agriculture news in marathi, kharip crop sowing status, pune, maharashtra | Agrowon

पुणे जिल्ह्यात ३८ हजार हेक्टरवर खरिपाची पेरणी
टीम अॅग्रोवन
मंगळवार, 10 जुलै 2018

पुणे : जून महिन्यात पडलेल्या पावसाच्या खंडाचा फटका खरीप पेरणीला बसला आहे. पुणे जिल्ह्यात खरिपाचे सरासरी क्षेत्र दोन लाख ३० हजार ८२६ हेक्‍टर आहे. त्यापैकी रविवार अखेरपर्यंत (ता.८) अवघ्या ३८ हजार ५२५ हेक्‍टरवर म्हणजेच सरासरी १६ टक्के क्षेत्रावर पेरणी झाली आहे. गेल्या वर्षीच्या तुलनेत यंदा आतापर्यंत १६ टक्‍क्‍यांनी पेरणी क्षेत्रात घट झाल्याचे दिसून येत असल्याचे कृषी विभागाने सांगितले.   

पुणे : जून महिन्यात पडलेल्या पावसाच्या खंडाचा फटका खरीप पेरणीला बसला आहे. पुणे जिल्ह्यात खरिपाचे सरासरी क्षेत्र दोन लाख ३० हजार ८२६ हेक्‍टर आहे. त्यापैकी रविवार अखेरपर्यंत (ता.८) अवघ्या ३८ हजार ५२५ हेक्‍टरवर म्हणजेच सरासरी १६ टक्के क्षेत्रावर पेरणी झाली आहे. गेल्या वर्षीच्या तुलनेत यंदा आतापर्यंत १६ टक्‍क्‍यांनी पेरणी क्षेत्रात घट झाल्याचे दिसून येत असल्याचे कृषी विभागाने सांगितले.   

गेल्या वर्षी जून महिन्यात वेळेवर पाऊस झाल्यामुळे शेतकऱ्यांनी वेळेवर पेरण्या केल्या होत्या. जिल्ह्यात गतवर्षी याच कालावधीत ७४ हजार ८८९ हेक्‍टरवर म्हणजेच ३२ टक्के पेरणी झाली होती. यंदा हवामान विभागाने पावसाचा चांगला अंदाज दिला होता. मात्र, वेळेवर पाऊस सुरू न झाल्याने उपलब्ध खरीप पेरण्या लांबणीवर पडल्या होत्या. त्यातच १० ते २० जून या कालावधीत जिल्ह्यात पावसाचा खंड व पेरणीयोग्य पाऊस न झाल्याने खरीप पेरण्यांना उशिराने सुरवात झाली.

आत्तापर्यंत भात, बाजरी, मका, तूर, मूग, उडीद, भुईमूग, कारळे, सोयाबीन या पिकांच्या पेरण्या झाल्या आहेत; परंतु गेल्या वर्षीच्या तुलनेत भात लागवडीत सात टक्‍क्‍यांपर्यंत घट झाली आहे. खरीप ज्वारीच्या पेरणी क्षेत्रात सात, बाजरीच्या पेरणी क्षेत्रात ३३, मका पेरणी क्षेत्रात ४८, तुरीच्या पेरणी क्षेत्रात २२, मुगाच्या क्षेत्रात ६९, उडदाच्या क्षेत्रात ७३, भुईमुगाच्या क्षेत्रात सहा टक्के घट झाली आहे. कारळे पिकाच्या क्षेत्रात सहा, सूर्यफुलाच्या क्षेत्रात एक, सोयाबीन पिकाच्या पेरणीच्या क्षेत्रात २९ टक्‍क्‍यांनी वाढ झाली आहे. 

जिल्ह्यात भाताचे ७२ हजार ९५३ हेक्‍टर क्षेत्र आहे. हे सर्व क्षेत्र भोर, वेल्हा, मावळ, मुळशी, खेड, आंबेगाव, जुन्नर तालुक्‍याच्या पश्‍चिम भागात आहे. भात लागवडीसाठी जिल्ह्यात सुमारे पाच हजार ८२० हेक्‍टरवर भात रोपवाटिका तयार झाल्या आहेत. जूनमध्ये पडलेल्या पावसाच्या खंडामुळे भाताच्या पुनर्लागवडी लांबल्या असून आत्तापर्यंत अवघ्या तीन हजार १०३ हेक्‍टरवर पुनर्लागवडी झाल्या आहेत.

बाजरी पिकांचे ४४ हजार ९४ हेक्‍टर एवढे क्षेत्र आहे. पूर्वेकडील शिरूर, दौंड, इंदापूर, बारामती, पुरंदर, खेड, आंबेगाव, जुन्नर या तालुक्‍यांत हे पिके घेतले जाते. आत्तापर्यंत बाजरीची अवघी १३ हजार १४० हेक्‍टरवर पेरणी झाली आहे. उर्वरित मूग, उडीद, भुईमूग, सोयाबीन, मका या पिकांची अत्यंत कमी क्षेत्रावर पेरणी झाली आहेत.  
 

प्रमुख पिकनिहाय झालेली पेरणी ः (क्षेत्र, हेक्‍टर)
पीक  सरासरी क्षेत्र पेरणी झालेली क्षेत्र  टक्के
भात    ७२,९५३  ३१०३
ज्वारी     ७०६१ १६
बाजरी ४४,०९४  १३,१४०  ३०
मका ११,१८३  ४१०५  ३७
इतर तृणधान्ये  ३३२७
तूर ३५६३   २२८
मूग  ८०६९ १९११ २४
उडीद ३०६४  ३९५ 
इतर कडधान्ये १४,६१७ 
भुईमूग ४१,४०९ ६२०५ १५
तीळ  १७८७
कारळे २४७७ १४१
सूर्यफूल  ९४१  १४   १
सोयाबीन ५२००  ९२१४ १७७
इतर तेलबिया ३०९ १० 

 

इतर ताज्या घडामोडी
उद्योजकांच्या कर्जमाफीसाठी सरकारची मदत...अकलूज, जि. सोलापूर : ‘‘देशातील काही श्रीमंत...
फांगदर येथे वाचन प्रेरणा दिनानिमित्त...नाशिक : देवळा तालुक्यातील फांगदर येथील...
यवतमाळ जिल्ह्यात ओल्या दुष्काळानंतरही...यवतमाळ  ः भूजल सर्व्हेक्षण विभागाने केलेल्या...
बागलाण व देवळा तालुक्यांत बाजरी काढणीला...नाशिक : बागलाण व देवळा तालुक्यांत लष्करी...
परभणी जिल्ह्यात कृषी संजीवनींतर्गत २१...परभणी : जिल्ह्यात जागतिक बॅंकेच्या अर्थसहाय्याने...
हमीभावापेक्षा कमी दराने कापसाची खरेदीनांदेड : नांदेड, परभणी, हिंगोली जिल्ह्यांतील...
सांगली जिल्ह्यात अतिवृष्टीमुळे...सांगली : महापुरात खरीप पिकांचे मोठे नुकसान...
बीड जिल्ह्यात हमीभाव शेतीमाल खरेदीची...बीड : हमीदराने शेतीमाल खरेदीच्या नोंदणीत...
भाजप सरकारच्या काळात शेतकरी आत्महत्या...बीड : आम्ही विविध भागात औद्योगिक वसाहती आणि...
पुणे जिल्ह्यातील ३१७६ हेक्टर क्षेत्राला...पुणे  ः जिल्ह्यात २५ सप्टेंबरला झालेल्या...
पुणे जिल्ह्यात होणार २३५४ पीककापणी...पुणे   ः पिकांची उत्पादकता आणि पीकविमा...
पुणे जिल्ह्यात लसीकरण पडताळणीसाठी...पुणे  : महाराष्ट्र राज्य लाळ खुरकूत रोगमुक्त...
नगर जिल्ह्यात बाराशे हेक्टरवर ज्वारी...नगर : कृषी विभागाच्या उन्नत शेती समृद्ध...
सातारा जिल्ह्यात पावसाची उघडीप; खरीप...सातारा  ः पावसाने उघडीप दिल्याने खरिपातील...
रविकांत तुपकर यांचा पुन्हा `स्वाभिमानी`...कोल्हापूर : स्वाभिमानी शेतकरी संघटनेच्या अंतर्गत...
वऱ्हाडात टेक्स्टटाइल, अन्न प्रक्रिया...अकोला  ः विदर्भातील वऱ्हाड हा भाग...
पावसाळी वातावरणात डाऊनी नियंत्रणासाठी...सर्वच द्राक्ष विभागामध्ये गुरुवार ते सोमवार (ता....
लातूर, उस्मानाबाद, नांदेड, हिंगोली,...उस्मानाबाद : मराठवाड्यातील लातूर, उस्मानाबाद...
धुळे : कांदा दरप्रश्‍नी शेतकरी संघटनेचे...धुळे  ः कांद्याचे दर बऱ्यापैकी वाढल्याने...
शिराळा तालुक्यात भाताचे उत्पादन २०...सांगली : शिराळा पश्‍चिम भाग हा भातपिकाचे माहेरघर...