Agriculture news in Marathi Krishi Karj Mitra Yojana for immediate loans to farmers | Page 2 ||| Agrowon

शेतकऱ्यांना तत्काळ कर्जासाठी कृषी कर्ज मित्र योजना

टीम अॅग्रोवन
सोमवार, 25 ऑक्टोबर 2021

राज्यातील शेतकऱ्यांना वेळेत व सुलभरीत्या कर्ज मिळण्यासाठी ग्रामविकास विभागाने कृषी कर्ज मित्र योजना यंदा राबवण्याचा निर्णय घेतला आहे. कृषी कर्ज मित्रांसाठी प्रत्येक प्रकरणाकरिता दीडशे ते अडीचशे रुपयांचे सेवाशुल्क निश्‍चित करण्यात आले आहे.

नगर : राज्यातील शेतकऱ्यांना वेळेत व सुलभरीत्या कर्ज मिळण्यासाठी ग्रामविकास विभागाने कृषी कर्ज मित्र योजना यंदा राबवण्याचा निर्णय घेतला आहे. कृषी कर्ज मित्रांसाठी प्रत्येक प्रकरणाकरिता दीडशे ते अडीचशे रुपयांचे सेवाशुल्क निश्‍चित करण्यात आले आहे. ग्रामीण रोजगारनिर्मितीला चालना देणाऱ्या उपक्रमासाठी जिल्हा परिषदेला स्वनिधीच्या २०२१-२२ च्या अंदाजपत्रकात दहा लाख रुपयांची तरतूद करावी लागणार आहे. २०२१-२२ या वर्षासाठी ही योजना आहे. 

शेतकऱ्यांना खरीप, रब्बी हंगामासाठी राष्ट्रीयीकृत, सहकारी, खासगी बँका, पतसंस्थांच्या माध्यमातून कर्जपुरवठा केला जातो. शेतकऱ्यांचा जिल्हा मध्यवर्ती सहकारी बँकेकडे कल अधिक असतो. सहकारी बँकेकडून विविध कार्यकारी सेवा सहकारी सोसायट्यांतर्फे कर्ज दिले जाते. शेतकरी नवीन पीक, मध्यम, दीर्घ मुदतीचे कर्ज घेतात. कर्ज घेण्यासाठी सात-बारा उताऱ्यापासून बँकांचे ना-हरकत प्रमाणपत्र अशी कागदपत्रे जमा करावी लागतात. त्यासाठी बराच कालावधी लागतो. अनेकदा हंगाम संपल्यावर कागदपत्रांअभावी कर्ज मिळत नाही. मग खासगी सावकाराकडून अधिक व्याजाने शेतकऱ्यांना कर्ज घ्यावे लागते. अशा परिस्थितीत सरकारने जिल्हा परिषदेच्या कृषी विभागातर्फे कृषी कर्ज मित्र योजना राबवण्याचा निर्णय घेतला आहे. या योजनेमुळे शेतकऱ्यांना कर्जे सहजपणे उपलब्ध होण्याला मदत होणार आहे. 

अल्प मुदत : पहिल्यांदा पीककर्ज घेणारा शेतकरी - प्रति प्रकरण सेवा शुल्क ः दीडशे रुपये
मध्यम व दीर्घ मुदत : 
नवीन कर्ज प्रकरण - प्रत्येक प्रकरण सेवा शुल्क ः दोनशे पन्नास रुपये 
कर्जाचे नूतनीकरण करणे - प्रत्येक प्रकरण सेवा शुल्क ः दोनशे रुपये 

योजनेतील ठळक बाबी

  • कृषी कर्ज मित्राने ज्या शेतकऱ्यांना कर्जाची आवश्यकता आहे. अशा शेतकऱ्यांच्या भेटी घेऊन कर्ज प्रकरणाच्या कार्यपद्धतीची माहिती द्यायची आहे. तसेच शेतकऱ्यांकडून मित्रांनी कागदपत्रे जमा करून कर्ज प्रकरण बँकेमध्ये जमा करायचे.
  • कृषी कर्ज मित्राकडून पारदर्शी व प्रामाणिकपणे शेतकऱ्यांना साह्य आणि सल्ला देण्याविषयीचे बंधपत्र घेणे आवश्‍यक राहील. कृषी कर्ज मित्रास शुल्क देण्यासाठी तालुकास्तरावर गटविकास अधिकाऱ्यांच्या अध्यक्षतेखाली समिती असेल. 
  • बँकेकडे कृषी कर्ज मित्र शेतकऱ्याच्या शिफारशीसह सेवाशुल्क मागणी सादर करतील. बँकेकडून तपासणी करून गटविकास अधिकाऱ्यांकडे सेवाशुल्क देण्यासाठी यादी दिली जाईल. 
  • कृषी कर्ज मित्र म्हणून सेवा देऊ इच्छिणाऱ्या व्यक्तीला जिल्हा परिषदेच्या संकेत स्थळावर नोंदणी करावी लागेल.
  • नोंदणी झालेल्या इच्छुक व्यक्तीची यादी करून त्या यादीला जिल्हा परिषद कृषी समितीची मान्यता घ्यावी लागेल. या समितीला निवडीचे अंतिम अधिकार असतील. योजनेचा कालावधी कमी करणे अथवा वाढवण्याचा अधिकार सरकारने जिल्हा परिषदेला दिला आहे.

इतर बातम्या
नवीन ११४० कृषिपंपांना जोडण्या ः पडळकरनांदेड : ‘‘राज्य शासनाने सुरू केलेल्या कृषिपंप...
नाशिक: किमान आधारभूत किंमत योजनेंतर्गत...नाशिक: खरीप पणन हंगाम २०२१-२२ मध्ये केंद्र...
सांगली जिल्ह्यात बाधित पिकांचे पंचनामे...सांगली ः जिल्ह्यात गेल्या पाच ते सहा दिवसांपूर्वी...
जळगाव : नावासह पत्ता दुरुस्तीसाठी  ६५...जळगाव : जिल्ह्यात मतदार यादी विशेष संक्षिप्त...
खानदेशात रब्बी पिकांची पेरणी रखडत जळगाव ः खानदेशात रब्बी पिकांची पेरणी रखडतच सुरू...
नाशिक : दुधाळ जनावरांच्या गटवाटप ...नाशिक : पशुसंवर्धन विभागामार्फत नावीन्यपूर्ण...
सोलापूर :सिद्धेश्‍वर कारखान्याला...सोलापूर ः कुमठे येथील श्री सिद्धेश्‍वर सहकारी...
राज्यामध्ये थंडीत वाढ होण्याची शक्यतापुणे : राज्याच्या किमान तापमानात घट होऊ लागली आहे...
मराठवाड्यात रब्‍बीत कपाशीची लागवडऔरंगाबाद : मराठवाडा म्हणजे कपाशीचा पट्टा. या...
मर रोगामुळे तुरीचे उभे पीक वाळू लागलेनांदेड : जिल्ह्यात अतिवृष्टीच्या तडाख्यातून...
बळिराजासाठी पोलिस आले धावूनसिरोंचा, गडचिरोली : शेतात पांढरे सोने, अर्थात...
आंदोलनातील शहिदांना आर्थिक भरपाई द्यावी...नवी दिल्ली ः कृषी कायद्यांविरोधातील शेतकरी...
आरक्षण नाही, तर मतदान नाही; ओबीसींचा...भंडारा : २७ टक्के ओबीसी आरक्षणाबाबत राज्य सरकारने...
सोयाबीन बाजारात हेलकावेपुणे ः पंधरा दिवसांपासून सोयाबीन बाजारात चढ-उतार...
नांदेड जिल्ह्यात फळपीक विमा मंजुरीची...नांदेड : मागील वर्षी मृग तसेच आंबिया बहरासाठी...
औरंगाबाद : जमिनीवरील अत्याचार थांबवू;...औरंगाबाद : आम्ही आमच्या गावातील जमिनीवर होणारे...
प्रोग्रेसिव्ह पॅनेलला  काठावरचे बहुमत पुणे ः पुणे बाजार समितीमधील भुसार व्यापाऱ्यांची...
उत्पादन खर्च वाढल्याने येवल्याची पैठणी...येवला, जि. नाशिक : राजवस्त्र, अर्थात येवल्याची...
रेशीम कोषाला सोनेरी दिवसपुणे : चालू वर्षी रेशीम कोषाला सोन्याचे दिवस आले...
पुणे :एकवीस जागांसाठी २९९ अर्जपुणे : पुणे जिल्हा मध्यवर्ती सहकारी बँकेच्या...