अमरावती जिल्ह्यात दुबार पेरणीचे संकट

संग्रहित छायाचित्र
संग्रहित छायाचित्र

अमरावती   ः जिल्ह्यातील चौदाही तालुक्यांत सरासरीच्या तुलनेत कमी पाऊस झाला आहे. परिणामी, येत्या दोन ते तीन दिवसांत पाऊस न झाल्यास तीन ते साडेतीन लाख हेक्‍टरवर दुबार पेरणीचे संकट उभे राहणार आहे.

या वर्षी समाधानकारक पावसाचा अंदाज हवामान विभागाकडून वर्तविण्यात आला होता. असे असताना रोहिणी, मृग नक्षत्र कोरडे गेले. आर्द्रा नक्षत्रात पावसाला सुरवात झाली. हवामान विभागाकडून २४ जूनपासून मॉन्सूनच्या सक्रियतेची घोषणा करण्यात आली. या माध्यमातून शेतकऱ्यांना मिळालेला दिलासा अल्पसा ठरला. जूनच्या अखेरीस पावसाला सुरवात झाल्यानंतर पुन्हा पावसाने दडी मारली. त्यामुळे पहिल्या टप्प्यात पेरण्या झालेल्या पिकांनी माना टाकल्या, तर ६ ते ७ जूननंतर पेरणी झालेल्या जमिनीत ओलावाच नसल्याने बीजांकुर करपायला लागले आहेत.

कृषी विभागाच्या माहितीनुसार, जिल्ह्यात खरीप पिकांचे सरासरी क्षेत्र सात लाख २८ हजार हेक्‍टर असून, त्यापैकी चार लाख ५४ हजार हेक्‍टर क्षेत्रात सद्यःस्थितीत पेरणी झाली आहे. पेरणीची टक्‍केवारी ६२ आहे. यामध्ये सर्वाधिक १ लाख ८६ हजार ६६७ हेक्‍टर क्षेत्रात कपाशी, १ लाख ६९ हजार ७७९ हेक्‍टर क्षेत्रात सोयाबीन आहे. याव्यतिरिक्‍त ६७ हजार ६७४ हेक्‍टरवर तूर आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com