agriculture news in Marathi Kokan may affected by wind Maharashtra | Page 4 ||| Agrowon

वेगवान वाऱ्याचा कोकण किनारपट्टीला फटका शक्य 

टीम अॅग्रोवन
शुक्रवार, 14 मे 2021

गेल्या दोन दिवसांपासून अरबी समुद्राच्या नैऋत्य भागात अतितीव्र कमी दाबाच्या क्षेत्राचा प्रभाव वाढत आहे. या क्षेत्राचे चक्रिवादळामध्ये उद्या रूपांतर होण्याची शक्यता आहे.

पुणे : गेल्या दोन दिवसांपासून अरबी समुद्राच्या नैऋत्य भागात अतितीव्र कमी दाबाच्या क्षेत्राचा प्रभाव वाढत आहे. या क्षेत्राचे चक्रिवादळामध्ये उद्या रूपांतर होण्याची शक्यता आहे. यामुळे वारे वेगाने वाहणार असल्याने मच्छीमारांनी मासेमारीसाठी समुद्रात न जाण्याचा इशारा हवामान विभागाने दिला आहे. 

लक्षद्वीप परिसर आणि अरबी समुद्राच्या नैऋत्य भागात गुरुवारी हे तीव्र कमी दाबाचे क्षेत्र होते. आज (ता.१४) या क्षेत्राची तीव्रता अधिक वाढून ते उत्तर- वायव्यकडे गुजरात आणि पाकिस्तानच्या किनारपट्टीच्या दिशेने ते सरकण्याची शक्यता आहे. त्यामुळे केरळ आणि लक्षद्वीप परिसरात १४ ते १७ मे या कालावधीत मुसळधार ते अति मुसळधार पाऊस पडण्याची शक्यता आहे. उद्या (शनिवारी) तमिळनाडू आणि दक्षिण कर्नाटकमध्ये काही ठिकाणी मुसळधार ते अतिमुसळधार पाऊस पडण्याचा शक्यता आहे. त्यामुळे दक्षिणपूर्व आणि मालदिव कोमोरीन आणि लक्षद्वीप लगतच्या भागात, केरळ किनारपट्टी व पूर्व मध्य अरबी समुद्रासह आणि कर्नाटक गोवा व कोकण किनारपट्टीवर जाऊ 
नये, तसेच ते समुद्रात मच्छीमारांसाठी गेले आहेत, त्यांनीही परत येण्याचा इशारा दिला आहे. 

चक्रीवादळामुळे १५ आणि १७ मेच्या दरम्यान कोकण किनारपट्टी व मध्य महाराष्ट्रा दरम्यान अनेक ठिकाणी जोरदार पाऊस पडेल. या चक्रीवादळामुळे वाऱ्याचा ताशी ४० ते ५० किलोमीटर वेग राहणार तो हळूहळू वाढत जाईल. साधारणपणे जास्तीतजास्त ताशी ७०-८० किलोमीटरपर्यंत वेगाने वारे वाहणार असल्याने बंगालच्या उपसागरात मॉन्सूनचे प्रवाह सक्रिय होण्यासाठी पोषक वातावरण बनण्याची शक्यता आहे. त्याचा परिणाम राज्यातील वातावरणावर होणार असून कोकण, मध्य महाराष्ट्रात काही अंशतः ढगाळ वातावरण तयार झाले असून उकाड्यात वाढ झाली आहे. गुरुवारी (ता. १३) सकाळी चोवीस तासांत विदर्भातील चंद्रपूर येथे सर्वाधिक ४३.२ अंश सेल्सिअसची नोंद झाली आहे. 

दक्षिण महाराष्ट्रात मुसळधारेचा इशारा 
अरबी समुद्रात तयार होणाऱ्या चक्रीवादळाचा फटका मध्य महाराष्ट्र व कोकणला बसणार आहे. रविवारपासून (ता.१६) रत्नागिरी, सिंधुदुर्ग, पुणे, कोल्हापूर, सातारा जिल्ह्यांत विजांच्या कडकडाट व मेघगर्जनेसह मुसळधार पाऊस पडण्याचा इशारा दिला आहे. त्यामुळे शेतकऱ्यांनी कापणी केलेले पिके शेडमध्ये, प्लॅस्टिकच्या कागदामध्ये झाकून ठेवावे. जनावरांना सुरक्षित ठिकाणी हलविण्यात यावे. याशिवाय फळधारणेवर असलेली पिके व भाजीपाला पिके यांना काठीचा आधार देऊन बांधण्याचा सल्ला देण्यात आला आहे. 

राज्यात या जिल्ह्यांमध्ये होणार पूर्वमोसमी पाऊस 
शुक्रवार ः
रत्नागिरी, सिंधुदुर्ग, नाशिक, नगर, पुणे, सांगली, सोलापूर, कोल्हापूर, सातारा, संपूर्ण मराठवाडा व विदर्भ 
शनिवार ः रायगड, रत्नागिरी, सिंधुदुर्ग, धुळे, नंदुरबार, नाशिक, नगर, पुणे, सातारा, सांगली, सोलापूर, कोल्हापूर, सातारा,संपूर्ण मराठवाडा व विदर्भ 
रविवारः संपूर्ण महाराष्ट्र 
सोमवार ः संपूर्ण महाराष्ट्र 

गुरूवारी (ता.१३) सकाळपर्यंतच्या २४ तासांत विविध शहरातील कमाल तापमान (अंश सेल्सिअसमध्ये) 

  • मुंबई (सांताक्रुझ) ३४.३ 
  • अलिबाग ३४.६ 
  • रत्नागिरी ३४.६ 
  • डहाणू ३४.५ 
  • पुणे ३६.६ 
  • जळगाव ४१.० 
  • कोल्हापूर ३५.१ 
  • महाबळेश्वर २९.६ 
  • मालेगाव ४२.४ 
  • नाशिक ३६.३ 
  • सांगली ३७.४ 
  • सातारा ३७.२ 
  • सोलापूर ३९.५ 
  • औरंगाबाद ३८.७ 
  • परभणी ४०.७ 
  • नांदेड ४१. 
  • अकोला ४२.२ 
  • अमरावती ४१.२ 
  • बुलडाणा ३९.६ 
  • चंद्रपूर ४३.२ 
  • गोंदिया ४१.२ 
  • नागपूर ४२.२ 
  • वाशिम ४१.६ 
  • वर्धा ४२.५ 

इतर अॅग्रो विशेष
‘महाडीबीटी’ प्रकल्प अधांतरीपुणे ः ऑनलाइन कामकाज आणि थेट लाभ हस्तांतर प्रणाली...
राज्यात सर्वदूर पावसाचा अंदाजपुणे : पोषक हवामानामुळे राज्यात दोन ते तीन दिवस...
उडदाचे दर हमीभावाच्या वर टिकूनपुणे : नवीन हंगामातील मूग आणि उडदाची बाजारात आवक...
‘टेंभू’ची १ हजार कोटींची कामे लवकरच...सांगली : दुष्काळी पट्ट्यात शेतीला टेंभू...
‘लेटर टू डेअरी मिनिस्टर’ मोहिमेला मोठा...नगर : दूध उत्पादक शेतकरी संघर्ष समितीच्या वतीने...
महात्मा फुले कृषी विद्यापीठाच्या ऊस...नगर ः राज्यात ऊस लागवडीत महात्मा फुले कृषी...
‘एफआरपी’वरून ऊस पट्ट्यात पुन्हा...कोल्हापूर : यंदाच्या हंगामात एक रकमेऐवजी तीन...
निर्यातक्षम बागांची नोंदणी लाखावर...पुणे ः राज्यातील निर्यात वाढविण्यासाठी यंदा एक...
नगदी पिकांना हंगामी पिकांची जोड देते...आपली शेती प्रयोगशील ठेवत मुदखेड (जि. नांदेड)...
केंद्र सरकारकडून खाद्यतेल आयात शुल्कात...नवी दिल्ली ः देशात खाद्यतेलाच्या वाढत्या किमतीवर...
केंद्राच्या निर्य़ातीनंतर सोयाबीनच्या...पुणे : केंद्र सरकारने खाद्यतेल आयात शुल्कात कपात...
ऱाज्यात पावसाचा जोर वाढणारपुणे : राज्यात पावसाचा जोर वाढण्यास पोषक हवामान...
तेल कंपन्याही उभारणार बारा इथेनॉल...कोल्हापूर : इंधनामध्ये वीस टक्के इथेनॉल मिश्रणाचे...
सीताफळात अर्ली छाटणीच्या प्रयोगाचा झाला...सोलापूर ः जूनमध्ये होणारी फळछाटणी मार्चमध्येच...
पीकविमा कंपनीच्या बाबतीत देशभर बोंब :...नांदेड : जिल्ह्यातील ८१ महसूल मंडळांत अतिवृष्टी...
पूरक उद्योगातून गटाने तयार केली ओळखदेवनाळ (ता. जत, जि. सांगली) गावातील उपक्रमशील...
कुक्कुटपालन, पोषण बागेतून प्रगती न्यू राजापूर (ता.हातकणंगले,जि.कोल्हापूर) येथील २४...
पीक नुकसानीच्या साडेपाच लाख पूर्वसूचना...पुणे ः राज्यात नैसर्गिक आपत्तीमुळे चालू खरिपात...
साखर कामगारांना १२ टक्के वेतनवाढपुणे ः साखर कामगारांना प्रचलित वेतनात १२ टक्के...
कोकण, पूर्व विदर्भात अधिक पावसाचा अंदाजपुणे : राज्यात गेल्या आठवड्यात मुसळधार पावसाने...