पावसाअभावी धुळे, जळगाव जिल्ह्यांत पेरण्या खोळंबल्या

पाऊस नसल्याने केळी रोपांची हवी तशी वाढ झालेली नाही
पाऊस नसल्याने केळी रोपांची हवी तशी वाढ झालेली नाही

जळगाव  ः खानदेशात सुरवातीला पावसाने जोरदार सलामी दिली. परंतु, नंतर अनेक भागांत ओढ दिली. दर एक किलोमीटरनंतर पावसाचे प्रमाण वेगळे असून, अनेक शेतकऱ्यांना जोरदार पावसाची प्रतीक्षा अजूनही कायम आहे. परिणामी, खानदेशातील सुमारे २५ टक्के क्षेत्र नापेर राहीले आहे. तर टॅंकरची संख्याही फारशी कमी झालेली नाही. 

जळगाव जिल्ह्यात सरासरीच्या २० टक्के, धुळ्यात १७ टक्के आणि नंदुरबारात २४ टक्के पाऊस झाला आहे. धुळ्यात एकूण ९२५ मिलिमीटर, जळगावात ७६५ आणि नंदुरबारात ११०० मिलिमीटर पाऊस पडतो. जूनमध्ये फक्त तीन दिवस पाऊस झाला. जुलैमध्ये पावसाचे पाच दिवस आहेत. खानदेशात एकूण १५ लाख हेक्‍टरवर पेरणी अपेक्षित आहे.

यातील २५ टक्के क्षेत्र नापेर आहे. कारण पावसाने दडी मारली आहे. पूर्वहंगामी कापसाची सुमारे दीड लाख हेक्‍टरवर खानदेशात लागवड झाली आहे. या कापसासह कोरडवाहू कापसाची मिळून आठ लाख हेक्‍टवर लागवड झाली आहे. यापाठोपाठ तृणधान्य, कडधान्य व गळीत धान्य पेरले आहे. पिकांची उगवण बऱ्यापैकी आहे. परंतु, पावसाची गरज सर्वत्र आहे.

मागील आठवडाभरापासून पावसाने ताण दिल्याने खानदेशातील सातपुडा पर्वतालगतची कांदा व केळीची लागवड थांबली आहे. तर गिरणाकाठच्या सुमारे १००० हेक्‍टरवरील लिंबू व मोसंबीच्या बागांना पावसाची नितांत गरज आहे.

पाणीटंचाई देखील कायम आहे. जळगाव जिल्ह्यात १६०, धुळ्यात ७३ आणि नंदुरबारात ७० टॅंकर सुरू आहे. सर्वाधिक ३० टॅंकर साक्री (जि. धुळे) तालुक्‍यात सुरू आहेत. यापाठोपाठ जळगावमधील अमळनेर, भडगाव, धुळ्यातील शिंदखेडा, नंदुरबारमधील नंदुरबार तालुक्‍यात पाणीटंचाईचे संकट अधिक आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com