Agriculture news in Marathi, Jowari can be harvested before Diwali | Agrowon

खानदेशात ज्वारीची दिवाळीपूर्वी कापणी शक्‍य

टीम अॅग्रोवन
रविवार, 13 ऑक्टोबर 2019

जळगाव ः शासनाकडून भरडधान्य म्हणजेच ज्वारी, मका आदी खरेदीची तयारी सुरू झालेली असतानाच खानदेशात ज्वारी पिकाची स्थिती बऱ्यापैकी आहे. दिवाळीपूर्वी ज्वारीची कापणी पूर्ण होऊ शकते. मध्यंतरी ज्वारीवर दिसलेली लष्करी अळी नंतर पिकावरून दूर झाल्याने पीकस्थिती बऱ्यापैकी आहे. 

जळगाव ः शासनाकडून भरडधान्य म्हणजेच ज्वारी, मका आदी खरेदीची तयारी सुरू झालेली असतानाच खानदेशात ज्वारी पिकाची स्थिती बऱ्यापैकी आहे. दिवाळीपूर्वी ज्वारीची कापणी पूर्ण होऊ शकते. मध्यंतरी ज्वारीवर दिसलेली लष्करी अळी नंतर पिकावरून दूर झाल्याने पीकस्थिती बऱ्यापैकी आहे. 

खानदेशात चारा, धान्यासाठी पशुधनपालक, मोठे शेतकरी ज्वारीची पेरणी करतात. जळगावमधील चोपडा, रावेर, यावल, धुळ्यातील शिरपूर, शहादा, तळोदा भागांत केळी, गहू आदी पिकांसाठी बेवड म्हणूनही ज्वारीची पेरणी केली जाते. यंदा पेरणी वेळेत म्हणजेच २० जूनपूर्वी झाली होती. पिकाची वाढ उत्तम झाली. परंतु पेरणीनंतर महिनाभरात पिकावर लष्करी अळी दिसून आली होती. नंतर अगदी निसवणीपर्यंत ही अळी ज्वारी पिकावर दिसत होती. 

जळगाव जिल्ह्यातील अमळनेर, एरंडोल, पाचोरा, भडगाव, जामनेर या भागांतून ज्वारीवर लष्करी अळी आल्याच्या व त्यामुळे पिकाचे १० ते १५ टक्के नुकसान झाल्याच्या तक्रारी आल्या होत्या. काही शेतकऱ्यांनी उपाययोजनाही सुरू केल्या. त्यात पिकाच्या पोग्यात वाळू किंवा निर्देशीत कीडनाशके टाकली होती. ऑगस्टच्या मध्यानंतर झालेल्या जोरदार पावसात पिकाची वाढ झाली. नंतर निसवणही जोमात झाली. सप्टेंबरमध्ये पिकावरील लष्करी अळीच्या तक्रारीदेखील कमी झाल्या. 

सद्यःस्थितीत पिकात कणसे पक्व होत आहेत. वाढ पाच ते सात फुटांपर्यंत असल्याने चाराही चांगला मिळेल. तसेच उत्पादनही चांगले साध्य होईल, अशी अपेक्षा आहे. खानदेशात मिळून सुमारे ४० हजार हेक्‍टरवर ज्वारी आहे. या पिकावर नंतर अनेक शेतकरी केळी, गहू, हरभरा पेरणीचे नियोजन करीत आहेत. पिकाची कापणी दिवाळीपूर्वी सुरू होईल. तर मळणी नोव्हेंबरच्या सुरवातीला होऊन पीक हाती येईल. 

शासकीय केंद्रात दर्जेदार ज्वारीची २५५० व २५७० रुपये प्रतिक्विंटल या दरात खरेदी केली जाणार आहे. यामुळे यंदा ज्वारीचे दरही टिकून राहतील, अशी अपेक्षा आहे. उत्पादन १०० टक्के साध्य होणार असल्याचेही शेतकऱ्यांचे म्हणणे आहे.


इतर ताज्या घडामोडी
रत्नागिरी जिल्ह्यातील नद्यांना पूर,...रत्नागिरी : सलग दुसऱ्या दिवशीही पावसाने...
पंढरपुरात ७ ते १३ ऑगस्ट दरम्यान...सोलापूर  : कोरोना विषाणूची साखळी तोडण्यासाठी...
फळपीक विमा निकषात बदलाची गरज :...अमरावती : जिल्ह्यामध्ये संत्रा फळपीक मोठ्या...
सातारा जिल्ह्यात दमदार पाऊस सातारा : जिल्ह्यात मंगळवारी दमदार पाऊस झाल्याने...
कोयना धरण परिसरात मुसळधार पाऊस सातारा : कोयना धरण क्षेत्रात मंगळवारी मुसळधार...
कोल्हापूर बाजार समितीवर अखेर प्रशासक कोल्हापूर : नोकर भरती वरून वादग्रस्त ठरलेल्या...
मराठवाड्यात खरीप ज्वारीची ३७ टक्के पेरणीऔरंगाबाद : मराठवाड्यातील आठही जिल्ह्यात...
शाश्वत शेती उत्पादनासाठी मातीतील जिवाणू...स्थानिक झाडे झुडुपांच्या मुळाच्या परिसरातील...
भुसावळमध्ये १५ हजार हेक्टरवर कपाशीभुसावळ, जि.जळगाव  : गतवर्षी अतिवृष्टीमुळे...
पुणे जिल्ह्यात जोरदार श्रावण सरी पुणे ः दोन ते तीन दिवसांपासून पुणे जिल्ह्याच्या...
नांदेड जिल्ह्यात दोन लाख शेतकरी...नांदेड : जिल्ह्यातील बॅंका जुन्या कर्जदार...
खानदेशात खतांची मागणी घटली जळगाव : खानदेशात मागील आठवड्यात खत टंचाईची तक्रार...
सोयाबीनवरील किडीप्रश्‍नी योग्य वेळी...परभणी : ‘‘सोयाबीन हे कपाशी एवढेच राज्यातील...
नियमांचे पालन करुन गणेशोत्सव साजरा करा...नाशिक : ‘‘आगामी काळातील गणेशोत्सव साजरा करताना...
कोल्हापुरात दमदार पावसामुळे नद्यांनी...कोल्हापूर ः जिल्ह्यात बुधवारी (ता. ५) पावसाचा जोर...
सोलापूर जिल्ह्यात पीककर्जातून ९८४...सोलापूर  ः जिल्ह्यासाठी यंदाच्या खरीप...
येऊलखेड शिवारात शेकडो एकरांतील पीक...बुलडाणा ः जिल्ह्यात शेगाव तालुक्यात सोयाबीनचे पीक...
युरियाच्या मुद्यावरून अकोला जिल्हा...अकोला ः जिल्ह्यात युरियाची ग्रामीण भागात तीव्र...
उसामध्ये पोक्का बोईंग, शेंडाकूज रोगाचा...सध्या पश्चिम महाराष्ट्र आणि मराठवाडा विभागात...
नाशिकमध्ये वांगी प्रतिक्विंटल १००० ते...नाशिक : येथील कृषी उत्पन्न बाजार समितीमध्ये...