agriculture news in marathi, kharip crop season meeting, nagpur, maharashtra | Agrowon

पीककर्ज नाकारणाऱ्या बॅंकांची करणार रिझर्व्ह बॅंकेकडे तक्रार : खोत

टीम अॅग्रोवन
शनिवार, 9 जून 2018

नागपूर  ः खरीप हंगाम तोंडावर असताना राज्याच्या काही भागांत शेतकऱ्यांना पीककर्ज मिळण्यात अडचणी येत असल्याच्या तक्रारी आहेत. प्रशासकीय यंत्रणेने यासंदर्भाने लक्ष घालत या अडचणी दूर कराव्यात. त्यासोबतच शेतकऱ्यांना पीककर्ज देण्यास टाळाटाळ करणाऱ्या बॅंकांविरोधात राज्य सरकार रिझर्व्ह बॅंकेकडे कारवाईची शिफारस करणार असल्याचे कृषी राज्यमंत्री सदाभाऊ खोत यांनी सांगितले.

नागपूर  ः खरीप हंगाम तोंडावर असताना राज्याच्या काही भागांत शेतकऱ्यांना पीककर्ज मिळण्यात अडचणी येत असल्याच्या तक्रारी आहेत. प्रशासकीय यंत्रणेने यासंदर्भाने लक्ष घालत या अडचणी दूर कराव्यात. त्यासोबतच शेतकऱ्यांना पीककर्ज देण्यास टाळाटाळ करणाऱ्या बॅंकांविरोधात राज्य सरकार रिझर्व्ह बॅंकेकडे कारवाईची शिफारस करणार असल्याचे कृषी राज्यमंत्री सदाभाऊ खोत यांनी सांगितले.

येथील विभागीय आयुक्‍त कार्यालयात नागपूर विभागस्तरीय खरीप हंगाम आढावा बैठक शुक्रवारी (ता.८) झाली. या वेळी कृषी राज्यमंत्री खोत बोलत होते. बैठकीला विभागीय आयुक्‍त अनुपकुमार, विभागीय कृषी सहसंचालक एन. टी. शिसोदे, नागपूर विभागाच्या सहा जिल्ह्यांतील जिल्हा अधीक्षक कृषी अधिकारी, जिल्हाधिकारी, जिल्हा व तालुका उपनिबंधक उपस्थित होते.

या वेळी पीककर्ज नाकारणाऱ्या बॅंकांवर कारवाईसाठी राज्य शासन पुढाकार घेणार असल्याचे सांगत श्री. खोत म्हणाले, की या वर्षीच्या हंगामात बियाणे किंवा इतर निविष्ठांच्या उपलब्धतेच्या अडचणींबाबत शेतकऱ्यांच्या तक्रारी येण्याची शक्‍यता कमी आहे. बॅंकांकडून पीककर्जासाठी अडवणुकीच्या तक्रारी मात्र हंगामाच्या सुरवातीलाच वाढल्या आहेत. त्याची दखल शासन स्तरावरून घेण्यात आली असून, अशा बॅंकांविरोधात रिझर्व्ह बॅंकेकडे तक्रार केली जाणार आहे.

बोंड अळीचा प्रादुर्भाव होऊ नये, याकरिता कृषी विभाग, कृषी विद्यापीठ स्तरावरून राबविण्यात येत असलेल्या जागृती अभियानाबद्दल त्यांनी माहिती घेतली. कृषी विभागाच्या या संदर्भाने नियोजनाचे त्यांनी कौतुक केले. कमी वेळेत येणाऱ्या वाणाच्या लागवडीबाबत शेतकऱ्यांमध्ये अधिक जागृती झाल्यास बोंड अळीवर नियंत्रण शक्‍य आहे. या वर्षी ३७० वाणांनाच शासनाने परवानगी दिली आहे. परिणामी, बाजारात अवैध बियाण्यांवर नियंत्रण सोपे होईल. कृषी विभागाच्या गुणनियंत्रण शाखेने या संदर्भाने दक्ष राहण्याचा सल्ला त्यांनी दिला. बीजी-३ अर्थात हर्बीसाइड टॉलरंट बियाण्यांच्या कारवाईबाबत त्यांनी बैठकीत माहिती घेतली. सरकारची परवानगी नसलेले बियाणे किंवा इतर कोणत्याही निविष्ठा शेतकऱ्यांपर्यंत पोचू नये, असे त्यांनी सांगितले.


इतर ताज्या घडामोडी
हिवाळी अधिवेशनात कर्जमाफी घोषणेची...पुणे : महाविकास आघाडीच्या किमान समान...
हिवाळी अधिवेशनात अंतिम आठवडा प्रस्तावच...मुंबई  ः येत्या सोमवारपासून नागपूर येथे सुरू...
गायीच्या दूध खरेदी दरात एक रुपयाने वाढपुणे  ः परराज्यांसह भुकटी उद्योगांकडून...
लाल कांद्याच्या दरात सुधारणा नाशिक  : दरवर्षीच्या प्रमाणे लाल कांद्याची...
सोलापूर जिल्ह्यातील नुकसानीपोटी मिळणार...सोलापूर  : ऑगस्टमध्ये आलेल्या महापुरात...
ठाकरे सरकारचे उद्यापासून पहिलेच अधिवेशनमुंबईः नागपूर येथील छोटेखानी हिवाळी अधिवेशनात...
ग्रासपेंटिंगच्या माध्यमातून...शिराढोण ः उस्मानाबाद जिल्ह्यातील निपाणी (ता. कळंब...
तनपुरे कारखाना चालावा ही जिल्हा बॅंकेची...नगर : "डॉ. बाबूराव तनपुरे सहकारी साखर कारखान्याची...
औरंगाबादमध्ये कांदा १२०० ते ८००० रुपये...औरंगाबाद : येथील कृषी उत्पन्न बाजार...
नांदेड, परभणी, हिंगोलीत नुकसानीपोटी ५७८...नांदेड : अवेळी पावसामुळे झालेल्या पिकांच्या...
कोल्हापुरात पुष्प प्रदर्शनास प्रारंभकोल्हापूर  : गार्डन्स क्लब आणि कोल्हापूर...
कळवण येथे शेतकरी संघटनेचे निर्बंधमुक्ती...नाशिक  : शेतकरी संघटनेचे संस्थापक शरद जोशी...
नुकसानीमुळे पीककर्जाकडे शेतकऱ्यांचा कल पुणे ः अतिपावसामुळे खरीप पिकांचे नुकसान...
सटाणा शहरात कचऱ्यापासून होणार...नाशिक : सटाणा शहराने स्वच्छतेच्या बाबतीत...
पुणे जिल्हा परिषद अध्यक्ष पदासाठी आज...पुणे ः पुणे जिल्हा परिषदेच्या अध्यक्ष पदासाठी...
औरंगाबाद, जालना, बीड जिल्ह्यांत कापूस...औरंगाबाद : आधी दुष्काळाचा ताण, त्यानंतर...
पुणे जिल्ह्यात ग्रामपंचायतींच्या...पुणे ः जिल्ह्यात पुढील वर्षी जुलै ते डिसेंबर २०२०...
काळ्या ज्वारीमुळे शासकीय खरेदीला ब्रेकअमरावती  ः अचलपूर खरेदी विक्री संघाला ज्वारी...
मराठवाड्यातील १४ लाख ५५ हजार हेक्‍टरवर...उस्मानाबाद : मराठवाड्यातील आठही जिल्ह्यांत १४ लाख...
अकोल्यात सोयाबीन पोचले ४१०० पर्यंतअकोला ः येथील कृषी उत्पन्न बाजार समितीत सोयाबीनला...