Agriculture news in marathi Kharif sowing in the town exceeded the average | Agrowon

नगरमध्ये खरीप पेरण्यांनी सरासरी ओलांडली 

टीम अॅग्रोवन
मंगळवार, 27 जुलै 2021

नगर जिल्ह्यात खरिपाच्या पेरण्यांनी सरासरी ओलांडली आहे. आतापर्यंत ११६ टक्के म्हणजे ५ लाख २२ हजार ३०८ हेक्टरवर पेरणी झाल्याची कृषी विभागाकडे नोंद झाली आहे.

नगर : नगर जिल्ह्यात खरिपाच्या पेरण्यांनी सरासरी ओलांडली आहे. आतापर्यंत ११६ टक्के म्हणजे ५ लाख २२ हजार ३०८ हेक्टरवर पेरणी झाल्याची कृषी विभागाकडे नोंद झाली आहे. बाजरीच्या क्षेत्रात कमालीची घट झाली असून, कापसाचे क्षेत्रही यंदा साधारण बारा हजार हेक्टरने घटण्याची शक्यता निर्माण झाली आहे. खरिपातील बहुतांश पिकांच्या पेरणीचा कालावधी आता संपला आहे. 

नगर जिल्ह्यात खरिपाचे ४ लाख ४७ हजार हेक्टर क्षेत्र आहे. मध्यंतरी वीस ते पंचवीस दिवस पावसाने दडी मारली असल्याने खरिपाच्या पेरण्यांवर परिणाम झाला. पेरण्या रखडल्याने शेतकरी हवालदिल होते. त्यात कृषी विभागानेही ८० ते १०० मिलिमीटर पाऊस झाल्याशिवाय पेरणी करू नका, असा सल्ला दिला होता. गायब झालेला पाऊस आठ दिवसांपासून सुरू झाला आहे.

राज्यातील विविध भागात जोरदार पाऊस पडत असला, तरी नगर जिल्ह्यातील अकोल तालुका वगळता अन्य भागात फारसा जोरदार नाही. मात्र झालेल्या पावसावरच गेल्या आठ दिवसात बहुतांश पेरण्या उरकल्या आहेत. त्यात सतत पाऊस पडत असल्याने पिकांनीही बहर धरला आहे. 

वेळेत पाऊस आला नसल्याचा वाईट परिणाम कापूस, बाजरीच्या क्षेत्रावर परिणाम झाला आहे. बाजरीचे क्षेत्र चाळीस टक्क्यांनी तर कापसाचे क्षेत्र बारा टक्क्यांनी कमी झाल्यात जमा आहे. यंदा उडदाचे सर्वाधिक क्षेत्र वाढले आहे. सरासरीच्या तुलनेत उडदाची ४१२ टक्के, तुरीची ३२४ टक्के, मक्याची १५४ टक्के, मुगाची ११८ टक्के पेरणी झाली आहे. यंदा सोयाबीनही सरासरीच्या १८३ टक्के पेरले गेले आहे. कापसाची सरासरीच्या ८८.६२ टक्के पेरणी झाली आहे. अकोले तालुक्यात भात लागवडीलाही अजून फारसा वेग येईना. 

पेरणी झालेले हेक्टर क्षेत्र (कंसात सरासरी) 
भात ः २,१०६ (१४,०३६), खरीप ज्वारी ः १४ (१,६६६), बाजरी ः ८५,३८३ (१,४०,८९२), रागी-नागली ः २१४ (८८९), मका ः ५०,२६२ (३२,५७१), तूर ः ४९,१३९ (१५,१२१), मुग ः ४७,९२२ (४०,३७८), उडीद ः ७२,५५२ (१७,५९६), भुईमूग ः ५,८९३ (७.४३०), तीळ ः १०८ (१००), कारळे ः १८० (८७५), सूर्यफूल ः ९१ (५३४), सोयाबीन ः ९९,४२७ (५४,२९४), कापूस ः १,०१,३४० (१,१४,३५२). 


इतर ताज्या घडामोडी
मुंबै बँकेची चौकशी केवळ सुडाने आणि...मुंबई ः मुंबै बँकेच्या विरोधात चौकशी करण्याचा...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...