agriculture news in Marathi, Kharip crop and vegetables and horticulture crop damage by rain, Maharashtra | Agrowon

पावासामुळे खरीप पिके, भाजीपाल्यासह फळबागांचे मोठे नुकसान

टीम अॅग्रोवन
सोमवार, 14 ऑक्टोबर 2019

वादळी पाऊस, गारपिटीमुळे आमच्या भागात मोठे नुकसान झाले आहे. सोयाबीन, मिरची, टोमॅटोचे अधिक नुकसान झाले. अधिकारी पाहणी करून गेले. शेतकऱ्यांना शासनाने मदत देण्याची गरज आहे.
- पांडुरंग शेळके, सव, ता. जि. बुलडाणा

पुणे : राज्यात ऑक्टोबर महिन्यात झालेल्या वादळी पावसाने काढणीला आलेल्या खरीप पिकांसह भाजीपाला आणि फळबागांना मोठा तडाखा दिल्याने शेतकऱ्यांचे कोट्यवधी रुपयांचे नुकसान झाले. मध्य महाराष्ट्र, मराठवाडा, कोकणासह वऱ्हाडात नुकसानीचे प्रमाण आधिक असून, अद्यापही पंचनामे न झाल्याने शेतकऱ्यांनी तीव्र नाराजी व्यक्त केली आहे.

रायगड जिल्ह्यातील कर्जत, खालापूर, माथेरान, सुधागड. रत्नागिरी जिल्ह्यातील खेड, सिंधुदुर्गमधील दोडमार्ग, कुडाळ, वैभववाडी. ठाणे जिल्ह्यातील अंबरनाथ, मुरुड जिल्ह्यात भातपिकांसह भाजीपाला आणि वेलवर्गीय पिकांचे मोठे नुकसान झाले.  

कापूस, सोयाबीन, मका ही प्रमुख पिके असलेल्या मध्य महाराष्ट्रातील नगर जिल्ह्याच्या कर्जत, संगमनेर, श्रीरामपूर, कोल्हापुरातील चंदगड, गगणबावडा, कागल, पन्हाळा, शिरोळ, नाशिक जिल्ह्यातील हर्सुल, नाशिक, ओझरखेडा, येवला, पुणे जिल्ह्यातील बारामती, जुन्नर, आंबेगाव, खेड, लोणावळा, पुणे शहर, सांगलीतील आटपाडी, जत, कवठे महांकाळ, मिरज, सांगली, तासगाव, विटा, साताऱ्यातील दहीवडी, खटाव, कोरेगाव, सातारा, सोलापूरमधील अक्कलकोट, करमाळा, मंगळवेढा, माहोळ, पंढरपूर, सांगोला, सोलापूरमध्ये वादळी पावसाने दणका दिला आहे. 

मराठवाड्यातील नांदेड जिल्ह्याला पावसाने अक्षरश: झोडपून काढले. जिल्ह्यातील देगलूर, कंधार, मुदखेड, मुखेड, नायगाव, बीड जिल्ह्यातील अंबाजोगाई, केज, पाटोदा, जालनातील बदनापूर, जालना, लातूरमधील औसा, जळकोट, लातूर, निलंगा, उस्मानाबादमधील भूम, कळंब, परांडा, उमरगा, वाशी, परभणीतील मानवत, पाथरी, पूर्णा जिल्ह्यात वादळी वाऱ्यासह पाऊस पडला.

नुकसानग्रस्त पिके
खरीप पिके 

सोयाबीन, कपाशी, भात, मका, तूर, मूग, उडीद, बाजरी, फुले आदी. 

भाजीपाला पिके 
मेथी, कोथिंबीर, पालक, शेपू, भेंडी, ढोबळी, टोमॅटो, कांदा आदी. 

प्रामुख्याने नुकसानग्रस्त जिल्हे
मध्य महाराष्ट्र :
धुळे, नाशिक, नगर, पुणे, सातारा, सांगली, सोलापूर,
मराठवाडा:  नांदेड, उस्मानाबाद
कोकण: रायगड, रत्नागिरी, ठाणे, सिंधुदुर्ग

प्रतिक्रिया
माझे साडेचार एकर जमिनीत सोयाबीनचे पीक होतो. काढणीसाठी मजुरांची शोधाशोध करत असताना गुरुवारी (ता. १०) रात्री तब्बल दोन तास मुसळधार पाऊस पडला. त्यात काढणीला आलेल्या सोयाबीनच्या रानात गुडघ्याएवढे पाणी साचून मोठे नुकसान झाले. परिणामी आता माझा पेरणीचा व मशागतीचा खर्च निघणेसुद्धा अवघड झाले आहे. गतवर्षीही मोठे नुकसान झाले होते. पीकविमा मिळाला नाही. या वर्षी पुन्हा हे संकट दत्त म्हणून माझ्यासमोर उभे आहे.
- श्रीपत पाटील शिंदे, मांजरम, ता. नायगाव, जि. नांदेड

सतत पडणारा पाऊस आणि वादळी वारे यामुळे परिपक्व झालेल्या भातशेतीचे नुकसान होत आहे. भातशेती जमिनीला टेकली असून, लोंबी गळायला लागली आहे.
- अनंत परब, शेतकरी, खांबाळे, ता. वैभववाडी, जि. सिंधुदुर्ग


इतर अॅग्रो विशेष
शेतकरी कंपन्यांचाही ‘ई-नाम’मध्ये समावेश नवी दिल्ली: केंद्रीय कृषीमंत्री नरेंद्रसिंह तोमर...
राज्यात उन्हाचा चटका वाढला पुणे: एप्रिल महिना सुरू होताच राज्यात उन्हाच्या...
पिंपळगाव बसवंत बाजार समितीत ३० हजार...नाशिक: कोरोनाच्या पार्श्वभूमीवर मजुरटंचाई...
कोल्हापुरात तीस हजार ऊस तोडणी कामगार...कोल्हापूर: जिल्ह्यातील सुमारे तीस हजार ऊस तोडणी...
औरंगाबादमध्ये २९ टन मालाची थेट विक्रीकोरोनाच्या पार्श्‍वभूमीवर औरंगाबाद शहरात 'शेतकरी...
कोरोनामुळे कृषी पर्यटन व्यवसाय अडचणीत सातारा : कोरोनाच्या संसर्गामुळे दिवसेंदिवस बळी...
संकटावेळी तरी पंतप्रधानांनी गंभीर...मुंबई : देशात कोरोना विषाणूने थैमान घातले असून...
‘कोरोना विरोधात जाणिवेसाठी रविवारी...पुणे : ‘‘कोरोना विरोधात उभारलेल्या लढ्याची...
कोरोनाच्या निदानासाठीच्या ‘मायलॅब'ला...पुणे ः देशातील कोरोनाच्या प्रत्येक रुग्णाच्या...
कांदा विक्रीसाठी ‘पणन’चे प्रयत्नपुणे: कोरोना लॉकडाऊनमध्ये शेतमालाची पुरवठा साखळी...
दूध संकलनास टाळाटाळ करणाऱ्यांवर कारवाई...वर्धा ः  दूध संकलनास टाळाटाळ करणाऱ्या दूध...
पालघर, डहाणू, तलासरी तालुक्यात भूकंपाचे...मुंबई: पालघर जिल्ह्यात गेल्या दोन वर्षांपासून...
मोसंबी मागणीअभावी बागेतचऔरंगाबाद: परिपक्व झालेल्या मोसंबीच्या मृग...
लॉकडाऊनमुळे ‘निविष्टा’ कंपन्यांची उधारी...पुणे: लॉकडाऊनमुळे राज्यातील खते, बियाणे व कीडनाशक...
तीन दिवसांत एक हजार वीस टन द्राक्ष ...पुणे ः कोरोना विषाणूमुळे राज्यातील द्राक्ष...
विदर्भ, मराठवाड्यात पुर्वमोसमी पावसाचा...पुणे : राज्यात उन्हाचा चटका चांगलाच वाढल्याने...
हरभरा खरेदीच्या नोंदणीसाठी मुदतवाढमुंबई: किमान आधारभूत किंमत योजनेअंतर्गत हमी...
हापूसच्या निर्यातीसाठी युद्धपातळीवर...मुंबई: कोरोना विषाणूचा प्रादुर्भाव रोखण्यासाठी...
लॉकडाऊन संपल्यानंतर राज्यांनी गर्दी...मुंबई : लॉकडाऊन संपविल्यानंतर १५ एप्रिलला लगेच...
रासायनिक खतांचा काळाबाजार होईल; गाफील...पुणे: “देशात रासायनिक खतांचा मुबलक साठा आहे....