agriculture news in Marathi krushi sahayak sitting arrangement scheme stopped Maharashtra | Page 3 ||| Agrowon

कृषी सहायकांची बैठक व्यवस्था योजना गुंडाळली 

टीम अॅग्रोवन
मंगळवार, 2 मार्च 2021

 गावपातळीवर ग्रामविस्ताराला चालना मिळावी याकरिता कृषी सहाय्यकांसाठी ग्रामपंचायतस्तरावर बैठक व्यवस्थेचा उपक्रम राबविण्यात आला होता. 

नागपूर ः गावपातळीवर ग्रामविस्ताराला चालना मिळावी याकरिता कृषी सहाय्यकांसाठी ग्रामपंचायतस्तरावर बैठक व्यवस्थेचा उपक्रम राबविण्यात आला होता. मात्र सरकार बदलल्यानंतर ही योजना गुंडाळण्यात आल्याने कृषी विस्ताराचे काम प्रभावित झाले आहे. 

भाजप सत्ताकाळात तत्कालीन कृषीमंत्री डॉ. अनिल बोंडे यांनी कृषी सहाय्यक गावात येत नसल्याच्या वाढत्या तक्रारींची दखल घेत ग्रामपंचायत परिसरातच कृषी सहाय्यकांसाठी बैठकीची व्यवस्था करण्याची घोषणा केली होती. त्याकरिता ग्रामविकास मंत्रालयाकडून शासन आदेशही काढण्यात आला. त्यानंतरच्या काळात गतिमान घडामोडी होत राज्यातील अनेक गावांमध्ये ग्रामपंचायतस्तरावर कृषी सहाय्यकांकरीता बैठक व्यवस्था करण्यात आली. 

आता मात्र सरकार बदलताच पुन्हा येरे माझ्या मागल्याचा कित्ता गिरविला जात आहे. नागपूर विभागात २१०१ ग्रामपंचायती आहेत. यातील केवळ ९१६ ग्रामपंचायतींकडूनच या उपक्रमात सहभाग नोंदवीत कृषी सहाय्यकांकरीता बैठक व्यवस्था उपलब्ध करुन देण्यात आली. ९८५ ग्रामपंचायतींनी मात्र याकडे दुर्लक्ष केल्याचा आरोप आहे. अमरावती विभागातील पाच जिल्ह्यात ३९३९ ग्रामपंचायती आहेत. यातील ३५ ते ४० टक्के ग्रामपंचायती मध्येच कृषी सहायकांकरता बैठक व्यवस्था आहे. परंतु यातील किती ग्रामपंचायतींमध्ये कृषी सहाय्यक कार्यालय उघडून बसतात याबाबत ठोसपणे कुणालाही सांगता आले नाही. 

नागपूर विभागातील कृषी सहाय्यकांकरीता बैठकस्थिती 
नागपूर ः
२६३ 
वर्धा ः ४ 
गोंदिया ः १९ 
भंडारा ः २३ 
चंद्रपूर ः ३६२ 
गडचिरोली ः २४५ 

प्रतिक्रिया
ग्रामपंचायतीमध्ये कृषी सहाय्यकांकरता बैठक व्यवस्था हा योग्य निर्णय होता. परंतु यवतमाळ जिल्ह्यात या निर्णयाची कोठेही अंमलबजावणी झाल्याचे दिसून येत नाही. 
- मनीष जाधव, जिल्हाध्यक्ष, स्वाभिमानी शेतकरी संघटना, यवतमाळ. 

फिल्डवरच्या कर्मचाऱ्यांकरिता बैठक व्यवस्था अडचणीची ठरते. कार्यालय दिल्यास त्या ठिकाणी येणाऱ्या व्यक्तींच्या समस्या ऐकण्यासाठी मदतनीस देखील आवश्यक आहे. त्याच्या माध्यमातून संबंधित शेतकऱ्यांकडील दस्तऐवज घेत नंतर त्यावर प्रक्रिया करता येईल. काही ग्रामपंचायतींमध्ये ग्रामविस्तार अधिकारी व तत्सम व्यक्तींनाच बसण्यासाठी जागा नाही. मग कृषी सहाय्यकांकरीता व्यवस्था कशी होईल ? 
- बापूसाहेब शेंडगे, राज्य अध्यक्ष, महाराष्ट्र राज्य कृषी सहाय्यक संघटना. 
 


इतर अॅग्रो विशेष
हरभरा दर पाच हजारांवर अकोला ः यंदा हरभऱ्याचा दर शासनाने जाहीर केलेल्या...
साठ कृषी कर्मचाऱ्यांचा कोरोनाने घेतला...पुणे ः कोविड १९ साथीच्या तडाख्यात सापडल्याने कृषी...
महात्मा फुले कृषी विद्यापीठाचे कुलसचिव...नगर ः राहुरी येथील महात्मा फुले कृषी विद्यापीठाचे...
शेततळ्यांद्वारे मिर्झापूरचे शिवार झाले...मागेल त्याला शेततळे योजनेंतर्गत मिर्झापूर (ता.जि...
दर्जेदार बियाणे उत्पादनातून ‘वर्णेश्‍वर...वर्णा (जि. परभणी) येथील शेतकऱ्यांनी वर्णेश्‍वर ॲ...
ऊसपट्ट्यात दहा एकर दर्जेदार पपईकोल्हापूर जिल्ह्यातील खडकेवाडा (ता. कागल) येथील...
अन्न प्रक्रियेसाठी ‘थ्री डी प्रिंटिंग’...सर्वसामान्यपणे आपल्याला विविध आकारातील कुकीज,...
मराठवाडा, विदर्भात पाऊस वाढण्याची...पुणे : कर्नाटकाच्या उत्तर भागात चक्रिय वाऱ्याची...
अत्याधुनिक हवामान केंद्रे आता...नाशिक जिल्ह्यातील मोहाडी येथील प्रसिद्ध सह्याद्री...
कापूस बियाणे विक्री एक जूनपासून पुणे ः राज्यात कापूस बियाणे विक्रीवर यंदा देखील...
कारखान्यांकडून इथेनॉलचे ३०२ कोटी  लिटर...कोल्हापूर : यंदा साखर कारखान्यांनी इथेनॉल कंपन्या...
मोहफुलांवरील दारूबंदी कायद्याचे निर्बंध...पुणे ः मोहफुलांच्या प्रक्रिया उद्योगातून आदिवासी...
तुरळक ठिकाणी हलक्या सरी पुणे : पूर्वमोसमी पावसाचा काहीसा प्रभाव कमी झाला...
बाजार समित्यांमध्ये तुरीचे दर स्थिरावले अकोला ः यंदा तुरीचे उत्पादन कमी झाले. शिवाय...
ठिकठिकाणी गारपीट, पावसाचा दणका पुणे : मध्य महाराष्ट्र, मराठवाडा आणि कोकणात...
साखर उद्योगाकडून २५ ऑक्सिजन प्रकल्पपुणेः कोरोना विषाणूमुळे उद्भवलेल्या भयावह साथीचा...
गुरुवारपासून पाऊस वाढणार पुणे : मध्य महाराष्ट्राच्या दक्षिण भागात गेल्या...
दोन हजार कोटींचा बेदाणा शीतगृहात पडून सांगली ः कोरोनाचा प्रादुर्भाव वाढल्यामुळे सांगली-...
दर्जेदार आंब्याला मिळवले बांधावरच ग्राहकपुनर्वसित ठिकाणी मिळालेल्या शेतजमिनी ओसाड...
नगरमध्ये भाजीपाला विक्रीला बंदी नगर ः कोरोनाची बाधा झालेल्या रुग्णांची संख्या...