कोल्हापूर जिल्ह्यात अतिपावसाने पिके धोक्यात

कोल्हापूर जिल्ह्यात अतिपावसाने पिके धोक्यात
कोल्हापूर जिल्ह्यात अतिपावसाने पिके धोक्यात

कोल्हापूर : गेल्या काही दिवसांपासून पडत असलेल्या पावसामुळे आजरा, राधानगरी परिसरातील बहुतांशी पिकांना धोका निर्माण झाला आहे. सोयाबीन व इतर कडधान्यांची पिके कुजण्याचा धोका निर्माण झाल्याने आता हे दोन्ही तालुके अतिवृृष्टीग्रस्त म्हणून जाहीर करून शेतकऱ्यांना मदत द्यावी, अशी मागणी या तालुक्‍यातून होत आहेत.

नुकसानग्रस्त भागाची कृषी   विभागाकडून पाहणी करण्यात आली आहे. आजरा तालुक्‍याच्या पश्‍चिम भागात विशेष करून ९२००५ या उसाच्या    जातीवर करपा, व तांबेऱ्याचा प्रादुर्भाव झाला आहे. तर काजूवरही बुरशीजन्य रोगाचा प्रादुर्भाव होत असल्याची माहिती कृषी विभागाच्या सूत्रांनी दिली.

आजरा तालुक्‍यातील पश्‍चिम भागामध्ये अतिपावसामुळे पिकावर दुष्परिणाम झाले आहेत. याची पाहणी कृषी महाविद्यालय, कोल्हापूर व कृषी विभागाकडून करण्यात आली. यामध्ये भात, काजू, ऊस व अन्य पिकांची पाहणी करण्यात आली. या पाहणीमध्ये प्राधान्याने ऊस, काजू पिकाबाबत परिस्थिती समजावून घेण्यात आली. आवंडी येथे ऊस पिकावर तांबेरा व करपा रोगाचा प्रादुर्भाव प्राधान्याने को-९२००५ या जातीवर आढळून येत असून, यावर उपाय म्हणून पावसाचे प्रमाण कमी झाल्यावर रोगग्रस्त पिकावर १९-१९-१९ या खतमात्रेची फवारणी करावी, असे सूचविले.

भातपिकावर करपा, कडा करपा, तांबेरा, खोड कीड, पाणे खाणारी अळी, रस शोषणारी अळी यांचा प्रादुर्भाव अाहे. भुईमूग पिकावर वातावरणाच्या बदलामुळे टिक्का या रोगाचा प्रादुर्भाव दिसून येत आहे. किडी-रोगांच्या नियंत्रणासाठी शिफारस केलेल्या कीडनाशकांचा वापर कृषी विद्यापीठातील तज्ज्ञांच्या सल्ल्यानुसार करावा असे कोल्हापूर येथील कृषी महाविद्यालयातील कीटकशास्त्रज्ञ डॉ. पांडुरंग मोहिते यांनी म्हटले आहे.

या वेळी आजरा पैकी करपेवाडी, आवंडी, गवसे, उचंगी या भागातील पीक पाहणी करण्यात आली. कृषी अधिकारी सी. डी. सरदेसाई, कृषी सहाय्यक एस. टी. गुरव, एस. आर. भोसले, बी. आर. दळवी, जी. के. नाईक उपस्थित होते.

काजूवरही परिणाम फांदीमर रोग, बुरशीचा प्रादुर्भाव काजू पिकावर फांदीमर हा रोग व बुरशी झाल्याचे निदर्शनास आले. त्यावर संबंधित शेतकऱ्यांना उपाययोजनाही सुचविण्यात आल्या.

आजरा तालुक्यातील पश्चिम भागात अतिपावसामुळे पिके धोक्यात येत आहेत. त्याची आम्ही पाहणी करून उपाययोजनांची पाहणी केली आहे. - के. एम. मोमीन, तालुका कृषी अधिकारी आजरा

भातावर निळे भुंगेरे, उसावर मावा, करपा रोग जास्त प्रमाणात दिसून येत आहे. शेतकऱ्यांनी कृषी महाविद्यालयाशी संपर्क साधून उपाययोजनांची माहिती घ्यावी. - डॉ. पांडुरंग मोहिते, कीटकशास्त्र विभागप्रमुख, कोल्हापूर कृषी महाविद्यालय

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com