधारणा कायद्यांविरोधात...
कृषी कायद्यांविरोधात सर्व आघाड्यांवर...चंडीगड ः केंद्र सरकारच्या कृषी कायद्यांना...
काळा पैसा बंद झाल्याने त्यांचा विरोध; ...नवी दिल्ली : ‘‘कृषी सुधारणा कायद्यांमुळे...
कृषी कायदे झुगारून लावा; काँग्रेसशासित...नवी दिल्ली   ः काँग्रेसशासित राज्यांनी...
नगर जिल्ह्यात पीक नुकसानीचे पंचनामे...नगर  ः महिनाभर सतत पाऊस पडल्याने जिल्ह्यातील...
पुणे विभागात एक लाख ३८ हजार हेक्टरवर...पुणे  ः यंदा वेळेवर पाऊस झाल्याने चारा...
पावसाचा नगरमधील १७ हजार कांदा...नगर  ः गेल्या महिनाभरात झालेल्या सततच्या...
नुकसानीबाबत परभणीतील सहा हजारांवर ...परभणी : अतिवृष्टी तसेच नाले, ओढे, नद्यांच्या...
 पावसाची विश्रांती; सिंधुदुर्गात भात...सिंधुदुर्ग  ः जिल्ह्यात पावसाने विश्रांती...
पानपिंपरी, विड्याच्या पानाला...बुलडाणा  ः पानपिंपरी व विड्याचे पानमळे हे...
जत तालुक्यातील सात गावांमधील ...सांगली  ः जत तालुक्यातील सात गावांमधील...
अकोला जिल्ह्यात ८७ हजार हेक्टरवर हरभरा...अकोला  ः यंदा समाधानकारक पावसामुळे सर्वच...
ऊस वाहतूक दरात ५० टक्के वाढ द्या : ...कोल्हापूर : ऊस वाहतुकीच्या दरात ५० टक्के वाढ...
शेतकरी विरोधी कृषी कायदे रद्द करा :...मुंबई : केंद्र सरकारने मंजूर केलेली कृषी...
कृषी विधेयकाआधीही शेतकरी स्वतः माल विकू...सोलापूर  ः केंद्र सरकारने आणलेल्या कृषी...
केंद्राची कृषी विधेयके शेतकरी-कामगार...पुणे : केंद्र सरकारने मंजूर केलेली कृषी, पणन आणि...
दक्षिण आशियात तापमानात किंचित वाढ...पुणे : दक्षिण आशियातील देशांत मॉन्सूनोत्तर...
आदर्श शेतकरी नाही, तर केवळ नोकरदार...चंद्रपूर : आधुनिक तंत्रज्ञानाचा पुरस्कर्ते...
सहकारी संस्थांच्या निवडणुका पुन्हा...मुंबई : कोरोना संकटामुळे राज्यातील मुदत संपलेल्या...
जळगावात भरीताची वांगी १५०० ते २५००...जळगाव  ः येथील कृषी उत्पन्न बाजार समितीमध्ये...