Agriculture news in marathi Kadwanchi Grape season in crises Jalna | Page 2 ||| Agrowon

कडवंचीचे द्राक्ष आगार तोट्यात 

टीम अॅग्रोवन
शुक्रवार, 16 एप्रिल 2021

गतवर्षी कोरोना काळात लॉकडाउनमध्ये मोठा फटका बसला. तसेच यंदा ही आता आधी बागा न फुटणे, त्यानंतर वादळ, गारपिटीसारख्या नैसर्गिक आपत्तीमुळे नुकसान आणि उत्पादित मालाला खर्च आणि दरवर्षीच्या तुलनेत न मिळणारे दर यामुळे द्राक्ष उत्पादक चांगलेच घायकुतीला आले आहेत. 

जालना : जिल्ह्यातील द्राक्षाचे आगार म्हणून ओळख असलेल्या कडवंचीचे द्राक्ष उत्पादक यंदाही तोट्यातच आहेत. गतवर्षी कोरोना काळात लॉकडाउनमध्ये मोठा फटका बसला. तसेच यंदा ही आता आधी बागा न फुटणे, त्यानंतर वादळ, गारपिटीसारख्या नैसर्गिक आपत्तीमुळे नुकसान आणि उत्पादित मालाला खर्च आणि दरवर्षीच्या तुलनेत न मिळणारे दर यामुळे द्राक्ष उत्पादक चांगलेच घायकुतीला आले आहेत. 

जालना जिल्ह्यातील कडवंची शिवारातील द्राक्ष शेतीचा नंदापूर, नाव्हा, वरुड, धारकल्याण, पीरकल्याण, बोरखेडीसह १० ते १५ गावांत विस्तार झाल्याने या सर्व गावांमध्ये मिळून सुमारे ५००० एकर क्षेत्रावर द्राक्ष बागा आहे. पाण्याचा कार्यक्षम वापर व दर्जेदार द्राक्ष उत्पादनामुळे या शिवाराची ख्याती आहे. गतवर्षी कोरोना संकटामुळे ऐन मार्च महिन्यात लागलेल्या लॉकडाउनमुळे या परिसरातील बहुतांश द्राक्ष उत्पादकांना ५ ते १० रुपये प्रतिकिलो इतक्‍या कवडीमोल दराने शेतकऱ्यांना द्राक्ष विकण्याची वेळ आली होती. 

या संकटातून सावरून पुन्हा यंदाच्या द्राक्ष उत्पादनासाठी शेतकऱ्यांनी कंबर कसली असतानाच छाटणीच्या काळात ऑक्‍टोबरमध्ये आलेल्या अती पावसाने घात केला. वेलीमध्ये अन्नसाठाच होऊ न शकल्याने घडनिर्मिती झाली नाही. जे घड निघाले ते कमकुवत निर्माण झाल्याने जागीच जिरले. जवळपास ७० टक्‍के बागा फुटल्याच नाही. प्रतिकूल वातावरणातून द्राक्षाचे उत्पादन घेण्याचा प्रयत्न करणाऱ्यांना होणाऱ्या एकूण उत्पादकांपैकी १० ते २० टक्‍केच द्राक्ष घड हाती आले. ८० ते९० टक्‍के शेतकऱ्यांना १० ते २० टक्‍क्‍यांपुढे उत्पादन घेता आले नसल्याचे शेतकरी सांगतात. 

उत्पादकतेत फटका बसलेल्या द्राक्ष उत्पादकांना गारपिटीचाही फटका बसला. गारपिटीसह विविध कारणांमुळे कडवंची शिवारातील ४३५ हेक्‍टरवरील द्राक्ष बागांचे ३३ टक्‍क्‍यांपेक्षा जास्त नुकसान झाल्याचा अहवाल संयुक्‍त पाहणीतून प्रशासनाला कळविण्यात आला आहे. आजच्या घडीला शेतकऱ्यांना जिथे किमान ६० ते ७० रुपये प्रतिकिलोचे दर मिळण्याची अपेक्षा असते, तिथे २० ते २५ रुपये प्रतिकिलोच्या दरावर शेतकऱ्यांना समाधान मानन्याची वेळ द्राक्ष उत्पादकांवर आली आहे. दरवर्षी या शिवारात ठाण मांडूण बसणारे व्यापारीही यंदा त्यांना अपेक्षित माल बागेनिहाय मिळत नसल्याने शिवारात फिरकत नसल्याचे शेतकरी सांगतात. 

दरवर्षी द्राक्ष बागेचे संगोपन करण्यासाठी उत्पादकांचा साधारणत: एकरी जिथे सव्वा ते दीड लाख खर्च होतात. तिथे यंदा हा खर्च निसर्गाच्या प्रतिकूल स्थितीमुळे २ लाखांपर्यंत गेला. खर्च करून त्या तुलनेत एकरी किमान १५० क्‍विंटल उत्पादन येणे अपेक्षित असताना उत्पादनात निम्मी घट झाली. ते एकरी ७० ते ८० क्‍विंटल एकरीवरच लटकले. काही मोजक्‍या बागेत उत्पादन शंभर क्‍विंटलपुढे गेले. त्यापैकी बहुतांश बागांना गारपिटीचा फटका बसल्यामुळे त्या द्राक्षांना कवडीमोल विकण्याची वेळ आली. या सर्व संकटातूनही ज्या बागेत बरे उत्पादन मिळाले त्या द्राक्षांना पुन्हा एकदा गतवर्षीप्रमाणे उद्‌भवलेल्या कोरोना संकटामुळे कोणी विचारेना. त्यामुळे बळंच ही द्राक्ष २० ते २५ रुपये प्रतिकिलोने विकण्याची वेळ आली. होणारा खर्च होऊन बसला. मात्र उत्पन्न न मिळाल्याने द्राक्ष उत्पादक अडचणीत सापडले आहेत. 

२० एकर द्राक्ष बागेपैकी केवळ ४ एकर बागेत उत्पादन मिळणार होते. त्यापैकी तीन एकर बाग गारपिटीत सापडली. एका एकरात दीडशे क्‍विंटल उत्पादन मिळाले. तर ते द्राक्ष लॉकडाउनमुळे कुणी व्यापारी फिरकत नसल्याने २२ रुपये प्रतिकिलोने विकून मोकळा झालो. अनेकांना उधारीवर आणलेल्या खत, औषधाचे पैसे चुकवायला पैसे नाहीत. 
- संदीप क्षीरसागर, 
द्राक्ष उत्पादक, कडवंची 

विमा उतरविणाऱ्या शेतकऱ्यांची संख्या कमी आहे. ज्यांनी उतरविला त्यामध्ये गारपिटीसाठी जास्तीची रक्‍कम भरून विमा उतरविणाऱ्यांची संख्या नसल्यात जमा आहे. त्यामुळे सारी आशा शासनाच्या मदतीवर आहे. 
- राजेश क्षीरसागर, 
द्राक्ष उत्पादक, कडवंची, जि. जालना 


इतर अॅग्रो विशेष
शेतकऱ्यांच्या खात्यात १९ हजार कोटी जमा नवी दिल्ली ः पंतप्रधान नरेंद्र मोदी यांनी...
मित्राच्या मृत्यूनंतर कुटुंबाला मदतीचा...कोल्हापूर : एकेकाळी महाविद्यालयात एकत्र धमाल...
पाच हजार कोटींचा विमा कंपन्यांना नफा पुणे: राज्यातील शेतकऱ्यांना पीकविम्याचे कवच...
रमजान सणासाठी दर्जेदार कलिंगडेयंदा सलग दुसऱ्या वर्षी लॉकडाउनचा फटका शेतकऱ्यांना...
वर्षभर उत्पन्नासाठी पपई ठरली फायदेशीरहणमंगाव (ता. दक्षिण सोलापूर. जि. सोलापूर) येथील...
बांबूलागवडीसह इंधनासाठी पॅलेट्‌सनिर्मितीसराई (जि. औरंगाबाद) येथील कैलाश नागे यांनी साडेनऊ...
वेगवान वाऱ्याचा कोकण किनारपट्टीला फटका...पुणे : गेल्या दोन दिवसांपासून अरबी समुद्राच्या...
विमा कंपन्यांना आयुक्तांचा दणका पुणे ः राज्यातील शेतकऱ्यांना पंतप्रधान पीकविमा...
सोयाबीनमधील तेजी कायम पुणे ः देशात सध्या सोयाबीनचा मोठा तुटवडा जाणवत...
‘महाडीबीटी’वरील बियाणे अनुदान अर्जासाठी...पुणे ः राज्यात खरीप हंगामासाठी ‘महाडीबीटी’वर...
साहेब, टरबूज विक्रीला परवानगी द्या अकोला ः दरवर्षी रमजान महिन्यात टरबुजाला चांगली...
खरबूज पिकात मिळवली बोरीबेलने ओळखपुणे जिल्ह्यात दौंड तालुक्यातील बोरीबेल गाव खरबूज...
अक्षय तृतीयेसाठी सज्ज जाहली आंबा...अक्षय तृतीयेचा सण तोंडावर आला आहे. कोकणची...
ऊसपट्ट्यात निर्यातक्षम केसर आंबामहागाव (ता. जि. सातारा) येथील चार भावांचे एकत्रित...
कांदाकोंडी टाळणेच योग्य पुणेः कोरोना संसर्ग रोखण्यासाठी नाशिक जिल्ह्यात...
मंत्री साहेब, कोटींच नुकसान होईल हो ! नाशिक: जिल्ह्याचे पालकमंत्री छगन भुजबळ यांनी...
साखर निर्यातीचा यंदा विक्रम? कोल्हापूर: साखर निर्यातीची गती पाहता यंदा...
अन्न प्रक्रियेमध्ये अवरक्त किरणांचा वापरअन्न प्रक्रियेदरम्यान पारंपरिक उष्णतेच्या...
राहुरीत वैशिष्ट्यपूर्ण संशोधित चारा...अलीकडील काळात चारा उत्पादनांसाठी सुधारित वाणांची...
मॉन्सूनच्या प्रवाहाला पोषक स्थिती पुणे : गेल्या दोन ते तीन दिवसांपासून अरबी...