agriculture news in marathi, kolhapur district in crop insurance scheam Minimal response | Agrowon

कोल्हापुरात पीकविमा योजनेला अत्यल्प प्रतिसाद

टीम अॅग्रोवन
शुक्रवार, 27 जुलै 2018

कोल्हापूर : जिल्ह्यात पंतप्रधान खरीप पीकविमा योजनेस अत्यल्प प्रतिसाद मिळत आहे. २५ जुलै अखेर केवळ ४५ शेतकऱ्यांनी पीकविमा उतरविला आहे. जिल्ह्यात खरीप पिकांमध्ये भात व उसाचे प्रमाण अधिक आहे. पुरेशा पावसामुळे भाताचे पीक चांगले येते. नुकसानीसाठी निकषापेक्षा उत्पादन जास्त येत असल्याने अनेक शेतकरी खरीप पीकविमा उतरवत नसल्याचा यापूर्वीचा अनुभव आहे.

कोल्हापूर : जिल्ह्यात पंतप्रधान खरीप पीकविमा योजनेस अत्यल्प प्रतिसाद मिळत आहे. २५ जुलै अखेर केवळ ४५ शेतकऱ्यांनी पीकविमा उतरविला आहे. जिल्ह्यात खरीप पिकांमध्ये भात व उसाचे प्रमाण अधिक आहे. पुरेशा पावसामुळे भाताचे पीक चांगले येते. नुकसानीसाठी निकषापेक्षा उत्पादन जास्त येत असल्याने अनेक शेतकरी खरीप पीकविमा उतरवत नसल्याचा यापूर्वीचा अनुभव आहे.

पूर्वेकडील तालुक्‍यात उसाचे प्रमाण अधिक आहे. पण, उसाचा समावेश या योजनेत नाही. यामुळे एकूणच या योजनेला प्रतिसाद मिळत नसल्याचे चित्र आहे. कृषी विभागाचे अधिकारी, कर्मचाऱ्यांनी  प्रसारमाध्यमे, बैठका या माध्यमातून योजनेचा प्रसार करण्याचे प्रयत्न सुरू केले असले तरी त्यांना कितपत प्रतिसाद मिळेल याबाबत साशंकता व्यक्त होत आहे.

अपेक्षित रक्कम नाही
राज्यात बहुतांशी ठिकाणी सर्व्हर डाऊन होणे व अन्य तांत्रिक अडचणीमुळे शेतकरी व संबंधित अधिकाऱ्यांमध्ये वादाचे प्रसंग घडत आहेत. पण, कोल्हापुरात मात्र उलट चित्र आहे. येथे शेतकऱ्यांना या विम्याविषयी फारशी उत्सुकता नसल्याने शेतकरी विमा उतरविण्यास टाळाटाळ करीत आहेत. अनेक कागदोपत्रपांची जुळवाजुळव करूनही अपेक्षित रक्कम मिळत नसल्याने विम्याकडे दुर्लक्षच होत असल्याचे बॅंकांच्या प्रतिनिधींनी सांगितले.

तांत्रिक अडचणींपेक्षा प्रतिसादाची चिंता
तांत्रिक समस्या असल्या तरी इथे मात्र शेतकरीच येत नाहीच हीच खरी समस्या कृषी विभागाकडे आहे. अगदी नाममात्र संख्येनेच शेतकरी सहभाग नोंदवत असल्याने ही योजना कोल्हापूर जिल्ह्यासाठी केवळ औपचारिकता ठरत असल्याचे चित्र आहे. गेल्या पंधरवड्यात आलेल्या पुराने अनेक पिकांचे नुकसान झाले. परंतु, नुकसान होऊनही शेतकरी पीकविमा उतरवण्यासाठी फारसा उत्सुक नसल्याचे कृषी विभागाकडून सांगण्यात आले. राज्यात सर्व्हर स्लो आहे. परंतु, शेतकऱ्यांचा दबाव नसल्याने कृषी विभागाबरोबर बॅंकांच्या प्रतिनिधीही या विम्याच्या कामकाजात फारसे व्यस्त नसल्याचे चित्र आहे.

विम्याला मुदतवाढ दिली आहे. याबाबतची कल्पना आम्ही शेतकऱ्यांना विविध माध्यमातून दिली आहे. परंतु, जिल्ह्यात पिकांची परिस्थिती चांगली असल्याने शेतकरी विम्याच्या निकषात बसत नाहीत. यामुळे अनेक शेतकऱ्यांनी अद्यापही या योजनेत सहभाग घेतला नाही. कमी क्षेत्र असणाऱ्या, जास्त नुकसान होणाऱ्या शेतकऱ्यांनी तरी या योजनेत सहभागी व्हावे, यासाठी आम्ही प्रयत्न करीत आहोत.
- उमेश पाटील, विभागीय कृषी सहसंचालक, कोल्हापूर

माझी भात शेती आहे. विम्याची रक्‍कम भरण्यासाठी खूप धावाधाव करावी लागते. इतक्‍या गोष्टी करूनही विम्याची रक्कम हाती येत नाही. यामुळे कृषी विभागाने सांगूनही आम्ही विमा उतरविला नाही.
- राधाकृष्ण पाटील, हळदी, जि. कोल्हापूर


इतर बातम्या
सोशल मिडीयावर ‘#ओला_दुष्काळ’ ट्रेंडनांदेड : राज्यात अतिवृष्टीमुळे उद्भवलेल्या पूर...
वातावरणातील धुलिकणांचे प्रमाण वाढतेय...पठारी प्रदेशात वातावरणातील धुलिकणांची पातळी...
राज्याबरोबर केंद्राच्या मदतीची गरजः शरद...उमरगा, जि. उस्मानाबाद: नैसर्गिक आपत्तीच्या...
साताऱ्यात पावसाने बटाटा पीक गेले वाहूनविसापूर, जि. सातारा ः पुसेगावसह (ता. खटाव)...
परभणी जिल्ह्यात सव्वा लाख हेक्टर...परभणी ः यंदाच्या पावसाळ्यात जून ते ऑक्टोबर...
`समृद्धी`वर उभारणार गोदामे, शीतगृहे पुणेः मराठवाडा आणि विदर्भातील शेतकऱ्यांना शेतमाल...
दोन लाख रुपयांवरील थकबाकीदारांना...शिराढोण, जि. उस्मानाबाद ः दोन लाख रुपयांपेक्षा...
पुण्यातील फूल बाजाराच्या कामाला गती पुणे: पुणे कृषी उत्पन्न बाजार समितीच्या वतीने...
पुणे जिल्ह्यात अठरा हजार हेक्टरवर...पुणे ः गेल्या तीन दिवसांपासून पावसाने काहीशी...
मदतीची घोषणा, की आश्वासनांनी बोळवण?...सोलापूर ः जोरदार पाऊस आणि पुराच्या तडाख्याने...
नगरमध्ये रब्बी ज्वारीचे तीन हजार...नगर ः रब्बी ज्वारीचे सुधारित बियाणे पेरणी होऊन...
धानाला १००० रुपये बोनस द्या;...भंडारा : निविष्ठांच्या दरात झालेली वाढ, कीड...
अमरावती जिल्ह्यासाठी २१४ कोटींची मागणीअमरावती : संततधार पाऊस, ढगाळ वातावरण, कीडरोगाचा...
राजारामबापू कारखाना उसाचे २५ लाख टन...इस्लामपूर, जि. सांगली : राज्याचे जलसंपदामंत्री,...
ऊस तोडणी हंगामात पावसाचा अडथळाकोल्हापूर : शासनाने गुरुवार (ता. १५) पासून ऊस...
नाशिक जिल्ह्यात हमीभावाने होणार बाजरी...येवला, जि. नाशिक : शासकीय भरड धान्य खरेदी...
शेतकऱ्यांनी आधुनिक शेतीकडे वळावे ः डॉ....आळसंद, जि. सांगली :  शेतकऱ्यांनी आता...
राज्यात ठिकठिकणी जोरदार पाऊस पुणेः राज्यातील पावसाचा प्रभाव कमी...
केळी निर्यातीसाठी ‘बनानानेट’च्या...नागपूर: राज्यातून केळीची निर्यात वाढल्यानंतर आता...
देशातील सूतगिरण्या ९५ टक्के क्षमतेने...जळगाव ः देशातील सुमारे ७१५ सूतगिरण्या ९५ टक्के...