Agriculture news in marathi Kabuli gram rate Surviving in Khandesh | Page 2 ||| Agrowon

काबुली हरभऱ्याचे दर खानदेशात टिकून

टीम अॅग्रोवन
शुक्रवार, 9 एप्रिल 2021

खानदेशात काबुली हरभऱ्याचे दर यंदा टिकून आहेत. किमान आठ हजार व कमाल नऊ हजार रुपये प्रतिक्विंटलचा दर आहे. बाजार समित्यांमध्ये खरेदीची कार्यवाही रखडत सुरू आहे

जळगाव :  खानदेशात काबुली हरभऱ्याचे दर यंदा टिकून आहेत. किमान आठ हजार व कमाल नऊ हजार रुपये प्रतिक्विंटलचा दर आहे. बाजार समित्यांमध्ये खरेदीची कार्यवाही रखडत सुरू आहे. पण अनेक खरेदीदार थेट गावात किंवा जागेवर खरेदी करून घेत आहेत.
काबुली हरभऱ्याची पेरणी सुमारे सात हजार हेक्टरवर झाली होती.

जळगावमधील चोपडा, यावल, रावेर, जामनेर, धुळ्यातील शिरपूर आदी भागात ही पेरणी झाली होती. केळी बागांची काढणी पूर्ण झाल्यानंतर त्यात नोव्हेंबर, डिसेंबरमध्ये पेरणी झाली. काही शेतकऱ्यांनी जानेवारीतही पेरणी केली. यंदा उत्पादन एकरी साडेतीन ते चार क्विंटल आले आहे. उत्पादन कमी असतानाच सुरवातीला दर सात ते साडेसात हजार रुपये प्रतिक्विंटल, असे होते.

बाजारातील आवक मार्चच्या सुरवातीला सुरू झाली. नंतर दरात सुधारणा होत गेली. सध्या किमान दर आठ हजार व कमाल दर नऊ हजार रुपये प्रति क्विंटल, असा आहे. कोरोनामुळे बाजार समित्यांमधील कार्यवाहीवर सर्वत्र परिणाम झाला आहे. परंतु शिरपूर, चोपडा भागातील खरेदीदार थेट जागेवरून हरभऱ्याची खरेदी करून घेत आहेत. गेल्या वर्षी काबुली हरभऱ्याचे दर प्रतिक्विंटल सात हजार रुपये, असे होते.

कोरोना व  लॉकडाउनचा फटका या हरभऱ्याच्या बाजाराला बसला होता. पण यंदा दर टिकून आहेत. यातच शासकीय हरभरा खरेदीला वेग आला आहे. यामुळे शेतकऱ्यांना दिलासा मिळाला आहे. शासकीय खरेदी जळगाव, धरणगावसह १४ केंद्रांत तर धुळे व नंदुरबारात आठ केंद्रात सुरू आहे.

जळगाव जिल्ह्यात नऊ हजार शेतकऱ्यांनी शासकीय केंद्रात हरभरा विक्रीसाठी नोंदणी केली होती. यातील ३० टक्के शेतकऱ्यांकडून हरभऱ्याची खरेदी पूर्ण झाली आहे. सुमारे ३० हजार क्विंटल हरभरा खरेदी झाली आहे. शासकीय केंद्रात काबुली हरभऱ्यासाठी स्वतंत्र दर जाहीर केलेले नाहीत. त्यामुळे शेतकऱ्यांना खासगी बाजार,   व्यापाऱ्यांना काबुली हरभऱ्याची विक्री करावी लागत आहे.
 


इतर बाजारभाव बातम्या
राज्यात मोसंबी १५०० ते ३५०० रुपये...सांगलीत सरासरी ३००० रुपये प्रतिक्विंटल सांगली ः...
नगरमध्ये गवारीला चार ते सहा हजार...नगर ः नगर येथील दादा पाटील शेळके कृषी...
कळमणा बाजारात मोसंबीच्या दरात घटनागपूर ः कळमणा बाजारात मोसंबीची आवक नियमीत आहे....
राज्यात टोमॅटो ३०० ते १४०० रुपये क्विंटलऔरंगाबादमध्ये क्विंटलला ३०० ते १००० रुपये दर...
कळमण्यात मोसंबीच्या दरात काहीशी सुधारणानागपूर ः कळमणा बाजारात मोसंबीची आवक नियमित आहे....
नाशिकमध्ये हिरव्या मिरचीला १४०० ते २५००...नाशिक : नाशिक बाजार समितीमध्ये गत सप्ताहात...
राज्यात केळी ५५० ते १५०० रुपये क्विंटलनाशिकमध्ये क्विंटलला ८५० ते १५०० रुपये नाशिक...
सोलापुरात मेथी, कोथिंबिरीसह वांगी,...सोलापूर ः सोलापूर कृषी उत्पन्न बाजार समितीच्या...
पुण्यात भाजीपाला आवक सुरळीत; दर स्थिरपुणे ः पुणे कृषी उत्पन्न बाजार समितीमध्ये रविवारी...
पुणे बाजार समितीत मोसंबीचा आवक सुरू पुणे : मोसंबीच्या आंबिया बहराचा हंगाम सुरू झाला...
राज्यात मिरची १००० ते ३५०० रुपये क्विंटलनांदेडमध्ये क्विंटलला २००० ते २५०० रुपये...
नाशिकमध्ये डाळिंबाच्या आवकेत वाढनाशिक : येथील कृषी उत्पन्न बाजार समितीमध्ये गत...
नगरला वाटाणा, भेंडीच्या दरात सुधारणा;...नगर ः नगर येथील दादा पाटील शेळके कृषी उत्पन्न...
नागपुरात सोयाबीन दरातील घोडदौड कायम नागपूर ः प्रक्रिया उद्योजकांची मागणी वाढल्याने...
पावसाच्या उघडिपीमुळे भाजीपाला आवकेत वाढपुणे ः पुणे कृषी उत्पन्न बाजार समितीमध्ये रविवारी...
राज्यात कांदा क्विंटलला ३०० ते २३००...पुण्यात प्रतिक्विंटलला १५०० ते २००० रुपये पुणे...
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
नाशिकमध्ये डाळिंबाची आवक वाढली; दरात घटनाशिक : येथील कृषी उत्पन्न बाजार समितीमध्ये गत...
नगरमध्ये शेवग्याला २००० ते ४५०० रुपये दरनगर : नगर येथील दादा पाटील शेळके कृषी...
पुण्यात आले, टोमॅटो दरांत सुधारणापुणे ः पुणे कृषी उत्पन्न बाजार समितीमध्ये रविवारी...