कोल्हापुरात वांगे दहा किलोस १०० ते ४०० रुपये

कोल्हापुरात वांगे दहा किलोस १०० ते ४०० रुपये
कोल्हापुरात वांगे दहा किलोस १०० ते ४०० रुपये

कोल्हापूर : येथील बाजार समितीत या सप्ताहात वांगी, ओली मिरची, घेवड्याचे दर समाधानकारक होते. वांग्यास दहा किलोस १०० ते ४०० रुपये दर होता. वांग्याची दररोज दीडशे ते दोनशे करंड्या आवक होती. टोमॅटोच्या आवकेत गेल्या सप्ताहाच्या तुलनेत घट होती. टोमॅटोची दररोज सातशे ते आठशे कॅरेट आवक होती. टोमॅटोस दहा किलोस १५० ते ३६० रुपये दर होता. गेल्या सप्ताहाच्या तुलनेत टोमॅटोचा दर काहीसा वधारल्याचे बाजार समितीच्या सूत्रांनी सांगितले. ओली मिरचीची दीडशे ते दोनशे करंड्या आवक होती. ओल्या मिरचीस दहा किलोस १८० ते ४०० रुपये दर होता. ढोबळी मिरचीची दोनशे ते तीनशे पोती आवक झाली. 

ढोबळी मिरचीस दहा किलोस ७० ते ३२० रुपये दर मिळाला. गवारीच्या आवकेत घट होती. गवारीस दहा किलोस ४५० ते ५०० रुपये दर होता. गेल्या सप्ताहात जिल्हा व परिसरात सातत्याने थंडी होती. याचा परिणाम गवारीच्या आवकेवर झाला. यामुळे गवारीची आवक रोडावल्याचे बाजार समितीतून सांगण्यात आले. जिल्ह्याच्या पश्‍चिम भागातून वरण्याची पन्नास ते शंभर पोती झाली. २०० ते ४०० रुपये दहा किलो इतका दर मिळाला. काकडीची साठ ते सत्तर करंड्या आवक झाली. काकडीस दहा किलोस ७० ते ३०० रुपये दर मिळाला. 

पालेभाज्यांमध्ये कोथिंबिरीच्या आवकेतही घट झाली. कोथिंबिरीची नऊ ते दहा हजार पेंढ्या आवक झाली. कोथिंबिरीस शेकडा १००० ते २००० रुपये दर मिळाला. गेल्या सप्ताहाच्या तुलनेत या सप्ताहात कोथिंबिरीचे दर सुमारे दहा टक्‍यांनी वधारले. मेथीची दररोज दहा ते पंधरा हजार पेंढ्या आवक होती. मेथीस शेकडा ३०० ते ६०० रुपये दर होता. पालक, पोकळा शेपूस शेकडा २०० ते ३०० रुपये दर होता. मका कणसाची दररोज दोन ते तीन हजार नगाची आवक झाली. मका कणसास शेकडा  १५० ते ५०० रुपये दर मिळाला.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com