कोल्हापुरात गूळ हंगाम मध्यावर १५ लाख रव्यांची आवक

कोल्हापुरात गूळ हंगाम मध्यावर १५ लाख रव्यांची आवक
कोल्हापुरात गूळ हंगाम मध्यावर १५ लाख रव्यांची आवक

कोल्हापूर : यंदाच्या हंगामात जानेवारीच्या शेवटच्या सप्ताहाअखेर गुळाची १५ लाख रव्यांची आवक झाली आहे. दरात मात्र विशेष सुधारणा झाली नाही. गुळास प्रतिक्विंटल २८०० ये ३८०० इतका दर कायम आहे. पूर्ण क्षमतेने हंगाम सुरू होऊन तीन महिन्यांचा कालावधी झाला आहे. यदा हंगामाच्या प्रारंभी सातत्याने ४००० रुपये प्रतिक्विंटल इतका दर मिळाला. नोव्हेंबरनंतर मात्र गुळाच्या दरात घसरण सुरू झाली. डिसेंबरपर्यंत ३००० रुपये इतका दर खाली आला. आवकेत फार वाढ नसली तरी मागणीत सातत्य नसल्याने दर फारसे वाढले नाहीत. गुजरातच्या बाजारपेठेत उत्तर प्रदेशचा गूळ येऊ लागल्याने त्याचा फटका येथील गुळास बसत आहे. ती स्थिती अद्यापही कायम असल्याची माहिती व्यापारी सूत्रांनी दिली.  सध्या गूळ हंगाम मध्यात आहे. अजून एक महिना गुऱ्हाळे चालू शकतील, असा अंदाज आहे. गेल्या वर्षीच्या तुलेनंत यंदाच्या आवकेचा अंदाज घेतल्यास सध्या गेल्या वर्षीइतकीच आवक सुरू असल्याचे बाजार समितीतून सांगण्यात आले. गुळाला सरासरी दर ३५०० रुपयांपर्यंत मिळत आहे. चांगल्या दर्जाच्या गुळास ४००० रुपयांच्या वरही दर मिळत असला तरी अशा प्रकारचा गूळ बाजार समितीत येण्याचे प्रमाण कमी असल्याचे गूळ विभागाच्या सूत्रांनी सांगितले. आणखी पंधरा दिवस गुळाची आवक वाढलेली दिसेल. त्यानंतर आवकेत घट येण्याची शक्यता असल्याचे बाजार समितीतून सांगण्यात आले.

दर्जानुसार गुळास मिळणारा सरासरी दर असा (क्विंटल)

 दर्जा  दर
 स्पेशल  ४२००
 क्र १  ४०००
 क्र २  ३७००
 क्र ३  ३३००
 क्र ४  २९००  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com