agriculture news in marathi, Kharip waiting rain is in the Jalgaon district | Agrowon

जळगाव जिल्ह्यातील खरिपास पावसाची आस
टीम अॅग्रोवन
शुक्रवार, 10 ऑगस्ट 2018
जळगाव  : जिल्ह्यात मागील १७ दिवसांपासून काही भागांचा अपवाद वगळला तर पाऊस नाही. पश्‍चिम भागातील अमळनेर, पारोळा, पाचोरा, भडगाव, जामनेर, चाळीसगाव भागात दुष्काळाचे सावट निर्माण झाले आहे. पाऊस नसल्याने पिकांची स्थितीही नाजूक बनत आहे. मागील तीन दिवसांपासून ढगाळ वातावरण आहे; पण पाऊस हुलकावणी देत आहे. त्यामुळे शेतकरी संकटात आहे. 
 
जळगाव  : जिल्ह्यात मागील १७ दिवसांपासून काही भागांचा अपवाद वगळला तर पाऊस नाही. पश्‍चिम भागातील अमळनेर, पारोळा, पाचोरा, भडगाव, जामनेर, चाळीसगाव भागात दुष्काळाचे सावट निर्माण झाले आहे. पाऊस नसल्याने पिकांची स्थितीही नाजूक बनत आहे. मागील तीन दिवसांपासून ढगाळ वातावरण आहे; पण पाऊस हुलकावणी देत आहे. त्यामुळे शेतकरी संकटात आहे. 
 
पावसाचा खंड वाढल्याने शेतकऱ्यांनी दुष्काळी स्थितीचा धसका घेतला आहे. या भागातील खरिपाखालील एकूण क्षेत्र सुमारे तीन लाख हेक्‍टर आहे. चाळीसगाव, पाचोरा व भडगाव तालुक्‍यांतील प्रकल्प कोरडे आहेत. अमळनेर, जामनेरात मिळून २३ गावांमध्ये टंचाई आहे. एकूण ३३ टॅंकर सुरू आहेत. 

 चाळीसगावात विहिरींनी गाठला तळ
चाळीसगाव तालुक्‍यात आतापर्यंत सरासरी पावसाच्या केवळ ३७ टक्के पाऊस झाला आहे. महिन्यापासून काही भागात पावसाने दडी मारल्याने पावसाची प्रतीक्षा होत आहे. कळमडू परिसरात ज्वारी, मक्‍याचे पीक गेल्यात जमा आहे. वडाळा परिसरात पावसाअभावी पीक परिस्थिती नाजूक बनली आहे. मक्‍याच्या वाती झाल्या आहेत. अशीच स्थिती रोहिणी, खडकी परिसरात दिसून येत आहे. विहिरींनीही तळ गाठल्याने पाणी कुठून आणायचे? असा प्रश्न शेतकऱ्यांना पडला आहे.

पाचोऱ्यातही स्थिती बिकट
या तालुक्‍यातील बहुळा, अग्नावती, हिवरा या महत्त्वाच्या प्रकल्पात मृतसाठ्याच्या खाली पाणीसाठा आहे. अग्नावती प्रकल्पात कोरडा आहे. पिंपळगाव हरेश्वर, निंभोरी, वाणेगाव, मोंढाळा, वाडी-शेवाळे, वरखेडी परिसरात पावसाने तोंड फिरविले आहे.

भडगावातही दुष्काळाची चाहूल
भडगाव तालुक्‍यात मळगाव, कजगाव, गोंडगाव परिसरात पिके सुकू लागली आहेत. १५ जूनपर्यंत पन्नास टक्‍क्‍यांपर्यंत पेरणी झाली होती. पाऊस नसल्याने मूग, उडदामध्ये फूलगळ सुरू आहे. पिके हातची जातील, अशी भीती आहे.

पारोळा, अमळनेरात ही पेरणी ८०, तर जामनेरातही सुमारे ८५ टक्के झाली आहे. एरंडोल, धरणगाव येथेही पेरणी ८० टक्‍क्‍यांवर झाली आहे. ज्वारी, कडधान्यवर्गीय पिकांना फटका बसला आहे. पूर्व भागातील बोदवड, भुसावळातही पावसाची आस आहे. 
 
कोरडे प्रकल्प
मन्याड, बहुळा, हिवरा, अग्नावती, हातगाव-१, पिंप्री- उमरखेड, ब्राह्मणशेवगा, पिंपरखेड, कुंझर- २, वाघले- २, बोरखेडा, वलठाण, राजदेहरे, देवळी- भोरस, पथराड, घोडसगाव, उमरदे, पिंप्री-डाभुंर्णी, अटलगव्हाण, वाणेगाव- राजुरी, गाळण- २, दिघी- २, दिघी- ३, जामडी,  बाणगाव, ओढरे, चितेगाव, कोदगाव व हातगाव या प्रकल्पांमध्ये शून्य टक्के पाणीसाठा आहे. 

इतर अॅग्रो विशेष
'पणन'ची २७ पासून कापूस खरेदी नागपूर ः सिसिआयची खरेदी सुरूच असली तरी कापूस पणन...
शेतीला व्यावसायिक दर्जा आवश्यक: सुहास...पुणे: भावनिकतेच्या आधारे शेती न करता शेतकरी...
कुजलेल्या तुराट्यांच्या झाडण्याही होणार...परभणी ः यंदा तुरीचं पीक लई जोरात आलं होतं. चांगली...
सांगली जिल्ह्यातील अंडी उत्पादकांना...सांगली ः एप्रिल ते ऑक्टोबर या सात महिन्यांत...
मानवी, शेती आरोग्यासाठी नैसर्गिक शेतीचा...मानवी व शेतीचे आरोग्य याबाबत अधिक जागरूक झालेल्या...
अभ्यास, नियोजनातून देशी दुग्धव्यसाय...भाजीपाला शेती करण्याबरोबरच रेशीमशेती आणि...
इथेनॉल उत्पादन घटणारपुणे:  देशाच्या इथेनॉलनिर्मितीत मोठी घट...
अकोला जिल्ह्यात कपाशीवर बोंड अळीअकोला ः परतीच्या पावसाने कापूस पिकाचे मोठ्या...
पीकविम्यासाठी शासकीय पातळीवर धावपळपुणे: अतिपावसामुळे नुकसान झाल्यानंतर शेतकऱ्यांना...
देशात मागणीच्या तुलनेत ४० टक्केच कांदा...पुणे: देशभरात ऑगस्ट महिन्यातील खरीप कांद्याच्या...
किमान तापमानात घटपुणे: राज्यात होत असलेले ढगाळ हवामान निवळल्यानंतर...
राज्यातील सव्वानऊ हजार गावांत पाणीपातळी...पुणे ः चालू वर्षी राज्यातील अनेक भागांत जोरदार...
शेतीतूनच जाते आर्थिक विकासवाट भारतीय अर्थव्यवस्थेवरील मंदीचे सावट दिवसेंदिवस...
मदत हवी दिलासादायकअवकाळी पावसाने राज्यात शेतीच्या झालेल्या...
स्वतःच्या गरजेनुसार यंत्रांची केली...बदलत्या काळात शेतीत मजुरांची संख्या कमी झाली....
व्यापाऱ्यांनी शेतमाल बाजारातील बदल...पुणे ः बाजार समित्या बरखास्त केल्यास सक्षम...
नांदेड : सोयाबीनचा पेरणीपेक्षा अधिक...नांदेड  ः यंदाच्या खरीप हंगामात जिल्ह्यात...
पंचनाम्यांची ‘अतिवृष्टी’; रातोरात ९३...पुणे ः राज्य शासनाची यंत्रणा पिकाचे पंचनामे...
पीकविम्यापासून वंचित राहिल्यास कंपनी...अकोला ः जिल्ह्यात गेल्या महिन्यातील पावसाने...
उसावर आता तांबेरा, तपकिरी ठिबकेकोल्हापूर: सातत्याने पडणारे धुके व जमिनीतील...