agriculture news in marathi, Kharif dry in Solapur this year | Agrowon

सोलापुरात यंदाही खरीप कोरडाच

टीम अॅग्रोवन
बुधवार, 17 जुलै 2019

पावसाच्या आशेने उडीद, मुगाची पेरणी केलीय. आता कुठे कुठे उगवलंय. कोळपणीही केली. पण आता पाऊस पडला, तरी त्याचा उपयोग होणार नाही.
- नितीन बागल, शेतकरी, गादेगाव, ता. पंढरपूर.

सोलापूर : खरीप हंगाम सुरू होऊन दीड महिना उलटला. तरीही, पावसाने दमदार हजेरी न लावल्याने अधूनमधून पडलेल्या जेमतेम पावसावर अवघ्या ३७ टक्के क्षेत्रावर पेरण्या झाल्या आहेत. यंदाही तूर, मूग, उडीद, सोयाबीनची पेरणी बऱ्यापैकी क्षेत्रावर झाली आहे. पण, त्या पावसाअभावी तग धरू शकतील की नाही, याबाबत साशंकता आहे. त्यामुळे यंदाही खरीप कोरडाच जाण्याची शक्यता आहे. आतापर्यंत केवळ ३९ टक्के असमान पाऊस झाला आहे.

सोलापूर हा रब्बीचा जिल्हा आहे, पण गेल्या काही वर्षांत खरिपाचे क्षेत्रही वाढते आहे. खरिपामध्ये प्रामुख्याने तूर, सोयाबीन, मका, मूग, उडदाची पेरणी होते. गेल्या दोन-तीन वर्षांपासून सात्यत्याने दुष्काळाची परिस्थिती असल्याने खरीप हाताला लागत नाही. यंदाही तशीच काहीशी परिस्थिती आहे. जिल्ह्याची पावसाची वार्षिक सरासरी ५४५ मिलिमीटर आहे. पण आतापर्यंत जूनमध्ये १०१ मिलिमीटर आणि जुलैमध्ये १४४ मिलिमीटर पाऊस झाला आहे. सरासरी ४० टक्के पाऊस झाला आहे. पण तोही सरसकट नाही, याच पावसाच्या जेमतेम ओलीवर शेतकऱ्यांनी पेरण्या उरकल्या.

जिल्ह्याचे खरिपाचे क्षेत्र दोन लाख २३ हजार ५१८ हेक्टर आहे. त्यापैकी ८२ हजार ८८० हेक्टर क्षेत्रावर (३७ टक्के) पेरणी झाली आहे. त्यात सर्वाधिक तुरीची ३२ हजार ४९४ हेक्टर, त्यानंतर उडीद १४, ८९२ हेक्टर, सोयाबीनची ६७८२ हेक्टर, मूग ६०७० हेक्टर, बाजरी २०१४ हेक्टर आणि मका ४०९४ हेक्टरवर पेरली आहे. त्याशिवाय इतर कडधान्य आणि गळित धान्याचा पेरणीमध्ये समावेश आहे. 

प्रामुख्याने दक्षिण सोलापूर, अक्कलकोट, मंगळवेढा, सांगोल्याचा काही भाग, पंढरपूर या भागात पेरणीचे क्षेत्र आहे. पण सध्या पाऊस नसल्याने पेरणी झालेल्या या पिकाच्या वाढीबाबत शंकाच आहे. दुबार पेरणीची वेळही जवळपास संपत आली आहे. 

दीड महिना उलटला, तरी पाऊस नाही. पेरणीचे क्षेत्र तसे जेमतेम आहे. पण, पाऊस नसल्याने तेही वाया जाण्याची शक्यता आहे. आणखी पेरणी किती वाढेल, हे सांगता येणार नाही. पावसावरच सगळे गणित अवलंबून आहे, असे जिल्हा परिषदेचे कृषी विकास अधिकारी  एस. पी. बेंदगुडे यांनी सांगितले.

पेरणी झालेले क्षेत्र 

पीक क्षेत्र (हेक्टर)
तूर ३२ हजार ४९४
मूग  ६,०७० 
उडीद १४,८९२
भुईमूग  १५५५ 
कारळ  ११३ 
मका ४०९४
सूर्यफूल  ३,९५४ 
सोयाबीन ६७८२ 
ऊस २०२२ 

 


इतर ताज्या घडामोडी
गोरेगाव आणि देगावांतील शेतकऱ्यांच्या...अकोला  ः जिल्ह्यातील गोरेगाव व देगाव या दोन...
जळगाव जिल्ह्यात अर्ली केळी लागवड सुरूजळगाव  ः जिल्ह्यात यावल, रावेर, मुक्ताईनगर,...
...अखेर रुईखेड येथे हवामान केंद्र स्थापनअकोला  ः महावेध व हवामान आधारित फळपीक विमा...
चांदवड येथे शेतकरी संघटनेची कांदा परिषद...नाशिक  : केंद्रीय अन्न व नागरी पुरवठा मंत्री...
गोंदिया : नुकसानग्रस्तांचे डोळे लागले...सडक अर्जुनी, गोंदिया  ः खरीप हंगामात अवकाळी...
जळगाव : किसान सन्मानच्या लाभाची...जळगाव ः शासनाकडून राबविण्यात येणाऱ्या...
परभणी जिल्ह्यात नादुरुस्त बंधाऱ्यांमुळे...परभणी : जिल्हा परिषदेच्या लघू पाटबंधारे...
कर्जमुक्ती योजनेंतर्गत ७४६ शेतकऱ्यांचे...नाशिक : महात्मा ज्योतिराव फुले शेतकरी कर्जमुक्ती...
किसान सभेचे बिऱ्हाड आंदोलन मागेनाशिक  : दिंडोरी तालुक्यामध्ये गेल्या अनेक...
लातूर, उस्मानाबाद जिल्ह्यात हेक्‍टरी १०...उस्मानाबाद : दोन्ही जिल्ह्यातील कापूस व तुरीची...
पाणी सोडण्याविरुद्ध रेणा प्रकल्पस्थळी...रेणापूर, जि. लातूर : भंडारवाडी (ता. रेणापूर)...
वणवा नुकसानग्रस्तांना सिंधुदुर्ग ‘झेडपी...सिंधुदुर्ग : ‘‘वणव्यामुळे नुकसान झालेल्या...
सांगलीत ‘रोहयो’तून डाळिंब लागवडीला ‘...आटपाडी, जि. सांगली : पावणे दोन वर्षांत येथील...
पुणे जिल्ह्यात हरभऱ्याला रोग-किडीचा फटकापुणे ः रब्बी हंगामात वाफसा न झाल्याने अनेक...
नगर जिल्ह्यातील अतिवृष्टीग्रस्तांना मदत...नगर ः अतिवृष्टीमुळे झालेल्या पिकांच्या नुकसानीची...
पीकविम्याची रक्कम लवकरच ः कृषिमंत्री...मुंबई ः राज्यातील शेतकऱ्यांना १५ ते २० दिवसांच्या...
सातारा जिल्ह्यात अडीच महिन्यांत केवळ ४४...सातारा ः दुष्काळावर मात करण्यासाठी शासनाने सुरू...
मराठवाड्यातील दूध संकलनात घटऔरंगाबाद : मराठवाड्यातील दूध संकलनात गतवर्षी...
पहाटेच्या शपथविधीची विधानसभेत आठवणमुंबई ः देवेंद्र फडणवीस आणि अजित पवार यांनी...
मराठवाडी धरणग्रस्तांनी बंद पाडले धरणाचे...ढेबेवाडी, जि. सातारा : ‘आधी पुनर्वसन मगच धरण’ या...