agriculture news in marathi, kharip festival at agriculture colleage, pune, maharashtra | Agrowon

पीक उत्पादन खर्च कमी करून उत्पन्न वाढवण्याची गरज : डॉ. विजय भटकर
टीम अॅग्रोवन
शुक्रवार, 18 ऑक्टोबर 2019

पुणे  ः  कृषी विद्यापीठांकडून शेतकरी आणि शासनाच्या अनेक अपेक्षा आहेत. शेतकरी विद्यापीठाचे तंत्रज्ञान समजून घेत शेतीत बदल करीत आहेत. त्यामुळे उत्पादनात वाढ झाली आहे. मात्र, भविष्यात उत्पादनावरील खर्च कमी करून अधिक उत्पन्न वाढविण्याची गरज आहे, असे मत नालंदा विद्यापीठाचे कुलपती डॉ. विजय भटकर यांनी व्यक्त केले.    

पुणे  ः  कृषी विद्यापीठांकडून शेतकरी आणि शासनाच्या अनेक अपेक्षा आहेत. शेतकरी विद्यापीठाचे तंत्रज्ञान समजून घेत शेतीत बदल करीत आहेत. त्यामुळे उत्पादनात वाढ झाली आहे. मात्र, भविष्यात उत्पादनावरील खर्च कमी करून अधिक उत्पन्न वाढविण्याची गरज आहे, असे मत नालंदा विद्यापीठाचे कुलपती डॉ. विजय भटकर यांनी व्यक्त केले.    
महात्मा फुले कृषी विद्यापीठाअंतर्गत पुणे कृषी महाविद्यालयात मंगळवारी (ता.१५) एकदिवसीय खरीप कृषी महोत्सव आयोजित करण्यात आला होता. महोत्सवाचे उद् घाटन डॉ. भटकर यांच्या हस्ते झाले. या वेळी महात्मा फुले कृषी विद्यापीठाचे कुलगुरू डॉ. के. पी. विश्वनाथा, कृषी आयुक्त सुहास दिवसे, विभागीय कृषी सहसंचालक दिलीप झेंडे, कामधेनू विद्यापीठाचे कार्यकारी सदस्य प्रतापराव भोसले, फलोत्पादन संचालक डॉ. के. व्ही. प्रसाद, संशोधन संचालक डॉ. शरद गडाख, कुलसचिव डॉ. सोपान कासार, नियंत्रक विजय कोते, महाराष्ट्र कृषी शिक्षण व संशोधन परिषदेचे संचालक डॉ. विठ्ठल शिर्के, पुणे कृषी महाविद्यालयाचे सहयोगी अधिष्ठाता डॉ. प्रमोद रसाळ, उद्यानविद्या महाविद्यालयाचे प्राचार्य डॉ. सुनील मासाळकर, सहयोगी संशोधन संचालक विनय सुपे उपस्थित होते.  

या वेळी श्री. भटकर म्हणाले, की कृषी आणि संगणकाचा घनिष्ठ संबध आहे. कृषी ही संस्कृती आहे. या संस्कृतीला तंत्रज्ञानाची जोड देण्याची गरज आहे. तंत्रज्ञानाचा वापर करून नवीन संशोधन वेगाने होत आहे. त्यामुळे कृषीक्षेत्रात रोजगाराच्या अनेक नव्या संधी उपलब्ध होत आहेत. कृषी विद्यापीठाकडून नवीन संशोधन केले जात आहे. त्यासाठी आव्हानेही खूप आहेत. त्यावर मात करायची असेल, तर संशोधनाशिवाय पर्याय नाही. संशोधनाच्या माध्यमातून तंत्रज्ञानावर आधारित पॉलिहाउस, नवीन अवजारे, यंत्रे विकसित होत आहेत. या माध्यमातून गावाचा विकास होण्याची देखील आवश्यकता आहे. यासाठी उन्नत भारत अभियान राबविण्यात येत आहे. या माध्यमातून कृषी विद्यापीठे व गावांतील शेतकऱ्यांना जोडण्याचे काम सुरू आहे. त्यातून गावांचा विकास होणार आहे. 

कुलगुरू डॉ. के. पी. विश्वनाथा म्हणाले, की बदलत्या हवामानामुळे पिके घेण्याचे मोठे आव्हान शेतकऱ्यांपुढे आहे. एकीकडे दुष्काळ; तर दुसरीकडे अतिपाऊस यामुळे शेतकरी अडचणीत आहेत. कमी बाजारभावामुळे शेतकऱ्यांचे मोठे नुकसान होत आहे. सरकारने किमान बाजारभाव देण्यासाठी पुढाकार घेतला पाहिजे. शेतीवरील वाढत असलेला खर्च कमी करण्यासाठी सेंद्रिय शेतीची गरज आहे. त्यासाठी शेतकऱ्यांना योग्य मार्गदर्शन करण्यात येत आहे.  
यावेळी सहायक प्राध्यापक डॉ. पल्लवी सूर्यवंशी यांनी सूत्रसंचालन केले. 

इतर ताज्या घडामोडी
पेरणीपूर्व मशागतीय पद्धतीने करा...रब्बी हंगामात ज्वारी, गहू, हरभरा, करडई व सूर्यफूल...
कांदा पिकासाठी संतुलित अन्नद्रव्य...कांदा उत्पादकता कमी होण्यासाठी असंतुलित खत...
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
जळगावात भरताची वांगी १५०० ते २६०० रुपये...जळगाव : कृषी उत्पन्न बाजार समितीत बुधवारी (...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...