agriculture news in marathi, kharip crops become in trouble due to lack of rain, nagar, maharashtra | Agrowon

नगर जिल्ह्यात पावसाअभावी पिकांची वाढ खुंटली

टीम अॅग्रोवन
शुक्रवार, 3 ऑगस्ट 2018

यंदाच्या पावसाळ्यात सुरवातीला थोडा पाऊस झाला. त्यानंतर पाऊस झाला नाही. पेरण्या केलेल्या असल्या तरी पिके कशी जगवावीत, याची शेतकऱ्यांना चिंता आहे. अजून काही दिवस पाऊस झाला नाही तर पिके वाया जाण्याची शक्‍यता आहे. पाऊस नसल्याने प्रत्येक शेतकरी काळजीत आहे.
- राजेंद्र पवार, रुईगव्हाण, ता. कर्जत.

नगर   ः जिल्ह्यात गेल्या २० ते २२ दिवसांपासून पाऊस गायब झाला आहे. त्यामुळे जिल्ह्यातील सुमारे चार लाख हेक्‍टरपेक्षा अधिक क्षेत्रावरील पिके अडचणीत आली आहेत. पाऊस नसल्याने खरीप पिकांची वाढ खुटली आहे. त्याचा थेट फटका उत्पादनाला बसणार असल्याचे दिसत आहे. अजून आठ दिवस पाऊस झाला नाही, तर बऱ्याच ठिकाणी पिके वाया जाण्याची स्थिती निर्माण झाली आहे.

जिल्ह्यामध्ये खरिपाचे सरासरी क्षेत्र ४ लाख २४ हजार ४९६ हेक्‍टर असून, त्यापैकी यंदा ३ लाख ७४ हजार ४३० हेक्‍टर क्षेत्रावर पेरणी झाली आहे. खरिपात कापूस, भात, बाजरी, तूर, मूग, उडदासोबत सोयाबीनचे क्षेत्र महत्त्वाचे असते. मुळात यंदा पावसाळा सुरु होऊन दोन महिने झाले तरी अकोल्यातील आदिवासी, डोंगराळ भाग वगळता जिल्ह्याच्या कोणत्याही भागात जोरदार पाऊस झाला नाही. पावसाअभावी सुरवातीच्या काळात पेरण्यांना फारसा वेग आला नव्हता, मात्र पेरण्याचा कालावधी संपत आल्याने शेतकऱ्यांनी अल्प पावसावरच पेरण्या उरकल्या. पेरलेले उगवले खरे, मात्र आता तब्बल २० ते २२ दिवसांपासून पावसाने ओढ दिल्याने आता पिके धोक्‍यात आली आहेत.

जामखेड, कर्जत, शेवगाव, पाथर्डी, पारनेर, संगमनेर, नगर तालुक्‍यात बहुतांश पिके पावसावरच अवलंबून आहेत. आता पेरलेली पिके पाण्याअभावी माना टाकू लागली आहेत. विशेषतः ऊस, डाळिंब, चारापिके यांना त्याचा सर्वाधिक फटका बसत आहे. गेल्या तीन-चार वर्षांपासून सातत्याने खरिपामध्ये तूर व सोयाबीन या पिकांची पेरणी मोठ्या प्रमाणात होऊ लागली आहे. यंदाही सरासरीच्या पुढे पेरणी झाली आहे. मात्र पाऊस गायब झाल्याने शेतकऱ्यांमध्ये चिंता पसरली आहे. अजून आठ दिवस पाऊस झाला नाही तर बाजरी, कापूस, मूग, तूर, सोयाबीन, उडदाला सर्वाधिक फटका बसणार आहे.
 


इतर बातम्या
पुणे जिल्ह्यात `कृषी, उद्योग, ऊर्जा’...पुणे : जिल्ह्याच्या २०२०-२१ च्या प्रारूप वार्षिक...
‘टेंभू’चे आवर्तन पुढील आठवड्यात...सांगली : टेंभू उपसा सिंचन योजनेचे आवर्तन सुरू करा...
भंडारा : केवळ खरेदी केंद्रांवरच मिळतोय...भंडारा : महाविकास आघाडीकडून ५०० रुपयांचे बोनस आणि...
जळगाव जिल्ह्यात शासकीय धान्य खरेदीला...जळगाव : जिल्ह्यातील तीन केंद्रांमध्ये सोयाबीनची व...
सातारा जिल्ह्यात दहा हजार हेक्‍टरवर...सातारा : जिल्ह्यात रब्बी हंगामातील कांद्याची...
हरितक्रांती घडविताना सुपीकता हरवली:...अकोला : अन्नधान्य निर्मितीचे उद्दिष्ट पूर्ण...
लातूर विभागात रब्बीत बारा लाख हेक्‍टरवर...लातूर : लातूर कृषी विभागांतर्गत लातूर,...
उद्योगांच्या दबावाने कापूस निर्यात बंदी...पुणे ः कापसाला आंतरराष्ट्रीय पातळीवर चांगले दर...
वाइन उद्योगाला अडचणीतून मुक्त करणार ः...नाशिक : वाइन उद्योगाला मागील काही दिवसांपासून...
सत्तावीस लाख शेतकऱ्यांचे ‘आधार’ रखडलेपुणे: शेतकऱ्यांच्या आधार संलग्न बॅंक खात्यात...
गोंदिया : सौरकृषिपंप उभारणीचे कार्यादेश...गोंदिया  ः राज्य शासनाची ‘मुख्यमंत्री...
वायफाय मोफत हवाय? घरपट्टी, पाणीपट्टी भराकोल्हापूर : ‘‘वायफाय मोफत हवाय? घरपट्टी व...
कर्जमाफीचा शब्द पाळू ः मुख्यमंत्रीइस्लामपूर, जि. सांगली ः कर्जमाफीचा आम्ही दिलेला...
अकोला जिल्ह्यात मजूरटंचाईमुळे कापूस...अकोला ः शेतीकामांसाठी दिवसेंदिवस मजूर समस्या भीषण...
सावित्रीच्या लेकींचा जागर करीत घराच्या...नाशिक : क्रांतिज्योती सावित्रीबाई फुले जयंतीचे...
उत्तर महाराष्ट्रात अधिक गारठापुणे : राज्यात गारठा वाढला असला तरी, किमान...
अंजीर-सिताफळ संशोधन केंद्राचे प्रमुख डॉ...पुणे : महात्मा फुले कृषी विद्यापिठाच्या ...
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
महिनाभरात पडणार नाशिक विभागातील साखर...नगर ः नगर, नाशिक जिल्ह्यामध्ये यंदा ३२ पैकी केवळ...
महिलांनी मालक बनले पाहिजे ः राज्यपालमुंबई ः महालक्ष्मी सरस प्रदर्शनातून महिलांचे...