agriculture news in marathi, kharip season planning, pune, maharashtra | Agrowon

पुणे जिल्ह्यासाठी २६ हजार ५७३ क्विंटल बियाण्यांची मागणी
टीम अॅग्रोवन
गुरुवार, 25 एप्रिल 2019

पुणे  ः खरीप हंगाम सुरू होण्यास एक ते दीड महिन्याचा कालावधी बाकी राहिला आहे. त्यामुळे पुणे जिल्हा अधीक्षक कृषी कार्यालयाने खरिपाची तयारी सुरू केली आहे. या कार्यालयाकडून जिल्ह्यासाठी कृषी आयुक्तालयाकडे सुमारे २६ हजार ५७३ क्विंटल बियाण्यांची मागणी नोंदविली आहे. कृषी आयुक्तलयाकडून मंजुरी दिल्यानंतर बियाण्यांचा पुरवठा केला जाणार असल्याचे कृषी विभागाच्या सूत्रांनी सांगितले. 

पुणे  ः खरीप हंगाम सुरू होण्यास एक ते दीड महिन्याचा कालावधी बाकी राहिला आहे. त्यामुळे पुणे जिल्हा अधीक्षक कृषी कार्यालयाने खरिपाची तयारी सुरू केली आहे. या कार्यालयाकडून जिल्ह्यासाठी कृषी आयुक्तालयाकडे सुमारे २६ हजार ५७३ क्विंटल बियाण्यांची मागणी नोंदविली आहे. कृषी आयुक्तलयाकडून मंजुरी दिल्यानंतर बियाण्यांचा पुरवठा केला जाणार असल्याचे कृषी विभागाच्या सूत्रांनी सांगितले. 

यंदा हवामान विभागाने पावसाचा पहिल्या टप्प्यातील अंदाज जाहीर केला आहे. यामध्ये ९६ टक्के पावसाचा अंदाज वर्तविला आहे. त्यामुळे शेतकऱ्यांना चांगला पाऊस होईल, अशी अपेक्षा आहे. जूनच्या पंधरवड्यात चांगला पाऊस झाल्यास शेतकऱ्यांना पेरणी करता येणार आहे. त्यासाठी खते, बियाण्यांची अडचण भासू नये म्हणून कृषी विभागाकडून तयारी सुरू करण्यात आली आहे. 
पुणे जिल्ह्यात खरीप हंगामातील पिकांचे सरासरी क्षेत्र दोन लाख ८८ हजार २३७ हेक्टर आहे. त्यापैकी एक लाख ८७ हजार ३०० हेक्टरवर पेरणी होण्याचा अंदाज आहे. मागील तीन वर्षांत जिल्ह्यात बियाण्यांची कमी अधिक प्रमाणात विक्री झाली आहे. यात २०१६ मध्ये २२ हजार ७८३ क्विंटल, २०१७ मध्ये २२ हजार ९९७ क्विंटल, २०१८ मध्ये १८ हजार २४९ क्विंटल बियाण्यांची विक्री झाली होती. सरासरी २१ हजार ३४३ क्विंटल बियाण्यांची विक्री झाली होती. 

यंदा चांगल्या पावसामुळे खरिपाचे क्षेत्र वाढण्याचा अंदाज गृहीत धरून कृषी विभागाने २६ हजार ५७३ क्विटंल बियाण्यांची मागणी नोंदविली आहे. यामध्ये खासगी कंपन्यांकडून ११ हजार २०४ तर महाबीज व राष्ट्रीय बीज निगम विभागाकडून १५ हजार ३६९ क्विटल बियाण्यांचा पुरवठा अपेक्षित असून, यात महाबीजकडून १४ हजार ८४२ क्विंटल बियाण्यांचा पुरवठा अपेक्षित आहे.  
यंदा खरीप हंगामासाठी मागणी केलेल्या बियाण्यांमध्ये संकरित ज्वारी, संकरित बाजरी, सुधारित बाजरी, भात, मका, तूर, मूग, उडीद, भुईमूग, तीळ, सूर्यफूल, सोयाबीन, वाटाणा, धैंचा, ताग आदी पिकांच्या बियाण्यांचा समावेश आहे. जिल्ह्यात भाताची मोठ्या प्रमाणात लागवड होण्याची शक्यता आहे. त्यामुळे कृषी विभागाने १३ हजार क्विंटल भात बियाण्याची मागणी नोंदविली आहे. त्यानंतर सोयाबीनच्या क्षेत्रातही वाढ होण्याचा अंदाज असल्याने सहा हजार १९१ क्विंटल सोयाबीन बियाण्यांची मागणी केली आहे.  
 
पीकनिहाय बियाण्यांची मागणी (क्विटंल) 
खरीप ज्वारी ७७, संकरित बाजरी १२९७, सुधारित बाजरी ४३२, भात १३,०००, मका १८८८, तूर ११८, मूग २७८, उडीद ११२, भुईमूग १२६५, तीळ १, सूर्यफूल ४, सोयाबीन ६१९१, वाटाणा ७१०, धैंचा ६००, ताग ६००. 

इतर ताज्या घडामोडी
सोलापूर जिल्ह्यात `सन्मान`ची पाच लाख...सोलापूर : जिल्ह्यात ‘आठ अ’नुसार असलेल्या ११...
सोलापुरात यंदाही खरीप कोरडाचसोलापूर : खरीप हंगाम सुरू होऊन दीड महिना उलटला....
नाशिक बाजार समितीची सुरक्षा वाढविण्याचा...नाशिक : नाशिक कृषी बाजार समितीत वाढलेल्या...
नाशिक जिल्ह्यात पावसाअभावी फळबागांवर...नाशिक : कळवण, देवळा, मालेगाव, नांदगाव,...
परभणी जिल्ह्यात १३ लघू तलावांतील...परभणी : यंदा पावसाळ्याचा दीड महिन्याचा कालावधी...
टंचाईस्थितीची वस्तुनिष्ठ माहिती सादर...हिंगोली : टंचाईस्थितीत शेतकऱ्यांना आवश्यक ती मदत...
जालना जिल्ह्यात दुधाचे पैसे दोन...जालना : जिल्ह्यातील जामवाडी, गणेशपूर, नळणी, येवता...
औरंगाबाद, जालना, परभणी, हिंगोली...औरंगाबाद  : मराठवाड्यातील शेतकऱ्यांवर...
सांगली जिल्ह्यात पावसाची उघडीपसांगली ः जिल्ह्यात जून आणि जुलैमध्ये झालेल्या...
कंडारी पाणी योजनेतील गैरव्यवहारप्रकरणी...जळगाव ः कंडारी (ता. भुसावळ) येथील ग्राम...
शेततळ्यासाठी शेतकऱ्यांना प्रोत्साहित...नागपूर ः विकासाच्या संकल्पनांमध्ये रस्ते, नाले व...
सातारा जिल्ह्याच्या पूर्व भागातील शेती...सातारा : जिल्ह्यात पश्चिमेकडे दमदार पाऊस, तर...
कापसाच्या हमीभावात ५०० रुपयांनी वाढ...अमरावती   ः राज्याची कमी असलेली कापूस...
दमदार पावसाअभावी पुणे जिल्ह्यातील पूर्व...पुणे  ः जिल्ह्याच्या पूर्व भागातील शिरूर,...
नगर जिल्ह्यात ऐन पावसाळ्यातही...नगर  ः दुष्काळाने होरपळ झालेल्या नगर...
पावसाअभावी धुळे, जळगाव जिल्ह्यांत...जळगाव  ः खानदेशात सुरवातीला पावसाने जोरदार...
नागपूर विभागात पावसाअभावी पिकांची वाढ...नागपूर  ः निम्मा जुलै महिना संपत आला असतानाच...
सांगलीत हळद प्रतिक्विंटल ६००० ते ८९००...सांगली ः येथील बाजार समितीत हळदीची आवक कमी झाली...
भाजपच्या प्रदेशाध्यक्षपदी चंद्रकांत...मुंबई  : भाजपचे ज्येष्ठ नेते, मंत्री...
सुधारित सोयाबीन आंतरपीक पद्धती राज्यामध्ये सोयाबीनच्या क्षेत्रात झपाट्याने वाढ...