चैत्र यात्रेनिमित्त भाविकांनी दुमदुमला ज्योतिबा डोंगर

चैत्र यात्रेनिमित्त भाविकांनी दुमदुमला ज्योतिबा डोंगर
चैत्र यात्रेनिमित्त भाविकांनी दुमदुमला ज्योतिबा डोंगर

ज्योतिबा डोंगर, जि. कोल्हापूर  : ‘ज्योतिबाच्या नावानं चांगभलं’चा अखंड गजर करत श्री ज्योतिबाची चैत्र पौर्णिमा यात्रा वाडी रत्नागिरी येथे शुक्रवारी (ता. १९) उत्साहात पार पडली.

रणरणत्या उन्हाची तमा न बाळगता महाराष्ट्र, उत्तर कर्नाटक, आंध्र प्रदेशातून लाखो अधिक भाविकांनी उपस्थिती लावली. पहाटे शासकीय पूजा, अभिषेक तहसीलदार रमेश शेंडगे यांच्या हस्ते झाल्यानंतर ज्योतिबाचे मंदिर दर्शनासाठी खुले करण्यात आले. गेल्या दोन दिवसांपासून यात्रेसाठी जोतिबा डोंगरावर आलेल्या भाविकांनी श्री दर्शन, दुपारी सासनकाठ्यांची मिरवणूक व सायंकाळी पालखीचे दर्शन घेऊन आणि गुलाल-खोबऱ्याची उधळण करून परतीचा मार्ग धरला.

शुक्रवारी सकाळपासूनच लाखो भाविकांनी ज्योतिबा डोंगराकडे जाणारे रस्ते ओसंडून वाहत होते. अवघा जोतिबा डोंगर भाविकांच्या गर्दीने फुलून गेला होता. विविध वाद्यांच्या आवाजाने वातावरण भक्तिपूर्ण बनले. सासनकाठ्या धरून वाद्यांच्या तालात भाविक नृत्य करीत होते. एसटी, ट्रक, मोटारसायकल, बैलगाडी अशा वाहनाने आणि चालतदेखील आलेल्या भाविकांसाठी कोल्हापूर शहरातून ज्योतिबा डोंगराकडे जाण्यासाठी पर्यायी मार्ग तयार केले होते. मानाच्या सासनकाठीचे पूजन जिल्हाधिकारी दौलत देसाई, समितीचे सचिव विजय पोवार आदींच्या प्रमुख उपस्थितीत करण्यात आले.

कोल्हापूर महानगरपालिका आयुक्त मल्लिनाथ कलशेट्टी, जिल्हा पोलिस उपअधीक्षक डॉ. अभिनव देशमुख,  निवासी उपजिल्हाधिकारी संजय शिंदे यांनी ज्योतिबा मंदिर परिसरास भेट दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com