जळगाव : खानदेशात कांदेबाग केळी लागवडीची तयारी पूर्ण होत आली आहे. ही लागवड जळगाव जिल्ह्यातील चोपडा, यावल, जामनेर, धुळे जिल्ह्यात शिरपूर तालुक्यात होणार आहे. लागवडीसाठी शेतकरी वाणांची शोधाशोध करीत आहेत.
काळ्या कसदार जमिनीत लागवडीसाठी हलक्या जमिनीतील केळी बागांमधील कंद आणले जात आहेत. कंद सध्या रावेर, नंदुरबारमधील शहादा, शिरपूर भागात उपलब्ध आहेत. लागवड शिरपूर तालुक्यातील अनेर नदीकाठी काही शेतकऱ्यांनी सुरू केली आहे. शिरपूर तालुक्यात तरडी, भावेर, होळनांथे, जापोरा, घोडीसगाव, तोंदे आदी भाग कांदेबाग केळीसाठी प्रसिद्ध आहे.
चोपडा तालुक्यातील घोडगाव, कुसुंबा, विटनेर, वाळकी, वढोदा, मोहिदे, अजंतीसिम, माचला, वरगव्हाण, नारोद, गोरगावले, खेडीभोकरी, खडगाव आदी भाग कांदेबाग केळीसाठी प्रसिद्ध आहे. चोपडा तालुक्यात सुमारे चार हजार हेक्टरवर कांदेबाग केळी लागवड होईल. तर, शिरपूर तालुक्यातही सुमारे दोन ते अडीच हजार हेक्टरवर कांदेबाग केळी असणार आहे.
जळगाव तालुक्यात सुमारे एक हजार ते १२०० हेक्टरवर कांदेबाग केळी असेल. केळी लागवड मूग, उडदाच्या रिकाम्या झालेल्या क्षेत्रात केली जाईल. काही शेतकऱ्यांनी कांदेबाग केळीसाठी क्षेत्र नापेर ठेवले होते.
कांदेबाग केळी लागवडीची तयारी अनेक शेतकऱ्यांनी केली आहे. काही शेतकऱ्यांनी लागवड पूर्ण केली आहे. लागवडीला पुढील आठवड्यात वेग येऊ शकतो. - श्रीकांत पाटील, शेतकरी, कठोरा (जि.जळगाव)
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.