सातारा जिल्ह्यात पावसाची उघडीप; खरीप पिके काढण्यास गती

खरीप पिकांची काढणी, मळणी सुरु झाली आहे.
खरीप पिकांची काढणी, मळणी सुरु झाली आहे.

सातारा  ः पावसाने उघडीप दिल्याने खरिपातील सोयाबीन, भुईमूग, बटाटा काढणीस वेग आला आहे. सर्वाधिक क्षेत्र असलेल्या सोयाबीन काढणी, मळणीच्या कामांमध्ये शेतकरी व्यस्त असल्याचे चित्र पहावयास मिळत आहे. एकाचवेळी काढणीची कामे सुरू झाल्याने मजूर टंचाई मोठ्या प्रमाणात भासत असल्याचे शेतकऱ्यांनी सांगितले.

जिल्ह्यात खरिपात हंगामात सर्वसाधारण क्षेत्रापैकी ९० टक्के क्षेत्रावर पेरणी झाली. जून महिन्याच्या सुरवातीस पावसाचे उशीरा आगमन झाल्याने पेरण्या रखडल्या होत्या. त्यानंतर झालेल्या पावसामुळे पेरणीची कामे उरकली होती. दुष्काळग्रस्त तालुक्यांचा अपवाद वगळता इतर सर्व गावांत पेरण्या झाल्या होत्या. संततधार पावसामुळे बहुतांशी ठिकाणीची आंतरमशागतीची कामे झाली नाहीत. यामुळे काढणीच्या वेळी तणातून पिक काढावे लागत असल्याने मजूरीच्या खर्चात वाढ झाली आहे. खरिपात सर्वाधिक सोयाबीन पेरणी झाली असून सध्या पहिल्या टप्प्यात लागवड झालेल्या सोयाबीनची काढणी सुरू झाली आहे. सोयबीनबरोबर भुईमूग पिकाच्या काढणीसही वेग आला आहे. खरीप ज्वारी व बाजरी काढण्यासाठी अजून कालावधी शिल्लक आहे.

पिकांतील तण आणि अतिवृष्टीमुळे उत्पादन घट होत असल्याचे शेतकऱ्यांनी सांगितले. एकरी सात ते आठ क्विंटल सोयाबीनचे उत्पादन मिळत आहे. पावसाच्या भितीमुळे काढणी बरोबरच मळणीची कामे करण्याकडे शेतकऱ्यांचा कल दिसत आहे. दुष्काळग्रस्त तालुक्यात बटाटा काढणी सुरू आहे. एकाचवेळी काढणी सुरू झाल्यामुळे काढणीसाठी मजूर टंचाई भासत आहे. मजुरांचे गट तयार झाल्यामुळे ठेका पद्धतीने काढणी घेतली जात आहे. सोयाबीनला सध्या ३३०० ते ३३५० रुपये दर मिळत असल्याचे शेतकरी सांगतात.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com