agriculture news in marathi, kharip season become in trouble, pune, maharashtra | Agrowon

दमदार पावसाअभावी पुणे जिल्ह्यातील पूर्व भागात खरीप अडचणीत

टीम अॅग्रोवन
बुधवार, 17 जुलै 2019

यंदा खरिपात २२ एकरांवर मूग, बाजरी पेरण्याचे नियोजन केले होते. सुरवातीला पाऊस झाला नाही. जूनच्या शेवटी काही प्रमाणात पाऊस झाल्याने १० ते १२ एकरांवर पेरणी केली. उर्वरित क्षेत्र पावसाअभावी पडून राहिले आहे. आता पावसाची वाट पाहत असून, चांगला पाऊस झाल्यास खरीप कांद्याची लागवड करता येईल.
- भाऊसाहेब पळसकर, शेतकरी, करडे, ता. शिरूर, जि. पुणे. 

पुणे  ः जिल्ह्याच्या पूर्व भागातील शिरूर, इंदापूर, बारामती, दौंड, पुरंदर, खेड या तालुक्यांत अजूनही दमदार पाऊस झालेला नाही. यामुळे खरीप हंगाम अडचणीत आला आहे. अनेक शेतकऱ्यांनी अजूनही पेरण्या केलेल्या नाहीत. काही ठिकाणी पेरण्या झाल्या असल्या, तरी पावसाअभावी पिकांची उगवण झालेली नाही. परिणामी, खरीप हंगाम वाया जाण्याची भीती शेतकऱ्यांमधून व्यक्त होत आहे. 

पावसाळा सुरू होऊन दीड महिना संपला, तरी अनेक ठिकाणी अजूनही जोरदार पाऊस झालेला नाही. जिल्ह्यात जून महिन्याची पावसाची सरासरी १४२.४ मिलिमीटर आहे. त्यापैकी १६८.५ मिलिमीटर म्हणजेच ११८.३ टक्के पाऊस झाला. जुलै महिन्याची पावसाची सरासरी २९५.४ मिलिमीटर आहे. त्यापैकी गेल्या १४ दिवसांत २१६.४ मिलिमीटर पाऊस पडल्याची नोंद झाली आहे. हा पाऊस जिल्ह्यातील पश्चिम पट्ट्यातील मावळ, मुळशी, भोर, वेल्हा या तालुक्यांत झाला आहे. मात्र, पूर्वेकडील दौंड, शिरूर, खेड, इंदापूर, बारामती या तालुक्यांत ५० टक्केही पाऊस पडला नसल्याचे चित्र आहे.

जिल्ह्यात खरिपाचे सरासरी क्षेत्र २ लाख ३० हजार ८३० हेक्टर असून, त्यापैकी ३३ हजार ४८३ हेक्टर म्हणजेच १४ टक्के क्षेत्रावर पेरण्या झाल्या आहेत. मावळ, मुळशी, भोर, वेल्हा, जुन्नर, आंबेगाव हे तालुके भात उत्पादक तालुके म्हणून ओळखले जातात. या भागात १७ जूनपासून चांगला पाऊस पडत आहे. यामुळे भात लागवडीला चांगली सुरवात झाली आहे. सध्या या भागात भात व नाचणीची रोपे वाढीच्या अवस्थेत आहेत. या भागात चांगला पाऊस पडल्यामुळे सात हजार २९२ हेक्टरवर भाताची पुनर्लागवड झाली आहे. अजूनही या भागात अधूनमधून हलक्या सरी बरसत आहेत. त्यामुळे चालू आठवड्यात भात लागवडीला वेग येण्याची शक्यता आहे.  

जिल्ह्याच्या पूर्व भागातील तालुक्यांत जून महिन्यात काही प्रमाणात पावसाच्या हलक्या सरी बरसल्या होत्या. त्यामुळे शेतकऱ्यांनी पंधरा दिवसांपूर्वी खरिपाच्या पेरण्यांना सुरवात केली होती. मात्र, त्यानंतर पावसाने उघडीप दिल्याने पेरण्या खोळंबल्या आहेत. इंदापूरमध्ये तुरळक ठिकाणी बाजरी, तूर, मूग, मका, भुईमूग व सोयाबीनच्या अल्प प्रमाणात पेरण्या झाल्या आहेत. येत्या काळात पुरेसा पाऊस न झाल्यास खरीप हंगाम वाया जाण्याची भीती शेतकऱ्यांना आहे.

शेतकरी प्रतिक्रिया

जून महिन्याच्या अखेरीस हलक्या स्वरूपाचा पाऊस झाला होता. त्यामुळे मी दहा एकरांपैकी दोन एकरांवर बाजरीची पेरणी केली आहे. सध्या पावसाने चांगलीच उघडीप दिली आहे. आता पावसाची गरज असून, या आठवड्यात पाऊस न झाल्यास बाजरीचा पेरा वाया जाण्याची शक्यता आहे. 
- सुनील राजेभोसले, शेतकरी, जोगवडी, ता. बारामती, जि. पुणे.  


इतर ताज्या घडामोडी
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...
नांदेडमध्ये खरीप पेरणी सुरूनांदेड : जिल्ह्यात जून महिन्याच्या प्रारंभापासून...
पुणे जिल्ह्यातील आठवडी बाजार बंदचपुणे : ग्रामीण भागातील अर्थ व्यवस्थेचा कणा असलेले...
औरंगाबाद, जालना, बीड जिल्ह्यांत तीन...औरंगाबाद : यंदाच्या खरीप हंगामात १५ जून...
जळगाव जिल्ह्यातील कृषी केंद्रांची तपासणीजळगाव ः जिल्ह्यात कृषी केंद्रांमधील बियाणे साठा,...
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...
राष्ट्रीयीकृत बँकांच्या मदतीने...नाशिक : नाशिक जिल्हा बॅंकेच्या माध्यमातून कर्ज...
‘किसानपुत्र आंदोलन’कडून काळ्या...औरंगाबाद : किसानपुत्र आंदोलनाच्या वतीने शुक्रवारी...
द्राक्ष सल्ला : प्रतिकूल ढगाळ हवामानात...यावर्षी मे महिन्याच्या शेवटच्या आठवड्यापासून ढगाळ...
थायलंडचे शेतमजूर अन् मध्यम मार्गावरील...शेती म्हटली की सर्वत्र कमी जास्त प्रमाणात त्याच...
विदर्भात अडीच कोटींचा ‘एचटीबीटी’ साठा...नागपूर : गेल्या हंगामात अनधिकृत कापूस बियाण्याचे...
वैयक्तिक वनदाव्यांचा जलदगतीने निपटारा...नाशिक : जिल्ह्यातील वैयक्तिक वनदाव्यांचा वनसमिती...
कोल्हापुरातील शिवारे जलमयकोल्हापूर : जिल्ह्याला बुधवारी (ता. १६)...