agriculture news in marathi Kharif crops under water in Nanded district | Agrowon

नांदेड जिल्ह्यात खरीप पिके पाण्याखाली

टीम अॅग्रोवन
शनिवार, 24 जुलै 2021

नांदेड : जिल्ह्यात बुधवारनंतर गुरुवारी झालेल्या मुसळधार पावसामुळे जिल्ह्यातील सर्वच भागात खरीप पिकांचे मोठ्या प्रमाणात नुकसान झाले.

नांदेड : जिल्ह्यात बुधवारनंतर गुरुवारी झालेल्या मुसळधार पावसामुळे जिल्ह्यातील सर्वच भागात खरीप पिकांचे मोठ्या प्रमाणात नुकसान झाले. जिल्ह्यात पाच मंडळासह धर्माबाद तालुक्यात अतिवृष्टीची नोंद झाली. नुकसानीबाबत प्रशासनाकडून अंदाज घेण्याचे काम सुरु आहे. दरम्यान शुक्रवारी सकाळी दहापर्यंत जिल्ह्यात सरासरी २९.२ मिलिमीटर पावसाची नोंद झाली.

जिल्ह्यात मागील तीन दिवसापासून मुसळधार पाऊस होत आहे. हा पाऊस सर्वच तालुक्यात जोरदार झाला. परिणामी खरिपातील सोयाबीन, कपाशी, तूर, मुग, उडीद, ज्वारी या पिकांसह भाजीपाला व बहुवार्षिक फळपिकांचे मोठ्या प्रमाणात नुकसान झाले.

पावसादरम्यान नदी-नाल्यांना पुर आला. त्यामुळे जमिनी खरडून गेल्या. तर सखल भागात पाणी साचल्याने पिके करपून गेली आहेत. गुरुवारी धर्माबाद तालुक्यासह पाच मंडळात अतिवृष्टीची नोंद झाली. नुकसानीबाबत प्रशासकीयस्तरावरुन पाहणी करण्याचे काम सुरु असल्याची माहिती मिळाली. अतिवृष्टीची मंडळे अशी ः जारीकोट ९०.५०, धर्माबाद ८७.८०, करखेली ८४.८०, कुंडलवाडी ६६.८०, बिलोली ६५.३०.

पुरात दोघांचा मृत्यू

मुसळधार पावसामुळे नदी, नाल्यांना पूर येऊन दोघांचा मृत्यू झाला. ही घटना पांगरगाव (ता. मुदखेड) व कामजळगा (ता. मुखेड) येथे गुरुवारी (ता.२२) घडली. पावसाचे प्रमाण अधिक असल्यामुळे नदी, नाल्यांना पुर आला होता. यात नदीकाठची जमीन खरडून गेल्याने पिके वाहून गेली.

गुरुवारच्या पावसामुळे नदीला पुर येऊन पांगरगाव (ता. मुदखेड) येथील शिवाजी बेगाजी गाडे (वय ४५) व कामजळगा (ता. मुखेड) येथील बस्वराज सीताराम गवाले (वय २५) हे दोघे वाहून गेले. यात त्यांचा मृत्यू झाल्याची माहिती संबंधित तहसीलकडून मिळाली. अतिवृष्टीमुळे खरीप पिकांसह भाजीपाला, फळपिकांचे नुकसान झाले. त्यामुळे सामुदायिक पंचनामे करून भरपाई देण्याची मागणी होत आहे.

तालुकानिहाय सरासरी पाऊस (मि.मी) 

नांदेड २९.६, बिलोली ६०.३, मुखेड १४.४, कंधार १७.१, लोहा २५.७, हदगाव १५.९, भोकर २०.३, देगलूर ३१, किनवट २१.९, मुदखेड ३७.९, हिमायतनगर ५५.४, माहूर ३,धर्माबाद ८७.७, उमरी ३२.३, अर्धापूर १०.२, नायगाव ४५.२. सरासरी २९.२ मिलिमीटर पावसाची नोंद झाली.


इतर ताज्या घडामोडी
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...