कोल्हापुरात धरणक्षेत्रात पाऊस सुरूच

कोल्हापुरात धरणक्षेत्रात पाऊस सुरूच
कोल्हापुरात धरणक्षेत्रात पाऊस सुरूच

कोल्हापूर : धरणांच्या पाणलोट क्षेत्रात मंगळवारी (ता. १४) दुपारपर्यंत सुरू होती. राधानगरी धरणांतून विसर्ग सुरूच होता. राधानगरीतून २८५६ व वीजनिर्मितीसाठी १६०० असा ४४५६ क्‍युसेक पाण्याचा विसर्ग भोगावतीत सुरू असल्याने नदीची पातळी वाढली आहे. काळम्मावाडी धरणाच्या वक्राकार दरवाजातून ५००० क्‍युसेक पाणी दूधगंगा नदीत सोडण्यात येत आहे. जिल्ह्यात पावसाचा जोर आजही कायम होता. धरणातून पाणी सोडण्यात आल्याने नद्यांच्या पातळीत वाढ झाली आहे.

तुळशी धरणाच्या पाणलोट क्षेत्रात संततधार सुरू असल्याने धरणाचे तिन्ही दरवाजे उघडण्यात आले आहेत. ७५० क्‍युसेकने नदीपात्रात पाण्याचा विसर्ग सुरू आहे. या वर्षी धरणाचे दुसऱ्यांदा दरवाजे उघडण्यात आले आहे. पाणलोट क्षेत्रात ७५ मिलिमीटर पावसाची नोंद झाली आहे. केळोशीच्या उजव्या कालव्यातून पाण्याचा विसर्ग सुरू असल्याने धरणाचे तीनही दरवाजे उघडण्यात आले आहेत. वारणा धरण पाणलोट क्षेत्रात जोरदार पाऊस सुरू आहे.

धरणातून पाण्याचा विसर्ग वाढवला आहे. शाहूवाडी तालुक्‍यात संततधार पाऊस सुरू आहे. शत्तूर-आरळा, सोंडोली-चरण, भेडसगाव-बिळाशी या पुलावर पाणी येण्याचा धोका आहे; तर कोकरूड-रेठरे दरम्यानचा पूल पाण्याखाली गेला आहे. मालेवाडी, रेठरे परिसरातील वाहतूक तुरुकवाडीमार्गे सुरू आहे. कानसा व वारणा नद्यांनी धोक्‍याची पातळी ओलांडली आहे. कोकरूड, रेठरे, गोंडोली, मालेवाडी, विरळे, जांबूर, कांडवण, पळसवडे, सोंडोली, खेडे, शिरार्ळे, भेडसगाव परिसरातील नदीकाठची पिके पाण्याखाली गेली आहेत. दरम्यान संततधार पावसामुळे पंचगंगा नदीच्या पाणीपातळीत वाढ झाल्याने पंचगंगा नदीचे पाणी पात्राबाहेर पडले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com