agriculture news in marathi, Kharif sowing in Akola district decreased by six percent | Agrowon

अकोला जिल्ह्यातील खरीप पेरणी सहा टक्क्यांनी घटली
टीम अॅग्रोवन
शुक्रवार, 28 सप्टेंबर 2018

अकोला : जिल्ह्यात या हंगामात सुरवातीपासून चांगला पाऊस झाला. मात्र त्यात खंड पडल्याने खरिपाची पेरणी सरासरीच्या ८४ टक्के एवढीच होऊ शकली. जिल्ह्याचे १६ टक्के क्षेत्र पेरणीशिवाय राहिले. या हंगामात ४ लाख ४९१० हेक्टरवर पेरणी झाली असून ती मागील वर्षीपेक्षा ६ टक्क्यांनी कमी आहे. यंदा शेतकऱ्यांचा कल कापूस लागवडीकडे अधिक राहिला. जिल्ह्याच्या खरिपाचा अंतिम अहवाल तयार झाला असून त्यातून ही माहिती समोर अाली आहे.   

अकोला : जिल्ह्यात या हंगामात सुरवातीपासून चांगला पाऊस झाला. मात्र त्यात खंड पडल्याने खरिपाची पेरणी सरासरीच्या ८४ टक्के एवढीच होऊ शकली. जिल्ह्याचे १६ टक्के क्षेत्र पेरणीशिवाय राहिले. या हंगामात ४ लाख ४९१० हेक्टरवर पेरणी झाली असून ती मागील वर्षीपेक्षा ६ टक्क्यांनी कमी आहे. यंदा शेतकऱ्यांचा कल कापूस लागवडीकडे अधिक राहिला. जिल्ह्याच्या खरिपाचा अंतिम अहवाल तयार झाला असून त्यातून ही माहिती समोर अाली आहे.   

जिल्ह्यात पेरणीसाठी पोषक वातावरण होते. शेतकऱ्यांनी पेरणीचे कामही पूर्ण केले होते. परंतु पावसाच्या खंडामुळे शेतकऱ्यांनी पेरणी टाळली. त्यामुळे १६ टक्के क्षेत्रावर पेरणी झाली नाही. अशा कमी पेरणीचा हा दुसरा हंगाम अाहे. मागीलवर्षी ९० टक्के (४ लाख ३५ हजार ९११ हेक्टर) खरीप क्षेत्र लागवडीखाली अाले होते. यंदा ते ८४ टक्यांपर्यंत खाली अाले. या हंगामात एक लाख ४६ हजार ६८३ हेक्टरवर सोयाबीनची लागवड झाली होती. ही लागवड या पिकाच्या सरासरी क्षेत्राच्या ७२ टक्के अाहे. कापूस एक लाख ४३ हजार ८०२ हेक्टरवर पेरला गेला. त्याची क्षेत्राच्या ९४ टक्के लागवड झाली. जिल्ह्यात तुरीचे क्षेत्र ४७ हजार ३४१ हेक्टर अाहे. मूग ३० हजार ६६५ हेक्टर, तर उडीद २३८८५ हेक्टरवर लागवड झाला होता. मूग व उडदाचे १०० टक्के क्षेत्र लागवडी खाली अाले. शेतकऱ्यांनी सोयाबीनपेक्षा कपाशीला पसंती दिली.

मागीलवर्षी इतर पिकांच्या तुलनेत कापसाला चांगला भाव मिळाला. सोयाबीनच्या दरांबाबत सातत्याने अडचणी येत होत्या. जिल्ह्यात मूर्तिजापूर तालुक्यात सर्वात कमी म्हणजे ७६ टक्के क्षेत्रावरच लागवड झाली. या तालुक्यात ५६ हजार ३२० हेक्टरवर पेरणी झाली होती. अकोट, बाळापूर या दोन तालुक्यांत संपूर्ण क्षेत्र लागवडीखाली अाले होते. तेल्हारा, पातूर, अकोला, बार्शीटाकळी या तालुक्यांमध्ये सरासरीच्या ८० टक्क्यांपर्यंत पेरणी झाली होती. अाता खरिपाचे रिकामे क्षेत्र रब्बीच्या लागवडी खाली येत अाहे.

पेरणी क्षेत्राची टक्केवारी आणि कंसात लागवडीचे क्षेत्र (तालुकानिहाय)
अकाेट १०५ टक्के ( ७१ हजार ५५१ हेक्टर), तेल्हारा ८१ टक्के (५३ हजार ३६ हेक्टर), बाळापूर १०१ टक्के (६० हजार १६ हेक्टर), पातूर ७९ टक्के (४१हजार १२८ हेक्टर), अकाेला ८२ टक्के (८६ हजार ६२३ हेक्टर), बार्शीटाकळी  ८० टक्के (५१ हजार ५६२.६३ हेक्टर), मूर्तिजापूर   ७६ टक्के (५६ हजार ३२० हेक्टर)

इतर बातम्या
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
उद्यापासून हंगाम सुरु, पण ऊसतोड बंदच !मुंबई / पुणे  ः राज्यातील यंदाचा ऊस गाळप...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
विदर्भ, मराठवाड्यात गारठा वाढलापुणे   : किमान तापमानात घट होत असल्याने...
खतमाफियांमुळे शेतकऱ्यांची मोठी लूटपुणे : बोगस मिश्रखतांचे उत्पादन व विक्री करणाऱ्या...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...