agriculture news in Marathi kharip food grain at 144 million tone Maharashtra | Agrowon

खरीप धान्योत्पादन १४४ दशलक्ष टनांवर 

टीम अॅग्रोवन
शुक्रवार, 25 सप्टेंबर 2020

कोरोना पुणे मुंबई बातमी खरीप हंगाम २०२०-२१ मधील पीक उत्पादनाचा पहिला सुधारित अंदाज केंद्रीय कृषी मंत्रालयाने जाहीर केला आहे.

नवी दिल्ली ः कोरोना पुणे मुंबई बातमी खरीप हंगाम २०२०-२१ मधील पीक उत्पादनाचा पहिला सुधारित अंदाज केंद्रीय कृषी मंत्रालयाने जाहीर केला आहे. खरिपात धान्योत्पादन विक्रमी १४४.५२ दशलक्ष टन होणार असल्याचे नमूद केले आहे. गेल्यावर्षी खरिपात १४३.४ दशलक्ष टन धान्योत्पादन झाले होते. राज्यांकडून आलेल्या आकडेवारीला इतर स्रोतांकडून प्रमाणित करुन घेत, हा अंदाज व्यक्त करण्यात आला आहे.
 

गेल्यावर्षीपेक्षा यंदा १६ सप्टेंबरपर्यंत मॉन्सूनचा पाऊस ७% अधिक पडला आहे. त्यानुसार, खरीप पिकांसाठी महत्त्वाच्या बहुतांश राज्यात सामान्य पाऊसमान होते. त्यामुळे प्राथमिक अंदाजानुसार, यंदा अनेक राज्यांत खरिपाचे उत्पादन गेल्यावर्षीपेक्षा अधिक असेल. पहिल्या सुधारीत अंदाजानुसार, देशात यंदा खरिपाचे एकूण धान्योत्पादन उत्पादन १४४.५२ दशलक्ष टन एवढे असणार आहे. गेल्या पाच वर्षांच्या (२०१४-१५ ते २०१८-१९) सरासरी उत्पादनाच्या तुलनेत यंदा ९.८३ दशलक्ष टन अधिक उत्पादन होण्याची अपेक्षा आहे.
   
खरीप धान (तांदळाचे) उत्पादन यंदा अंदाजे १०२.३६ दशलक्ष टन एवढे अपेक्षित आहे. गेल्या पाच वर्षांच्या (२०१४-१५ ते २०१८-१९) सरासरी उत्पादनाच्या तुलनेत यंदा ६.७० दशलक्ष टन अधिक उत्पादन होण्याची अपेक्षा आहे. तेलबियांचे उत्पादन २५.७३ दशलक्ष टन होणे अपेक्षित आहे. गेल्या वर्षीच्या तुलनेत हे उत्पादन ३.४१ दशलक्ष टन अधिक असण्याचा अंदाज आहे. तर, कापसाचे उत्पादन ३७.१२ दशलक्ष गाठी  (१७० किलो प्रत्येकी) इतके होईल जे गेल्यावर्षीच्या तुलनेत १.६३ दशलक्ष गाठी अधिक आहे. भरडधान्यांचे उत्पादन अंदाजे ३२.८४ दशलक्ष टन होण्याचा अंदाज असून ते सरासरी ३१.३९ दशलक्ष टनांपेक्षा १.४५ दशलक्ष टन अधिक आहे. तागाचे उत्पादन ९.६६ दशलक्ष गाठी (१८० किलो प्रत्येकी) होण्याचा अंदाज आहे. 
  
२०२०-२१ च्या खरीप हंगामात कडधान्यांचे एकूण उत्पादन ९.३१ दशलक्ष टन होण्याचा अंदाज आहे. हे उत्पादन गेल्यावर्षीच्या सरासरीच्या तुलनेत, १.५९ दशलक्ष टन अधिक आहे. उसाचे उत्पादन ३९९.८३ दशलक्ष टन होईल, असा प्राथमिक अंदाज आहे. यावर्षीचे उत्पादन गेल्या पाच वर्षातील सरासरी उत्पादनाच्या तुलनेत ३९.४० दशलक्ष टन अधिक आहे.  

खरीप उत्पादनाचा पहिला
सुधारित अंदाज (दशलक्ष टनांत)

पीक २०२०-२१ २०१९-२०
धान १०२.३६ १०१.९
भरडधान्ये ३२.८४ ३४
मका १९.८८ १९.६ 
कडधान्य ९.३१ ७.७
तूर ४.०४ ३.८
तेलबिया २५.७३ २२.३
भुईमूग ९.५४ ८.४
सोयाबीन १३.५८ ११.२
कापूस ३७.१२ ३५.५
ताग आणि मेस्ता ९.६६ ९.७७
ऊस ३९९.८३ ३५५.७

कापूसः दशलक्ष गाठी (१७० किलो प्रत्येकी)
तागः दशलक्ष गाठी  (१८० किलो प्रत्येकी)
 


इतर अॅग्रो विशेष
कृषी उद्योजकतेची ‘एबीसी’सन २०२० च्या दुसऱ्या तिमाहीत भारताचा जीडीपी ...
आयकर भरणाऱ्या ६५१ शेतकऱ्यांना नोटिसाशहादा, जि. नंदुरबार : आयकर भरत असूनही केंद्र...
कांद्याची कोट्यवधीची उलाढाल ठप्प नाशिक: केंद्र सरकारने कांद्याच्या वाढत्या दरावर...
करार शेतीची जबाबदारी कृषी विभागाकडेचपुणे: करारशेतीचा नवा कायदा अस्तित्वात आल्यानंतर...
मॉन्सूनने घेतला देशातून निरोपपुणे ः परतीच्या पावसाला देशातून माघार घेण्यासाठी...
राज्यात उकाडा वाढण्यास सुरूवात  पुणे ः परतीच्या पावसाने संपूर्ण देशातून माघार...
पीकविमा परतावा तात्काळ द्या, अन्यथा...अमरावती : जिल्ह्यात एआयसी कंपनीच्या (ॲग्रिकल्चर...
कापूस उत्पादनात मोठी घट, पीक परवडेनाजळगाव ः अतिपावसात १२ एकर कापूस पिकात फूलगळ झाली....
बांगलादेशमधील संत्रा निर्यात लांबणीवरनागपूर : तांत्रिक कारणांमुळे बांगलादेशमध्ये...
साखरेचे नवे निर्यात करार ठप्पकोल्हापूर: देशातील साखर हंगामास सुरवात होत असली...
‘कडकनाथ’ कुक्कुटपालनात निर्माण केल्या...आडगाव (नाशिक) येथील संदीप सोनवणे यांचा १००...
व्यवहारापलिकडचा विचारदसऱ्याच्या पर्वावर पंतप्रधान नरेंद्र मोदी यांनी ‘...
आत्मनिर्भर नव्हे, समृद्ध होऊ याशेतकरी संघटनेचे जेष्ठ नेते स्व. भास्करभाऊ बोरावके...
ऊसतोड कामगार कल्याण महामंडळाला बळकटी...मुंबई: गोपीनाथराव मुंडे ऊसतोड कामगार कल्याण...
व्यथा लई गंभीर हाय, पण करावंच लागतं !बीड: यंदा ऊस सोडून काहीच नाही. सोयाबीन पावसानं...
कृषी विद्यापीठ कर्मचाऱ्यांचे काळ्या...नगर : कृषी विद्यापीठातील अधिकारी, कर्मचाऱ्यांना...
कांदा दर पाडण्याचा डावनाशिक : जिल्ह्यात सलग दुसऱ्या दिवशी कांदा लिलाव...
शेतकऱ्यांना मिळणार पिकांचे नवे १६ वाणपुणे: राज्यातील चारही कृषी विद्यापीठांनी...
उन्हाचा चटका वाढू लागलापुणे ः राज्यात पावसाने उघडीप देण्यास सुरूवात केली...
राज्यात सुधारित अंदाजानुसार ५९ लाख टन...पुणे: राज्यात यंदा उसाची उपलब्धता सुधारित...