कोल्हापूर : जिल्ह्यात सध्या ऊस लागवडीच्या कामांनी विश्रांती घेतली आहे. कारखाने बंद झाल्यानंतर जिल्ह्यात नव्या ऊस लागवडींनाही ब्रेक मिळतो. आता नव्या आडसाली लागवडी जूननंतरच सुरु होतील, अशी शक्यता आहे.
महापुरानंतर ऊस तोडणीचा कार्यक्रम अपेक्षेप्रमाणे लवकर संपला नाही. जिल्ह्यातील पूर्व भागात एप्रिल मध्यापर्यंत ऊस तोडणी सुरु होती. यातच ‘कोरोना’च्या संकटामुळे शेतकामावरही मोठा परिणाम झाला. एप्रिलमध्ये ऊस तोडणी सुरु असलेल्या शेतकऱ्यांना मोठ्या अडचणीस सामोरे जावे लागले. ज्या शेतकऱ्यांची ऊस तोडणी एप्रिलमध्ये झाली, ते आता आडसाली लागवडीला प्राधान्य देतील, अशी शक्यता आहे. अनेक ठिकाणी लागवडीचा वेळ वाचविण्यासाठी शेतकऱ्यांनी ऊस रोपांनाही प्राधान्य दिले.
डिसेंबर ते फेब्रुवारीपर्यंत बहुतांशी ठिकाणी यंदा ऊस लागवडी झाल्या आहेत. या उसाला मशागतीची गरज आहे. या उसाच्या मशागतीसाठी शेतकरी गडबड करीत आहेत. लॉकडाउन सुरु झाल्यानंतर एप्रिलच्या पूर्वाधात युरियाची मोठी टंचाई निर्माण झाली होती. आता हळूहळू परिस्थिती पूर्वपदावर येत असल्याचे चित्र आहे. मुबलक खत पुरवठ्याची शक्यता
खताचे रेक दाखल होत असल्याने येत्या काही दिवसांत युरियासह अन्य खतांचा मुबलक पुरवठा होण्याची शक्यता आहे. ‘लॉकडाउन’मधून कृषी निविष्ठा विक्रेत्यांना सूट दिल्याने खते, औषधे मिळण्याचा शेतकऱ्यांचा मार्ग मोकळा झाला आहे. यामुळे सध्या जसे बैलजोड्या, ट्रॅक्टर, आदी मशागतीची साधने उपलब्ध होतील. तशी मशागत उरकण्याकडे शेतकऱ्यांचा कल दिसून येत आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.