जळगाव : किसान सन्मान निधीपासून ७० टक्के शेतकरी वंचित

किसान सन्मान निधीपासून  ७० टक्के शेतकरी वंचित
किसान सन्मान निधीपासून ७० टक्के शेतकरी वंचित

जळगाव : केंद्राच्या शेतकऱ्यांसाठी जाहीर झालेल्या किसान सन्मान निधी योजनेतून खानदेशातील जवळपास ७० टक्के शेतकरी वंचित आहेत. या योजनेबाबत प्रशासनाचे सर्व दावे चुकीचे आहेत. बॅंका व प्रशासनातील मंडळींनी यासंदर्भातील त्रुटी दूर करून कार्यवाही करावी, अशी मागणी शेतकरी करीत आहेत. 

खानदेशात सुमारे नऊ लाख शेतकऱ्यांना या योजनेसंबंधी लाभ मिळणे अपेक्षित आहे. या योजनेबाबत निधीची तरतूद झाली आहे. शेतकऱ्यांपर्यंत योजना पोचविल्याचे दावे प्रशासन करीत आहे; परंतु अद्याप ७० टक्के शेतकऱ्यांना या योजनेतून निधी मिळालेला नाही. दरवर्षी सहा हजार रुपये या योजनेतून शेतकऱ्यांना मिळणे अपेक्षित आहे. तसे आदेश प्रशासनाला दिले आहेत. मध्यंतरी आयएफसी कोडअभावी या योजनेतून संबंधित शेतकऱ्याच्या बॅंक खात्यात निधी प्राप्त होत नसल्याची त्रुटी ग्रामसेवक मंडळीने काढली होती. नंतर शेतकऱ्यांनी जुनाट बॅंक पासबुक बदलले. कमाल शेतकऱ्यांचे बॅंक खाते जिल्हा बॅंकांमध्ये आहेत. 

जळगाव जिल्हा बॅंकेत ज्यांची खाती आहेत, त्या शेतकऱ्यांना या योजनेतून निधी मिळालेला नसल्याची नाराजी एका शेतकऱ्याने व्यक्त केली.  तलाठी या योजनेबाबत आपली कोणतीही जबाबदारी नसल्याचे सांगतात. ग्रामसेवकांनी मध्यंतरी शेतकऱ्यांचे आधार कार्ड, सातबारा उतारे, बॅंक पासबुकच्या झेरॉक्‍स घेतल्या होत्या. ज्या शेतकऱ्यांचे बॅंक खाते राष्ट्रीयीकृत बॅंकांमध्ये आहेत, त्यातील कमाल शेतकऱ्यांना या योजनेतून नियमित निधी मिळत आहे.

काही शेतकऱ्यांना एकाचवेळी चार हजार रुपये प्राप्त झाले; तर काही शेतकऱ्यांना दोन हजार रुपये मिळाले. या योजनेसंबंधी बॅंक खाते किंवा आयएफएससी कोडचा झालेला घोळ दूर करण्यासाठी प्रशासनाकडून कार्यवाही होत नाही. कुणीही या योजनेबाबत जबाबदारी घेत नसल्याचे शेतकऱ्यांचे म्हणणे आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com