Agriculture news in marathi 'Kisan Parliament' to be held on 'Jantar Mantar' | Agrowon

‘जंतर-मंतर’वर आजपासून होणार ‘किसान संसद’ 

टीम अॅग्रोवन
गुरुवार, 22 जुलै 2021

केंद्र सरकारने केलेल्या तीन कृषी कायद्यांचा निषेध म्हणून आणि हे कायदे मागे घेण्याच्या मागणीसाठी आजपासून (गुरुवारी) जंतर-मंतर येथे ‘किसान संसदे’चे आयोजन करण्यात येणार आहे.

 नवी दिल्ली : केंद्र सरकारने केलेल्या तीन कृषी कायद्यांचा निषेध म्हणून आणि हे कायदे मागे घेण्याच्या मागणीसाठी आजपासून (गुरुवारी) जंतर-मंतर येथे ‘किसान संसदे’चे आयोजन करण्यात येणार आहे, अशी माहिती शेतकरी नेते बलबीरसिंग राजेवाल यांनी दिली आहे. बुधवारी (ता. २१) या बाबत शेतकरी नेते आणि दिल्ली पोलिसांच्या अधिकाऱ्यांची बैठक झाली. त्यानंतर ते बोलत होते. दर दिवशी सुमारे २०० शेतकरी यात सहभागी होतील, अशी माहितीही देण्यात आली. 

बलबीरसिंग राजेवाल म्हणाले, ‘‘किसान संसदेबाबत बुधवारी बैठक झाली. आमची भूमिका आम्ही मांडली, प्रशासनाशी झालेल्या चर्चेनुसार दर दिवशी २०० शेतकऱ्यांचा गट जंतर-मंतर येथे जाईल. या बाबत आणखी एक बैठक होण्याची शक्यता आहे. त्यामुळे आताच काही सांगू शकत नाही.’’ शेतकरी नेते योगेंद्र यादव म्हणाले, ‘‘शेतकरी युनियनचे नेते आणि दिल्ली पोलिसांशी झालेली चर्चा अर्थपूर्ण आणि सकारात्मक झाली. आज २०० शेतकऱ्यांचा एक गट जंतर-मंतर येथे जाईल. आणि किसान संसद सुरू होईल. ही किसान संसद अंत्यत शांततेत होईल. 

राष्ट्रीय किसान मजदूर महासंघाचे राष्‍ट्रीय अध्यक्ष शिवकुमार काक्का म्हणाले, ‘‘मागील सात वर्षांत केंद्र सरकारने शेतकऱ्यांच्या विरोधात घेतलेल्या सर्व निर्णयांवर किसान संसदेत चर्चा होईल. दररोज सकाळी दहा ते सायंकाळी पाच या वेळेत २०० शेतकरी शेतकरी विरोधी निर्णयांवर चर्चा करतील. प्रत्येक शेतकरी संघटना दररोज नव्या पाच शेतकऱ्यांना येथे पाठवेल. त्यांच्याकडे ओळखपत्र, आधार कार्ड असेल. हे सर्वजण पाच बसमधून जंतर-मंतर येथे येथील.’’ 

संसदेला घेराव घालणार नाही 

दिल्ली पोलिसांनी रविवारी होणाऱ्या निदर्शनांना परवानगी नाकारल्यानंतर बलबीरसिंग राजेवाल म्हणाले, ‘‘आज संसदेला घालण्यात येणारा नियोजित घेराव घातला जाणार नाही.’’ शेतकरी दिल्लीच्या विविध सीमांवर शेतकरी २६ नोव्हेंबर २०२० पासून निदर्शने करीत आहेत. दरम्यान, सरकार आणि शेतकरी नेत्यांमध्ये चर्चेच्या अनेक फेऱ्या होऊनही अद्याप मतभेद मिटलेले नाहीत.


इतर अॅग्रो विशेष
७२ तासांची सक्ती नको ः आयुक्तपुणे ः विमा कंपन्यांनी कामकाजात तातडीने सुधारणा...
पीकविमा योजनेच्या मूळ उद्देशालाच हरताळपुणे ः पंतप्रधान पीकविमा योजनेच्या माध्यमातून...
अखेर ‘इफ्को टोकियो’ विरोधात गुन्हा दाखलअमरावती : राज्य शासनाने केलेल्या करारानुसार इफ्को...
पळवाटांमुळे पीकविमा भरपाई दुरापास्तशेतकऱ्यांकडून पीकविम्याचा हप्ता भरतेवेळी...
विमा कंपन्यांबाबत सरकारची बोटचेपी भूमिकापीकविमा योजनेमुळे शेतकऱ्यांऐवजी पीकविमा कंपन्याच...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
सोयाबीनने गाठला दहा हजारांचा ऐतिहासिक...अकोला/लातूर ः गेले काही महिने सोयाबीनला चांगला दर...
विदर्भात कृषी अधिकाऱ्यांनीच घेतले विमा...नागपूर ः जिल्हास्तरावर आमचे कार्यालय आहे, हे...
मराठवाड्यात पीकविम्याबाबत शेतकऱ्यांसमोर...औरंगाबाद : पीकविमा उतरविण्याची सोय त्यासाठी जागर...
खानदेशात पीकविमा कंपनीचे कार्यालयच नाही जळगाव : खानदेशात पंतप्रधान पीकविमा योजनेंतर्गत...
केव्हीकेने दाखवली ‘वीडर’ची पॉवर, छोट्या...मजूरटंचाई व वाढलेले मजूरदर लक्षात घेऊन ममुराबाद (...
दिशा कार्यक्षम पूर व्यवस्थापनाची!महाराष्ट्र देशी सध्या अतिवृष्टी आणि ...
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
पीक विम्यात चुकीचे प्रकार खपवून घेणार ...नाशिक: पीकविमा कंपन्यांकडून पाच पाच जिल्ह्यांसाठी...
केंद्राच्या काळ्या कायद्यांची आम्हाला...नवी दिल्ली ः कायद्याच्या प्रक्रियेतून न आलेल्या...
धरण क्षेत्रात पावसाची हजेरी पुणे : तीन दिवसांपासून राज्यातील धरणक्षेत्रात...