agriculture news in marathi Keep open APMC's of state : Ajit Pawar | Page 2 ||| Agrowon

बाजार समित्या सुरूच ठेवा; उपमुख्यमंत्र्यांचे व्यापाऱ्यांना निर्देश

टीम अॅग्रोवन
बुधवार, 25 मार्च 2020

पुणे (प्रतिनिधी) ः कोरोना व्हायरसचा धसका घेतल्याने व्यापारी, कामगार संघटनांनी व्यवहार बंद ठेवण्याची भूमिका घेतली असली तरी सरकार मात्र बाजार समित्या सुरू ठेवण्यावर ठाम आहे. खुद्द उपमुख्यमंत्री अजित पवार यांनी मंगळवारी बाजार समित्यांमधील विविध घटकांशी संपर्क साधून शहरांचा भाजीपाला व फळांचा पुरवठा अखंडित ठेवण्यासाठी व्यवहार सुरू ठेवलेच पाहिजेत, असे बजावले आहे. त्यासाठी पोलिस व स्थानिक प्रशासनाचे पूर्ण सहकार्य मिळेल, याची ग्वाही त्यांनी दिली आहे. बाजार समित्यांमधील गर्दी टाळण्यासाठी आवश्यक त्या उपाययोजना राबवण्याचे निर्देशही त्यांनी पणन संचालक सुनील पवार यांना दिले आहेत.    

पुणे ः कोरोना व्हायरसचा धसका घेतल्याने व्यापारी, कामगार संघटनांनी व्यवहार बंद ठेवण्याची भूमिका घेतली असली तरी सरकार मात्र बाजार समित्या सुरू ठेवण्यावर ठाम आहे. खुद्द उपमुख्यमंत्री अजित पवार यांनी मंगळवारी बाजार समित्यांमधील विविध घटकांशी संपर्क साधून शहरांचा भाजीपाला व फळांचा पुरवठा अखंडित ठेवण्यासाठी व्यवहार सुरू ठेवलेच पाहिजेत, असे बजावले आहे. त्यासाठी पोलिस व स्थानिक प्रशासनाचे पूर्ण सहकार्य मिळेल, याची ग्वाही त्यांनी दिली आहे. बाजार समित्यांमधील गर्दी टाळण्यासाठी आवश्यक त्या उपाययोजना राबवण्याचे निर्देशही त्यांनी पणन संचालक सुनील पवार यांना दिले आहेत.    

कोरोना व्हायरसच्या प्रसाराचा धोका असल्याने व्यापाऱ्यांसह विविध घटकांनी बाजार समित्यांमधील व्यवहार बंद ठेवण्याची भूमिका बैठका घेवून जाहीर केली होती. त्यातून भाजीपाला टंचाई, भाववाढीचा फटका नागरिकांना सहन करावा लागला असता. भाववाढीला सुरवातही झाली होती. त्यामुळे शासनाने तातडीने हस्तक्षेप करत संबंधितांना सुनावले आहे.  

मंगळवारी सकाळी बाजार समित्यांमध्ये प्रचंड गर्दी झाली. शहरांतील किरकोळ विक्री करणाऱ्या मंडया व बहुतांश दुकाने बंद असल्याने नागरिकांनी थेट बाजार समित्यांकडे धाव घेतली. त्यामुळे अनेक शहरांतील बाजार समित्यांना मंडयांचे स्वरुप आले. त्यातून कोरोना प्रसाराचा धोका वाढला. तो टाळण्यासाठी शहरांतील छोट्या-मोठ्या मंडया दररोज सकाळी दोन तास नागरिकांसाठी सुरू ठेवण्याची सूचना पणन खात्याने केली असून त्याबाबत लवकरच निर्णय होण्याची शक्यता आहे. शिवाय पणन खात्यातर्फे राबवले जाणारे आठवडी बाजारही थोड्या मोठ्या जागेत सुरू ठेवणे शक्य आहे.

पोलिसांनी व स्थानिक प्रशासनाने सहकार्य केले तर हे बाजार सुरू करता येतील, असे संबंधितांचे म्हणणे आहे. आॅनलाईन भाजीपाला पुरवणारी संकेतस्थळे, ॲपच्या वापराला सध्या बऱ्याच मर्यादा आल्या आहेत. या कंपन्यांचे डिलिव्हरी बॉईज उत्तर भारतातील असून ते कोरोना व्हायरसचा प्रादुर्भाव सुरू झाल्यावर गावी निघून गेले आहेत. त्यामुळे या कंपन्यांची वितरण व्यवस्था विस्कळित झाली आहे.         

बाजार समित्या बंद राहण्याची शक्यता असल्याने लोक जादा खरेदी करू लागले आहेत. मुंबई बाजार समितीत एरवी भाज्या व फळांची चारशे-साडेचारशे वाहने येतात. मंगळवारी मात्र मागणी वाढल्याने ७०० वाहने आली असल्याचे बाजार समितीच्या सूत्रांनी सांगितले.


इतर अॅग्रो विशेष
सोशल मिडीयाच्या माध्यमातून शेतातच विकले...पुणे ः वाहतूक बंद, मार्केट बंद, खरेदीदार...
कोरोनामुळे राज्यातील द्राक्ष बागेतच ‘...नाशिक/सांगली/सोलापूर: यंदाचा द्राक्ष हंगाम...
सागरी मार्गाने या देशांत निर्यातीसाठी...पुणे: युरोपला भारतातून विमानामार्गे होणारी...
दुधासाठी पाच रुपये अनुदान हवे पुणे: राज्यात शेतकऱ्यांकडून खरेदी केल्या जाणाऱ्या...
विदर्भात आज गारपीटीचा इशारा पुणे : राज्याच्या विविध भागात पुर्वमोसमी पावसाने...
अडत्यांशिवाय पुणे बाजार समिती सुरु...पुणे : कोरोना विषाणू सारख्या आणीबाणी आणि...
लासलगाव येथे गोणी पद्धतीनुसार कांदा...नाशिक : कोरोना विषाणूचा प्रादुर्भाव रोखण्याच्या...
सर्व कर्जांच्या हफ्त्यांना तीन...मुंबई : कोरोनाविरुद्ध लढ्यासाठी भारतीय...
राज्यात कोरोना बाधित ३ नवीन रुग्ण; एकूण...मुंबई : राज्यात कोरोनाचे तीन नवीन रुग्णांची...
मध्य महाराष्ट्र, मराठवाडा, विदर्भात...पुणे : राज्यात सुरु असलेला पुर्वमोसमी पाऊस...
केळी उत्पादकांचे दररोज सहा कोटींचे...जळगाव : केळी वाहतुकीसह परराज्यातील...
जलतंत्रज्ञानाच्या वापरातून प्रगतीची उंच...अकोला जिल्ह्यातील अन्वी मिर्झापूर येथील केशवराज...
गरिबांसाठी १.७ लाख कोटींचे पॅकेज:...नवी दिल्ली : कोरोना विषाणूने देशात थैमान घालायला...
फळे, भाजीपाला पुरवठ्यासाठी ‘एसएओ’कडे ‘...पुणे : राज्यातील महापालिका व नगरपालिका...
जीवनावश्यक वस्तूंची दुकाने २४ तास उघडी...मुंबई : सर्व जीवनावश्यक वस्तूंची दुकाने, किराणा...
शेतमाल वाहतुकीसाठी मिळणार तत्काळ परवाना पुणे ः कोरोनाच्या पार्श्वभूमीवर शहरांमध्ये...
कृषी, कृषिपूरक उद्योगांची वाहतूक सुरू...नाशिक : कृषी संबंधित बियाणे, खते, पीक कापणी आदी...
पुणे, मुंबई, नाशिक बाजार समित्या सुरू ...पुणे/मुंबई/नाशिक: कोरोना प्रादुर्भाव रोखण्यासाठी...
वादळी पाऊस, गारपिटीने राज्यात पिकांचे...पुणे : राज्याच्या विविध भागात गुरूवारी (ता....
‘गोकुळ’चे दूध संकलन पूर्वपदावर कोल्हापूर: कोल्हापूर जिल्हा दूध संघाचे रविवार (ता...