agriculture news in marathi, kharip crop sowing status in state, pune, maharashtra | Agrowon

राज्यात खरिपात ९४ टक्के पेरा
टीम अॅग्रोवन
शनिवार, 25 ऑगस्ट 2018

पावसाअभावी काही तालुक्यांमध्ये चिंतेचे वातावरण होते. गेल्या काही दिवासांपासून राज्यभर दमदार पाऊस झाल्यामुळे पिकांना जीवदान मिळाले आहे. तसेच या पावसामुळे आगामी रबी हंगामासाठीदेखील पोषक वातावरण तयार झाल्याचे दिसत आहे. पावसामुळे पिकांवरील कीड रोगांना देखील नैसर्गिकरित्या काही प्रमाणात अटकाव बसेल.
- सच्चिंद्र प्रताप सिंह,  कृषी आयुक्त

पुणे   : राज्यभरात झालेल्या दमदार पावसामुळे खरिपावर आलेले मळभ दूर झाले आहे. आतापर्यंत ९४ टक्के पेरा झाला असून, आता केवळ धानाच्या पुनर्लागवडीची कामे राज्यात सुरू आहेत.

राज्यातील ३० तालुक्यांमध्ये ऑगस्टच्या पंधरवड्यापर्यंत अपेक्षित पाऊस नव्हता. त्यामुळे काही भागातील पिके जळू लागली होती. पावसाअभावी कीडरोगाच्या प्रसाराला पोषक वातावरण तयार झाल्यामुळे शेतकरी चिंतेत होते. मात्र, गेल्या आठवडाभरात झालेल्या दमदार पावसामुळे खरिपावरील संभाव्य संकटाची तीव्रता कमी झाल्याचे मानले जात आहे.

राज्यात शेतकऱ्यांनी खरीप हंगामातील १४० लाख हेक्टर क्षेत्रापैकी जवळपास १३३ लाख हेक्टरवर पेरा पूर्ण केला आहे. गेल्या हंगामात याच कालावधीत पेरा १३८ लाख हेक्टरच्या आसपास झालेला होता. जुनच्या अखेरीस पावसाचा खंड पडल्यामुळे यंदा पेरण्या काही भागात रेंगाळल्या. त्यानंतर पुन्हा वाढीच्या अवस्थेला पूरक ठरणारा पाऊस गेल्या काही दिवसांपासून झाला नव्हता.
आता मात्र पिके संकटातून बाहेर आली आहेत, असे कृषी विभागाच्या सूत्रांनी स्पष्ट केले.

राज्यातील खरीप पेरण्यांचा कल पाहिल्यास सोयबीनच्या पेऱ्यात चांगली वाढ झाली आहे. मात्र, कपाशीचा पेरा गेल्या हंगामाच्या तुलनेत कमी राहण्याची शक्यता आहे. राज्यात सोयाबीनचे सरासरी क्षेत्र ३५.५३ लाख हेक्टर आहे. गेल्या हंगामात पेरा ३८ लाख हेक्टरच्या आसपास होता. यंदा मात्र सोयाबीनचा पेरा ३९ लाख हेक्टरपर्यंत झाला आहे.

कपाशीचे सरासरी क्षेत्र ४२ लाख हेक्टर असताना यंदा पेरा ४० लाख ६२ हजार हेक्टरवर स्थिरावला आहे. कडधान्याचा पेरादेखील काही प्रमाणात यंदा कमी झाला आहे. कडधान्याचे राज्याचे सरासरी क्षेत्र २०.५४ लाख हेक्टरचे असून, गेल्या हंगामात शेतकऱ्यांनी याच कालावधीत २२.५६ लाख हेक्टर क्षेत्रावर पेरा केला होता. यंदा आतापर्यंत २० लाख २८ हजार हेक्टरच्या आसपास कडधान्यांचा पेरा झाला आहे.
 

इतर ताज्या घडामोडी
रत्नागिरी जिल्ह्याला पावसाने झोडपलेरत्नागिरी ः मुसळधार पावसाने जिल्ह्याला चांगलेच...
गोसे खुर्दमधून होणार चार हजार हेक्‍टरवर...चंद्रपूर ः धानपट्ट्यात पावसाअभावी अस्वस्थता आहे....
नाशिक जिल्ह्यात धरणांच्या तपासणीसाठी...नाशिक : जिल्ह्यातील धरणांच्या सुरक्षितेतसाठी...
पेठ तालुक्यात जमिनीतून निघताहेत...नाशिक : पेठ तालुक्यातील निरगुडे गावात दोन...
जळगावात लाल कांद्याचे दर आणि आवक टिकूनजळगाव ः जिल्ह्यातील प्रमुख बाजार, उपबाजारांमध्ये...
नाशिकमध्ये हिरवी मिरची प्रतिक्विंटल...नाशिक ः नाशिक कृषी उत्पन्न बाजार समितीमध्ये चालू...
पुणे, नगर जिल्ह्यात पावसाअभावी चारा...पुणे  : पावसाळ्यात जनावरांसाठी चाऱ्याची अडचण...
`स्वाभिमानी`चे नाशिक जिल्हा बॅंकेसमोर...नाशिक : जिल्हा बँक ही शेतकऱ्यांची बँक आहे. ती...
आदित्य ठाकरेंच्या नेतृत्वाखाली...मुंबई   : युवा सेनाप्रमुख आदित्य ठाकरे...
नवती केळी दरात सुधारणाजळगाव  ः खानदेशात दर्जेदार नवती केळीच्या...
रत्नागिरीत भात लागवड अंतिम टप्प्यातरत्नागिरी   ः जिल्ह्यात उशिरा पण...
रत्नागिरी जिल्ह्यातील आठ हजार शेतकरी...रत्नागिरी : छत्रपती शिवाजी महाराज शेतकरी सन्मान...
नगर जिल्ह्यातील ४८२ गावांमध्ये...नगर  ः पावसाळ्याचा एक महिना उलटून गेला असला...
नाशिकमध्ये ७९१ कोटींच्या प्रारूप...नाशिक : पालकमंत्री गिरीश महाजन यांच्या...
दक्षिण महाराष्ट्रात देशी बेंदूर...कोल्हापूर : वर्षभर काबाडकष्ट करणाऱ्या...
सांडपाणी प्रक्रियेची ‘रीड बेड पद्धती’रीड बेड पद्धतीची सांडपाणी शुद्धीकरणाची...
‘शेतकरी सन्मान’साठी रत्नागिरीतील दीड...रत्नागिरी   : पंतप्रधान शेतकरी सन्मान...
वृक्ष संवर्धनासाठी नागरिक, कर्मचारी...परभणी ः वसंतराव नाईक मराठवाडा कृषी...
नांदेड जिल्ह्यात साडेपाच लाख हेक्टरवर...नांदेड ः नांदेड जिल्ह्यात यंदाच्या खरीप हंगामात...
...तर रासायनिक खते, कीटकनाशकांचे ...पुणे  ः  केंद्र सरकारच्या वतीने झिरो...