agriculture news in marathi, kisan sabha gives support for milk rate agitation, nashik, maharashtra | Agrowon

किसान सभा,शेतकरी संघर्ष समितीचा दूध आंदोलनास पाठिंबा

टीम अॅग्रोवन
रविवार, 15 जुलै 2018

नाशिक  : दुधाला किमान २७ रुपये भाव द्यावा, या मागणीसाठी स्वाभिमानी शेतकरी संघटनेच्या वतीने सोमवारपासून (ता. १६) दूध आंदोलनाची घोषणा करण्यात आली आहे. अखिल भारतीय किसान सभा व दूध उत्पादक शेतकरी संघर्ष समिती या आंदोलनास आपला पाठिंबा जाहीर करीत असल्याचे किसान सभेचे नेते डॉ. अजित नवले यांनी सांगितले.

नाशिक  : दुधाला किमान २७ रुपये भाव द्यावा, या मागणीसाठी स्वाभिमानी शेतकरी संघटनेच्या वतीने सोमवारपासून (ता. १६) दूध आंदोलनाची घोषणा करण्यात आली आहे. अखिल भारतीय किसान सभा व दूध उत्पादक शेतकरी संघर्ष समिती या आंदोलनास आपला पाठिंबा जाहीर करीत असल्याचे किसान सभेचे नेते डॉ. अजित नवले यांनी सांगितले.

येथील शासकीय विश्रामगृहावर शनिवारी (ता.१४) झालेल्या पत्रकार परिषदेत डॉ. नवले बोलत होते. या वेळी डॉ. अशोक ढवळे, आमदार जे. पी. गावीत, किसन गुजर, डॉ. अजित नवले, सुनील मालुसरे, नीलेश तळेकर, सोमनाथ बोऱ्हाडे, राजू देसले, नाना बच्छाव, दर्शन पाटील, उमेश देशमुख, विठ्ठल पवार, संतोष वाडेकर, रोहिदास धुमाळ, गुलाबराव डेरे, कारभारी गवळी,  प्रकाश नवल, डॉ. संदीप कडलग, महेश नवले, अशोक सब्बन,  अमोल वाघमारे, माणिक अवघडे, अनिल देठे, सुभाष निकम, दिगंबर तुरकने, खंडू वाकचौरे, गोविंद आर्दड, सिद्धप्पा कलशेट्टी, विलास बाबर, महादेव गारपवार उपस्थित होते.

डॉ. नवले म्हणाले, की दूध उत्पादकांच्या रास्त मागण्यांसाठी किसान सभा व संघर्ष समिती गेली सहा महिने सातत्याने संघर्ष करीत आहे. नाशिक येथून निघालेल्या लॉंग मार्चमध्येही किसान सभेने दूधदराचा प्रश्न उपस्थित केला होता. ‘लुटता कशाला फुकटच न्या’ म्हणत लाखगंगा येथून सुरू झालेल्या आंदोलनात संघर्ष समितीनेही या प्रश्नावर सातत्याने आंदोलन केले आहे.
आंदोलनाच्या पार्श्वभूमीवर सरकारने तीन वेळा शासनादेश काढले. दोन वेळा अर्थसाह्याच्या घोषणाही केल्या. मात्र, या प्रत्येक वेळी दूध उत्पादक शेतकऱ्यांना मदत करण्याऐवजी सरकारने दूध पावडर बनविणाऱ्या कंपन्यांनाच केवळ मदत केली. दूध उत्पादक शेतकऱ्यांना वाऱ्यावर सोडले.

सरकारने सुरुवातीला पावडर बनविण्यासाठी कंपन्यांना प्रतिलिटर तीन रुपये अनुदान घोषित केले. एक महिन्यासाठी दिलेल्या या अर्थसाह्याचा दूध दरावर कोणताही सकारात्मक परिणाम झाला नाही. आता दूध पावडर निर्यातीसाठी प्रतिकिलो ५० रुपये व दूध निर्यातीसाठी प्रतिलिटर पाच रुपये अनुदान जाहीर केले आहे. आंतरराष्ट्रीय बाजारात दूध पावडरचे दर व उपलब्धता पाहता या पॅकेजचाही उपयोग होण्याची शक्यता नाही.

अशा पार्श्वभूमीवर स्वाभिमानी शेतकरी संघटनेने सोमवारपासून राज्यात दूध आंदोलनाची घोषणा केली आहे. किसान सभा व संघर्ष समिती या आंदोलनाला आपला पाठिंबा जाहीर करीत आहे. स्वाभिमानी शेतकरी संघटनेचे अध्यक्ष खासदार राजू शेट्टी व किसान सभेचे अखिल भारतीय अध्यक्ष डॉ. अशोक ढवळे यांची दिल्ली येथे यासंदर्भात चर्चा झाली. खासदार शेट्टी यांची डॉ. अजित नवले यांच्याशीही फोनवर चर्चा झाली. शेतक-यांच्या न्याय्य मागण्यांसाठी समविचारी शक्तींनी एकत्र काम करण्याची आवश्यकता या वेळी अधोरेखित करण्यात आली.

सरकारने गायीच्या दुधाला किमान २७ रुपये भाव जाहीर केला आहे. दूध उत्पादक शेतकऱ्यांना मात्र आज प्रतिलिटर दुधाला केवळ १७ रुपये दर मिळतो आहे. लिटरमागे रोज दहा रुपयाचा तोटा शेतकऱ्यांना सहन करावा लागत आहे. अशा पार्श्वभूमीवर जाहीर भाव व प्रत्यक्ष मिळत असलेले भाव यातील फरक भावांतर योजने अंतर्गत सरकारने शेतकऱ्यांना सरळ अनुदान देऊन भरून द्यावा, अशी मागणी किसान सभा व दूध उत्पादक शेतकरी संघर्ष समिती करीत आहे.


इतर ताज्या घडामोडी
पुढील हंगामासाठी सोयाबीन बियाणे राखून...वाशीम : जिल्ह्यात ऑक्टोबर महिन्यात अवेळी पाऊस...
कांदा बियाण्याचे दर कडाडलेसातारा ः कांद्याचे दर आठ हजारापर्यंत पोचले आहे....
नगर जिल्ह्यात कांद्याच्या दरात घसरणनगर : आठ दिवसांपूर्वी वाढ झालेल्या कांद्याच्या...
हळद पीक लागवडीसाठी सहकार्य ः कुलगुरू डॉ...दापोली, जि. रत्नागिरी ः कोकणातील हवामान हळद...
केळीचे दर घसरल्याने शेतकरी अडचणीतनांदेड : चांगल्या पावसामुळे यंदा खरीप हंगाम बहरला...
शाहू कृषी महाविद्यालयाच्या...कोल्हापूर : सातव्या वेतन आयोगाच्या मागणीसाठी...
खर्चाच्या तुलनेत दिलेली मदत तोकडी ः...औरंगाबाद : महाआघाडी सरकारने राज्यातील अतिवृष्टी,...
परभणी कृषी विद्यापीठ कर्मचाऱ्यांचे...परभणी ः राज्यातील सर्व कृषी विद्यापीठातील अधिकारी...
पीक नुकसानप्रश्नी शेतकरी संघर्ष समितीचा...परभणी ः परतीच्या मॉन्सून पावसामुळे, धरणातील पाणी...
हापूस विक्री, निर्यातीला प्रोत्साहनपर...रत्नागिरी ः कोकणच्या हापूसला भौगोलिक मानांकन (...
तुरीवरील शेंग पोखरणाऱ्या अळीचे एकात्मिक...तुरीवरील शेंग पोखरणाऱ्या अळीची अन्य पर्यायी नावे...
सांगलीत गूळ सरासरी ३६३३ रुपये...सांगली : येथील बाजार समितीत मंगळवारी (ता. २७)...
गिरणा, हतनूरमधून मिळणार रब्बीसाठी...जळगाव ः जिल्ह्यासाठी महत्त्वाच्या असलेल्या गिरणा...
खानदेशात कांदा लागवडीवर परिणाम होणारजळगाव ः खानदेशात उन्हाळ किंवा रब्बी हंगामातील...
उत्पादन घटल्याने झेंडूच्‍या फुलांनी...नाशिक : दसरा सणाच्या पार्श्वभूमीवर झेंडू फुलांना...
महाबीजच्या सौर ऊर्जाचलित गोदामाचे...अकोला ः महाराष्ट्र राज्य बियाणे महामंडळाद्वारे...
बॅलन्सशीट डोळ्यांसमोर ठेवून दिवाळी...माळेगाव, जि. पुणे ः माळेगाव कारखाना प्रशासनाने...
कृषी अधिकाऱ्यांनी मुख्यालय सोडू नये ः...अमरावती : मोर्शी तालुक्‍यात जून ते ऑगस्ट या...
नांदेडमधील शेतकऱ्यांचा अतिवृष्टीने...नांदेड : जिल्ह्यात यंदा सप्टेंबर महिन्यात...
नगरमध्ये कापसाची व्यापाऱ्यांकडून अल्प...नगर ः कापसाला पाच हजार आठशे पन्नास रुपयांचा हमीदर...