agriculture news in marathi, kharip crop loan distribution status, pune, maharashtra | Agrowon

पुणे जिल्ह्यात ७६६ कोटींचे पीककर्ज वाटप
टीम अॅग्रोवन
गुरुवार, 7 जून 2018

पुणे  ः जिल्हा बॅंकेकडून शेतकऱ्यांना खरिपासाठी एप्रिल महिन्यापासून पीककर्जाचे वाटप करण्यात येत आहे. दोन महिन्यांत जिल्हयातील ९९ हजार २८० शेतकऱ्यांना ७६६ कोटी ३० लाख रुपयांचे पीककर्ज वाटप करण्यात आले आहे. यात सर्वाधिक कर्जवाटप टोमॅटो उत्पादकांना करण्यात आले आहे. खरीप पीककर्ज घेताना शेतकऱ्यांना अडचणी येत असतील, तर त्यांनी पुणे जिल्हा बॅंकेच्या शाखांशी संपर्क साधण्याचे आवाहन बॅंकेच्या सूत्रांनी केले आहे.

पुणे  ः जिल्हा बॅंकेकडून शेतकऱ्यांना खरिपासाठी एप्रिल महिन्यापासून पीककर्जाचे वाटप करण्यात येत आहे. दोन महिन्यांत जिल्हयातील ९९ हजार २८० शेतकऱ्यांना ७६६ कोटी ३० लाख रुपयांचे पीककर्ज वाटप करण्यात आले आहे. यात सर्वाधिक कर्जवाटप टोमॅटो उत्पादकांना करण्यात आले आहे. खरीप पीककर्ज घेताना शेतकऱ्यांना अडचणी येत असतील, तर त्यांनी पुणे जिल्हा बॅंकेच्या शाखांशी संपर्क साधण्याचे आवाहन बॅंकेच्या सूत्रांनी केले आहे.

खरीप हंगामात शेतकऱ्यांना अर्थिक अडचणी भासू नये म्हणून बॅंकेने चालू वर्षी १६९८ कोटी ४२ लाख ७६ हजार रुपयांचे पीककर्ज वाटपाचे उद्दिष्ट ठेवले आहे. हे पीक कर्ज बॅंकेचे सभासद असलेल्या शेतकऱ्यांना मिळत आहे. जिल्ह्यात आतापर्यंत ४५ टक्के पीककर्जाचे वाटप झाले आहे. शेतकऱ्यांना तीन लाखांपर्यत शून्य टक्के व्याजदराने ऊस, टोमॅटो, कांदा, बटाटा, फळबाग, केळी, डाळिंब, आंबा, गुलाब, जरबेरा, ढोबळी मिरची, भात, ज्वारी, बाजरी, भुईमूग अशा विविध पीकांसाठी पीककर्ज दिले जाते.

पुणे जिल्ह्यातील शेतकरी खरीप हंगामात मोठ्या प्रमाणावर टोमॅटोचे पीक घेतात. यामध्ये जुन्नर, आंबेगाव, खेड हे तालुके आघाडीवर आहे. अलीकडील काळात अनेक शेतकरी मल्चिंग आणि ठिबक सिंचनाचा अवलंब करून टोमॅटो पीक घेऊ लागले आहेत. परंतु आर्थिक अडचणींमुळे अनेक शेतकरी बॅंकेकडून पीककर्ज घेण्यास प्राधान्य देत आहेत. दोन महिन्यांत तब्बल ५५ हजार २९ हजार शेतकऱ्यांनी ४८ हजार ८१ हेक्‍टरसाठी ३४६ कोटी २ लाख ४७ हजार रूपयांचे पीक कर्ज घेतले आहे.

बॅंकेचे पूर्वीचे जवळपास सव्वा लाख शेतकरी सभासद आहेत. यंदा बारामती व भोर तालुक्‍यात पुन्हा नव्याने ६२ शेतकरी सभासद झाले आहेत. या सभासद शेतकऱ्यांना सुमारे २३ लाख ८ हजार रूपयाचे पीक कर्ज वाटप केले आहे. नव्याने पीककर्ज घेण्यास इच्छुक असलेल्या शेतकऱ्यांना बॅंकेने सभासद होण्याचे आवाहन केले असून, त्यांनाही पीक कर्ज दिले जाणार आहे.  

तालुकानिहाय शेतकरी संख्या व कंसात पीक कर्जाचे वाटप (कोटी, रूपये) ः आंबेगाव १२,४४७ (८१. ४६), बारामती ५९७९ (४४.०६), भोर ४७०० (२८.९६), दौंड ६७३९ (७३.३९), हवेली २२८५ (१८.९०), इंदापूर ७२३९ (८३.९४),  जुन्नर २२,१५४ (१५२.१८) खेड १६४९७ (९८.९४), मावळ ३०१९ (१९.६८), मुळशी १३०७ (८.६०), पुरंदर ६०४७ (४३.३०), शिरूर ९७५१ (१०६.९१), वेल्हा १११६ (५.९२). 

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...